Author: خبری

اسپیس ایکس فیلکن 9 کو امریکی ریاست فلوریڈا کے کیپ کانورال کے ائیرفورس اسٹیشن پر قائم اسپیس لانچ کمپلیکس 40 سے خلاء میں بھیجا گیا۔ اس اسپیس کرافٹ میں خلائی اسٹیشن کے لیے سائنسی تجربوں کی چیزیں اور دیگر سامان سمیت تقریباً 1977 کلوگرام سپلائی بھیجی گئی ہے امریکی خلائی ادارے ناسا کےمطابق اسپیس ایکس مدار میں پہنچ گیا ہے اور 9 مارچ کی صبح انٹرنیشنل اسپیس اسٹیشن پہنچ جائے گا۔ ناسا کے مطابق اسپیس اسٹیشن پہنچنے پر کارگو ایکس فیلکن 9 سے خلانورد جیسیکا میئر خودکار نظام کے ذریعے سپلائی وصول کریں گی۔ واضح رہے کہ یہ اسپیس کرافٹ ایک ماہ تک خلاء میں رہے گا اور اسپیس سٹیشن سے 1600 کلوگرام سے زائد کارگو کا سامان واپس زمین پر بھی لائے گا جو کہ زمینی موسمی حالات اور سائنسی تحقیقات کے مکمل ہونے پر منحصر ہے۔اس کے علاوہ ڈریگن اسپیس کرافٹ زمین پر واپسی پر کچھ ہارڈویئرز اور متعدد سائنسی تجربوں کےنتائج بھی ل...

بیجنگ نے امریکی بحریہ کے اس الزام کی تردید کی ہے کہ ایک چینی جنگی جہاز نے امریکہ کے پی۔8 اے پوسیڈن نگرانی کے طیارے پر بحیرہ جنوبی چین میں " فوجی گریڈ" لیزر فائر کیا تھا جس سے جہاز کو نقصان پہنچا۔ چین کی وزارت دفاع نے اپنے وی چیٹ اکاؤنٹ پر ، گزشتہ ہفتے امریکی فوج کی طرف سے لگائے جانے والے الزامات کا جواب دیتے ہوئے کہا کہ امریکی بحریہ کے دعوے "حقیقت کے مطابق نہیں ہیں"۔ چینی وزارت دفاع نے مزید کہا کہ چینی افواج علاقے میں معمول کی مشق کر رہی تھیں۔ واضح رہے کہ بحر الکاہل میں تعینات امریکی بحری بیڑے نے چین پرالزام عائد کیا تھا کہ جب امریکہ کا پوسیڈن نگران جہاز 17 فروری کو گام سے کوئی 380 میل مغرب میں "بین الاقوامی پانیوں" کے اوپر پرواز کر رہا تھا اس وقت چینی بحریہ نے لیزر کے ذریعے اس کو نقصان پہنچانے کی کوشش کی تھی۔ امریکی بحریہ کے دعوے کے مطابق یہ لیزر "انسانی آنکھ کودکھائی نہیں دے رہا...

ماسکو نے تیل کی پیداوار میں اضافی کٹوتیوں کے حوالے سے اوپیک کی حمایت کرنے سے انکار کر دیا ہے اور کہا ہے کہ وہ صرف موجودہ کٹوتیوں میں توسیع کرنے پر رضامند ہوگا ، روسی خبر رساں ادارے ٹی اے ایس ایس نے اپنے ذرائع کا حوالہ دیتے ہوئے کہا کہ روس نے جمعہ کے روز ویانا میں غیر رسمی مشاورت کے دوران اضافی پیداوار میں کٹوتیوں پر کسی بھی پیش کش کو مسترد کردیا ہے۔ واضح رہے کہ ماسکو طویل عرصے سے یہ اشارہ دے رہا ہے کہ وہ موجودہ معاہدے میں توسیع کی حمایت کرے گا لیکن نئی کٹوتی نہیں۔ ایرانی وزیر تیل بیجن زنگانے ، جن کا ملک اوپیک کا رکن ہے لیکن اسے کسی بھی قسم کی روک تھام سے استثنیٰ حاصل ہے ، نے کہا کہ اوپیک ابھی بھی روس اور دیگر اوپیک ریاستوں کے ساتھ معاہدے تک پہنچنے کے لئے کام کر رہا ہے۔ یاد رہے کہ اوپیک نے جمعرات کو اس سال کی دوسری سہ ماہی میں اس کی پیداوار میں 15 لاکھ بیرل روزانہ (بی پی ڈی) کٹوتی ...

