Author: خبری

امریکہ میں سفر کی آن لائن سہولت فراہم کرنے والی کمپنی اوبر کا کہنا ہے کہ گزشتہ 2 سال میں انہیں صرف امریکہ میں جنسی زیادتی کے 6 ہزار واقعات کی شکایات موصول ہوئیں۔رپورٹ کے مطابق  ان میں سے 3 ہزار سے زائد واقعات 2018 میں پیش آئے جب کہ 2017 میں 2 ہزار 936 واقعات رپورٹ کیے گئے۔ حفاظتی کارکردگی کا جائزہ پیش کرنے والی کپمنی کی جانب سے شائع کی جانے والی پہلی رپورٹ کے مطابق 2017 اور 2018 کے دوران امریکہ میں لی گئی 2 ارب 30 کروڑ سواریوں میں جنسی زیادتی کے 5 ہزار 981 واقعات پیش آئے جو ڈرائیور اور مسافر دونوں کی جانب سے تھے۔ دوسری رپورٹ کے مطاابق  سال 2018 میں ایک ارب 30 سواریاں لی گئیں، سال 2017 میں کل سواریوں کی تعداد 1 ارب تھی۔ واضح رہے کہ دنیا بھر میں اوبر کو اپنی سیفٹی پالیسی کی وجہ سے تنقید کا سامنا ہے اور حال ہی میں کمپنی کو لندن میں اپنے لائسنس سے بھی ہاتھ دھونا پڑا تھا۔ کمپنی کا کہنا ہے...

امریکی ریاست ہوائی کے بحری فوجی اڈے پرل ہاربر پر فائرنگ کے باعث دو افراد ہلاک ہو گئے، بھارتی ایئر چیف محفوظ رہے۔ امریکی میڈیا کے مطابق پرل ہاربر پر نیوی کے اہلکار نے اچانک امریکی محکمہ دفاع کے سویلین ملازمین پر گولیاں برسانا شروع کر دیں۔اور پھر خود کو گولی مار کر خودکشی بھی کرلی۔حملے میں محکمہ دفاع کے 2 اہلکار ہلاک اور ایک زخمی ہوگیا جس کی حالت خطرے سے باہر ہے امریکی حکام کے مطابق فوری طور پر حملے کے محرکات سامنے نہیں آئے اور واقعے کی وجوہات جاننے کےلیے تحقیقات شروع کردی گئی ہیں۔ واقعے کے بعد پرل ہاربر پر سیکیورٹی سخت کرتے ہوئے اسے کچھ دیر کے لیے بند کردیا گیا۔ میڈیا کے مطابق جب فائرنگ کا واقعہ پیش آیا بھارتی فضائیہ کے سربراہ ’آر کے ایس بھدریہ اور چند بھارتی اہلکار بھی پرل ہاربر کے فوجی اڈے پر موجود تھے تاہم وہ سب حملے میں محفوظ رہے۔ بھارتی ایئرچیف پیسیفیک ایئرفورس چیفس کانفرنس میں ش...

امریکی وزیر دفاع مارک ایسپر ایران کا مقابلہ کرنے کے لیے 5 سے 7 ہزار اضافی فوجی مشرق وسطی بھیجنے کا ارادہ رکھتے ہیں۔ لیکن ان اضافی فوجیوں کو کب اور کہاں تعینات کیا جائے گا یہ ابھی واضح نہیں ۔ ایک امریکی ذمے دار نے جمعرات کے روز فرانسیسی خبر رساں ایجنسی کو شناخت ظاہر نہ کرنے کی شرط پر بتایا کہ یہ اقدام ایران کے ساتھ تعلقات رکھنے والی ایک جماعت کے حملوں کے جواب میں کیا جائے گا جس نے حالیہ مہینوں کے دوران امریکی مفادات کو نشانہ بنایا تھا۔ کانگرس کے ایک اجلاس میں نائب وزیر دفاع جون روڈ کا کہنا تھا کہ "امریکہ کو ایران کے رویے پر تشویش ہے۔ ہم خطرے کی شدت کا مسلسل جائزہ لے رہے ہیں اور اپنی موجودگی کو تیزی کے ساتھ ہم آہنگ کرنے کی قدرت رکھتے ہیں"۔ تاہم جون روڈ نے امریکی اخبار وال اسٹریٹ جرنل کی اس رپورٹ کی تردید کی جس میں کہا گیا تھا کہ مشرق وسطیٰ کے خطے میں 14 ہزار اضافی امریکی فوجیوں کے ت...