چین کے شہر ووہان سے پھیلنے والا کورونا وائرس 2 مختلف حصوں میں تقسیم ہوگیا جن میں سے ایک زیادہ جارحانہ رویے کا حامل ہے۔یہ بات چین میں ہونے والی ایک طبی تحقیق کے نتیجے میں سامنے آئی جس سے اندازہ ہوتا ہے کہ کرونا وائرس کی روک تھام کے لیے ویکسین کی تیاری میں مشکلات ہو سکتی ہیں۔ اس ابتدائی تحقیق میں یہ بھی پتہ چلا کہ وائرس کی زیادہ جارحانہ قسم ووہان میں 70 فیصد کیسز میں دریافت ہوئی جبکہ باقی 30 فیصد کم جارحانہ قسم کے وائرس سے شکار ہوئے۔ سائنسدانوں کا کہنا تھا کہ نتائج سے اس خیال کو تقویت ملتی ہے کہ اس حوالے سے فوری طور پر جامع تحقیق کی ضرورت ہے جس میں جینوم ڈیٹا، وبائی ڈیٹا اور مریضوں کی علامات کے چارٹ ریکارڈز کا جائزہ لیا جائے۔ان کا کہنا تھا کہ یہ وائرس ارتقائی مراحل سے گزر کر 2 حصوں ایل اور ایس ٹائپس کی شکل اختیار کرگیا۔ واضح رہے کہ پیکینگ یونیورسٹی اسکول آف لائف سائنسز اور انسٹیٹوٹ آف...

فرانسیسی خبر رساں ادارے اے ایف پی کے مطابق عالمی فوجداری عدالت (آئی سی سی) نے افغانستان میں جنگی جرائم کی تحقیقات کی اجازت دے دی۔ دی ہیگ میں قائم جرائم کی عالمی عدالت نے اپنے فیصلے میں کہا ہے کہ پراسیکیوٹر کو اختیار ہے وہ یکم مئی 2003 سے افغانستان میں امریکی فورسز سمیت دیگر فورسز اور افغان حکومت کے مبینہ جنگی جرائم کی تحقیقات کرے۔ وقت آگیا ہے کہ افغانستان میں ہونے والے ظلم و بربریت کی تحقیقات کو آگے بڑھانا چاہیے۔ عدالت نے اپنے فیصلے میں کہا ہے کہ پراسیکیوٹر کی جانب سے کی جانے والی ابتدائی تحقیقات سے ایسے شواہد ملے ہیں جو افغانستان میں مبینہ جنگی جرائم کی تحقیقات کو آگے بڑھانے پر زور دیتے ہیں۔عدالت کا مزید کہنا ہے کہ افغانستان  ایک ممبر کی حیثیت سے جرائم کی بین الاقوامی عدالت کے دائرہ اختیار میں آتا ہے۔...

ترک صدر رجب طیب اردوگان اور ان کے روسی ہم منصب ولادی میر پوتن کے درمیان روس کے دارالحکومت ماسکو میں طویل ملاقات ہوئی جو 6 گھنٹے تک جاری رہی۔ملاقات کے بعد صحافیوں سے بات چیت کرتے ہوئے ترک صدر طیب اردوگان نے شام کے تشدد زدہ صوبے ادلب میں سیز فائر کا اعلان کیا اورساتھ ہی شامی حکومت کو خبردار کیا کہ اگرترک فوجیوں پر حملوں کا سلسلہ جاری رکھا تو ترکی پوری طاقت کے ساتھ جوابی کارروائی کرے گا۔ اس موقع پر روسی صدر پوتن کا کہنا تھا کہ روس اپنے ترک شراکت داروں کی پالیسیوں کے ساتھ مسلسل غیر رضا مند تھا لیکن ہم امید کرتے ہیں کہ یہ معاہدہ ادلب کے پر امن علاقے میں لڑائی کے خاتمے کے لیے بہتر بنیاد ثابت ہوگا اورعوام کی مشکلات کے خاتمے سمیت بڑھتے ہوئے انسانی بحران کو بھی کم کرے گا۔ ترک اور روسی صدور کی پریس کانفرنس کے بعد دونوں ممالک کے وزرائے خارجہ نے مشترکہ اعلامیہ جاری کرتے ہوئے کہا کہ دونوں ممالک ...

دہلی میں حالیہ فسادات میں 45 افراد کی ہلاکت اور مسلمانوں کی املاک کو تباہ کرنے پر برطانوی اراکین پارلیمان نے خارجہ اور دولت مشترکہ کے دفتر (ایف سی او) پر زور دیا ہے کہ اس معاملے پر بھارتی حکومت سے کی گئی بات چیت کی تفصیلات فراہم کی جائیں۔  اخبار ڈان نیوز کے مطابق سکھ اراکینِ پارلیمینٹ تنمنجیت سنگھ دیشی اور پریت گِل کور نے دہلی فسادات پر بھارتی حکومت کو تنقید کا نشانہ بناتے ہوئے ایف سی او کے نمائندوں سے سوال پوچھتے ہوئےکہا کہ دہلی میں حالیہ دنوں میں ہونے والے فسادات نے ’دردناک یادیں تازہ کردی ہیں‘۔ انھوں نے کہا کہ ’جب میں بھارت میں زیر تعلیم تھا (تو) 1984 میں بطور ایک مذہبی اقلیت (میں نے) سکھوں کی نسل کشی ہوتے دیکھی ہے، اسپیکر کو مخاطب کرتے ہوئے انہوں نے کہا کہ ہمیں تاریخ سے سیکھنے کی ضرورت ہے، معاشرے کو تقسیم کرنے کے ارادے رکھنے والےمذہب کے نام پر قتل و غارت گری اور مذہبی مقامات تب...