سوڈان کی عبوری حکومت کے سربراہ وزیراعظم عبداللہ حمدوک نے جمعرات کے روز امریکہ کے تاریخی دورے کے اختتام پر کہا کہ دہشت گردی کو سپورٹ کرنے والے ممالک کی امریکی فہرست سے سوڈان کا نام نکالے جانے کے حوالے سے "پیش رفت" ہوئی ہے۔واضح رہے کہ حمدوک 1985 کے بعد واشنگٹن کا دورہ کرنے والے پہلے سوڈانی سربراہ ہیں۔ امریکی وزارت خارجہ ، وزارت خزانہ اور کانگرس کے سینئر ذمے داران سے ملاقاتوں کے بعد حمدوک نے اٹلانٹک کونسل ریسرچ سینٹر کے زیر ًانتظام ایک کانفرنس سے خطاب میں کہا کہ "بات چیت میں اصل توجہ یقینا سوڈان کا نام دہشت گردی کے معاون ممالک کی فہرست سے ہٹانے پر مرکوز تھی اوراس معاملے نے بہت سے دیگرمعاملات کے حل کی راہ میں رکاوٹ ڈال رکھی تھی تاہم حالیہ چند ماہ کے دوران امریکہ کے ساتھ شروع ہونے والی بات چیت بہتر طریقے سے آگے بڑھ رہی ہے"۔ امریکہ نے حمدوک کے واشنگٹن کے دورے کے دوران بدھ کے روز اعلان کیا ...

العریبیہ نیوز ایجنسی کے مطابق واشنگٹن انتظامیہ عراقی ذمے داران پر پابندیاں عائد کرنے کا ارادہ رکھتی ہے ۔ان پابندیوں کا اعلان آئندہ چند گھنٹوں میں کر دیا جائے گا۔ یہ پیش رفت عراق کے جنوبی صوبوں میں عوامی احتجاج کے خلاف تشدد کے واقعات کے بعد سامنے آئی ہے۔ واضح رہے کہ جنوبی صوبوں میں ایک دن کے اندر درجنوں مظاہرین اپنی جانوں سے ہاتھ دھو بیٹھے تھے۔ امریکی وزیر خارجہ مائیک پومپیو نے کہا ہے کہ"امریکہ اپنا قانونی اختیار استعمال کرے گا تا کہ عراقیوں کی دولت لوٹنے والی بدعنوان شخصیات اور مظاہرہ کرنے والے شہریوں کو ہلاک اور زخمی کرنے والوں پر پابندیاں عائد کی جا سکیں"۔اس سے قبل امریکی وزیر خارجہ کے معاون ڈیوڈ شنکر نے اُن پابندیوں کا عندیہ دیا تھا جو واشنگٹن کی جانب سے عراق میں "جابر عہدے داران" کے خلاف لگائی جا سکتی ہیں۔۔ ادھر بغداد میں تحریر اسکوائر پر موجود طبی کارکنان کے حوالے سے ذرائع ن...

امریکہ کے ایوانِ نمائندگان نے چین میں اویغور مسلمانوں کی ’عبوری نظر بندی، جبری سلوک اور ہراسانی‘ کے خلاف ایک قانون کا مسودہ منظور کر لیا ہے۔اس بل کواویغور ہیومن رائٹس پالیسی ایکٹ 2019 کا نام دیا گیا ہے۔ اس مسودۂ قانون کے حق میں 407 جبکہ مخالفت میں صرف ایک ووٹ ڈالا گیا۔ امریکی سینیٹ اور صدر ڈونلڈ ٹرمپ کی جانب سے منظوری کے بعد یہ بل نافذ ہو جائے گا۔ منگل کی شب منظور کیے جانے والے اس بل میں چینی حکومت کے ارکان اور خاص طور پر چین کے خودمختار صوبے سنکیانگ میں کمیونسٹ پارٹی کے سیکریٹری چن چوانگؤ کو ہدف بنا کر پابندیاں لگانے کا مطالبہ کیا گیا ہے۔ یاد رہے کہ اس بل کے منظور ہونے سے کچھ دن پہلے صدر ٹرمپ نے ہانگ کانگ کے جمہوریت پسند مظاہرین کے حق میں بھی ایک بل پر دستخط کر کے اسے قانون کی شکل دی تھی جس کی چین کی جانب سے شدید مذمت کی گئی تھی۔خیال ہے کہ یہ قانون چین اور امریکہ کے درمیان جاری تجا...

مغربی دفاعی اتحاد نارتھ اٹلانٹک ٹریٹی آرگنائزیشن (نیٹو) کے سربراہ اسٹولٹن برگ نے لندن میں ایک تقریب سے خطاب کرتے ہوئے کہا ہے کہ ہمیں چین کی بڑھتی ہوئی دفاعی طاقت کے مضمرات پر سنجیدگی سے غور کرنا ہوگا۔ہم چین کو اپنا مخالف نہیں بنانا چاہتے لیکن ہمیں چین کی بڑھتی قوت سے نمٹنا ہوگا۔ اسٹولٹن برگ کا کہنا تھا کہ چین کی بڑھتی ہوئی طاقت اور اس کے میزائل جو کہ یورپ اورامریکہ کو نشانہ بنانے کی طاقت رکھتے ہیں اس بات کا تقاضا کرتے ہیں کہ نیٹو اتحادیوں کو اس مسئلےکوحل کرنے کے لیے اقدامات کرنا ہوں گے کیونکہ چین کی بڑھتی ہوئی دفاعی طاقت تمام اتحادی ممالک کے لیے دفاعی مضمرات رکھتی ہے۔ ان کا کہنا تھا کہ چین کا دنیا میں دوسرا بڑا دفاعی بجٹ اور اس کی حالیہ دفاعی ترقی خصوصاً میزائل یورپ اور امریکہ کے لیے خطرہ ہیں۔چین نے جنوبی بحیرہ چین کے متنازع  جزائر میں متعدد ممالک کے احتجاج کے باجود وہاں اپنے جہاز ب...