واشنگٹن کی ایک وفاقی عدالت نے عراق میں تعینات ایک امریکی فوجی خاتون مترجم پر الزام عائد کیا ہے کہ اس نے لبنانی ملیشیا حزب اللہ سے روابط رکھنے والے افراد کو ایسی معلومات فراہم کیں جن میں امریکی فوج کے لیے کام کرنے والے عراقی مُخبروں کے نام بھی شامل تھے۔ فیصلے میں مزید کہا گیا کہ 29 دسمبر کو ایران کی حلیف عراقی ملیشیاؤں کے مراکز پر امریکی لڑاکا طیاروں کے حملوں کے ایک روز بعد مریم نے کمپیوٹر میں امریکی فوج کی خصوصی فائلوں میں گھسنا شروع کر دیا۔ ان فائلوں میں امریکی فوج کے ذرائع کی شناخت کے علاوہ ان کی جانب سے فراہم کردہ معلومات بھی شامل تھیں۔ بدھ کے روز جاری فیصلے میں کہا گیا ہے کہ ریاست مینیسوٹا سے تعلق رکھنے والی 61 سالہ خاتون مریم طہ تھامسن نے دسمبر کے وسط میں عراق کے شہر اربیل میں امریکی اسپیشل فورسز کے ساتھ بطور مترجم کام کرنے کا معاہدہ کیا تھا۔ مریم کا سیکورٹی پرمٹ انتہائی خفیہ رک...

امریکہ کے میڈیا ٹائیکون مائیکل بلومبرگ ڈیموکریٹک پارٹی کی طرف سے صدارتی امیدوار کی حیثیت سے نامزدگی کی دوڑ سے دست بردار ہو گئے ہیں۔ واضح رہے کہ انھوں نے سپر منگل کے موقع پر ووٹروں کی جانب سے بے رُخی ملاحظہ کرنے کے بعد سابق نائب صدر جوزف بائیڈن کے حق میں دستبردار ہونے کا فیصلہ کیا ہے۔جو بائیڈن اس وقت صدارتی نامزدگی کے لیے ڈیمو کریٹک پارٹی کی پرائمری دوڑ میں نمایاں ہیں۔ اس سے پہلے وہ نامزدگی کی اس دوڑ میں مائیکل بلومبرگ سے بھی پیچھے تھے۔ مائیکل بلومبرگ نے اس صورت حال پر تبصرہ کرتے ہوئے کہا ہے کہ ’’ تین ماہ قبل ، میں ڈونلڈ ٹرمپ کو شکست دینے کی نیّت سے صدارتی انتخاب کی دوڑ میں شریک ہواتھا۔آج میں اسی بنا پر اس دوڑ سے دستبردار ہورہا ہوں کیونکہ مجھ پر یہ واضح ہوچکا ہے کہ اگر میں اس دوڑ میں شامل رہتا ہوں تو اس مقصد کا حصول زیادہ مشکل ہوجائے گا یعنی ڈونلڈ ٹرمپ کوشکست سے دوچار کرنا مشکل ہو سکتا ہ...

عالمی مالیاتی ادارے نے کورونا وائرس سے متاثرہ ممالک کے لیے 50 ارب ڈالرز کے فنڈز جاری کرنے کا اعلان کرتے ہوئے ساتھ ہی خبردار کیا ہےکہ وباء کی وجہ سے رواں سال عالمی معاشی ترقی گزشتہ سال کے مقابلے کم ہے۔آئی ایم ایف کا کہنا ہےکہ وہ متوسط، صحت کا کمزور نظام رکھنے والے اور کم آمدن والے ممالک کے لیے فنڈز کی دستیابی یقینی بنارہا ہے۔ مالیاتی ادارے کی جانب سے جاری کردہ ایک بیان میں مزید کہا گیا ہےکہ کورونا وائرس کے پھیلاؤ نے رواں سال مضبوط معاشی ترقی کی امیدوں کو ختم کردیا ہے جس کے باعث 2020 میں عالمی ترقی کی شرح 2008 کے معاشی بحران کے بعد کم ترین ہوگی۔ واضح رہے کہ چین کے صوبے ووہان سے پھیلنے والا کورونا وائرس اب تک 80 سے زائد ممالک کو اپنی لپیٹ میں لے چکا ہے جس سے دنیا بھر میں 3 ہزار سے زائد افراد ہلاک ہوچکے ہیں جب کہ 95 ہزار سے زائد متاثر ہیں۔...