غیر ملکی خبر رساں ادارے کے مطابق امریکی حکام کی جانب سے دھمکی دیتے ہوئے کہا گیا ہے کہ فرانسیسی مصنوعات پر واشنگٹن کی طرف سے 100 فیصد یعنی 2.4 ارب ڈالر مالیت کا ٹیکس عائد کیا جائےگا۔ واضح رہے کہ امریکہ کی چین کے ساتھ بھی تجارتی معاملات پر کشیدگی چل رہی ہے۔ متعدد بار امریکی صدر ڈونلڈ ٹرمپ چینی مصنوعات پر ٹیکس لگا چکے ہیں جس کے جواب میں چینی صدر شی جن پنگ نے بھی بدلے میں بڑے پیمانے پر ٹیکس لگائے۔ اس دوران کشیدگی میں بھی کمی آئی تاہم اس کے اثرات مسلسل چل رہے ہیں۔ اس کشیدگی کے بعد اب امریکہ کی کشیدگی فرانس کے ساتھ بھی بڑھنے لگی ہے۔ تجارتی کشیدگی کے بعد فرانسیسی مصنوعات پر اضافی ٹیکس لگانے کے بعد فرانسیسی وزیر خزانہ کا کہنا ہے کہ اگر یہ اضافی ٹیکس لگایا گیا تو یورپی یونین ایک ہو کر امریکی مصنوعات پر ٹیرف عائد کرے گی۔ یاد رہے کہ حکومت فرانس نے امریکی کمپنیوں گوگل، فیس بک اور ایمیزون پر ...

نیویارک میں ایک فیڈرل کورٹ کے جج نے منگل کے روز لبنانی نژاد امریکی شہری علی کورانی کو 40 سال قید کی سزا سنا دی۔ ملزم پر رواں سال مئی میں یہ فرد جرم عائد کی گئی تھی کہ وہ حزب اللہ کے مفاد کے لیے امریکہ میں دہشت گرد حملوں کی تیاری میں ملوث ہے۔ مین ہٹن میں فیڈرل اٹارنی جیفرے بیرمین نے ایک بیان میں بتایا کہ لبنان میں پیدا ہونے والا علی کورانی 2003 میں امریکہ پہنچا تھا اور 2009 میں اس نے امریکی شہریت حاصل کی جہاں حزب اللہ کی ذیلی تنظیم الجہاد الاسلامی نے علی کورانی کو بھرتی کر کے تربیت دی اور پھرنیویارک میں دہشت گرد کارروائیوں کی منصوبہ بندی اورعمل درآمد کے لیے بھیج دیا۔ جیفرے نے مزید بتایا کہ کئی برس تک نیویارک شہر کے انفرا اسٹرکچر اور اہم عمارتوں اور تنصیبات کی نگرانی کے بعد اب کورانی مذکورہ تنظیم کا اول نمبر کا ایجنٹ بن چکا ہے۔ یاد رہے کہ رواں سال مئی میں آٹھ روز تک جاری رہنے والی ...

امریکی صدر ڈونلڈ ٹرمپ نے منگل کے روز ایک ٹویٹ میں کہا ہےکہ ان کی حکومت ایرانی عوام پر مسلط مذہبی سوچ سے آزادی کے لیے حمایت جاری رکھے گی۔ ایران اپنے ہی عوام کو طاقت کے ذریعے کچل کر ہلاک کررہا ہے۔ اپنے آئینی حقوق کے حصول کے لیے احتجاج کرنے والوں پر گولیاں چلائی جاتی ہیں۔ انہوں نے عالمی برادری سے بھی اپیل کی کہ وہ ایرانی عوام کے حقوق کی حمایت میں ان کےساتھ کھڑی ہو۔ ٹرمپ نے مظاہرین پر ایرانی سیکیورٹی فورسز کے کریک ڈاؤن کی مذمت کرتے ہوئے کہا کہ ایندھن کی قیمتوں میں اضافے کے خلاف نکلنے والے پرامن جلوسوں پر فائرنگ اور نہتے شہریوں کی ہلاکتیں انسانی حقوق کی سنگین پامالیوں میں شامل ہیں۔ صرف احتجاج کرنے پر ایران میں بے شمار لوگ مار دیے گئے۔ یہ انتہائی خوفناک ہے۔ واضح رہے کہ پٹرول کی قیمتوں میں اچانک اضافے کے اعلان کے بعد 15 نومبر کو ایران میں مظاہرے شروع ہوگئے تھے۔ ایرانی حکومت نے اچانک تیل ک...