سیاست

لبنان میں معاشی صورتحال سے پریشان لوگ سڑکوں پر نکل آئے ہیں۔ لبنانی لیرا/پاؤنڈ کی قدر میں ملکی تاریخ کی بدترین گراوٹ ہوئی ہے جس کے باعث ملک کی معاشی صورتحال کا خانہ جنگی کے دور سے موازنہ کیا جا رہا ہے۔ یاد رہے کہ لبنانی پاؤنڈ میں گزشتہ کچھ ماہ میں 85٪ گراوٹ ہوئی ہے۔ ملک کا بیرونی قرضہ 90 ارب ڈالر کی حد پار کر گیا ہے، جو ملکی مجموعی پیداوار سے 170 گناء زیادہ ہے۔ جبکہ بیروت دھماکے، کورونا وباء اور سیاسی کشمکش کے باعث ملکی معیشت 20 فیصد سکڑ گئی ہے۔ ملک میں بگڑتی صورتحال کے باعث لوگوں کا جینا اجیرن ہو گیا ہے اور شہری سڑکوں پر حکومت کے خلاف احتجاج کر رہے ہیں۔ پولیس مظاہرین کو منتشر کرنے کے لیے آنسوگیس اور تشدد کا سہارا لے رہی ہے۔ مشرق وسطیٰ کے سیاسی ماہرین کا ماننا ہے کہ کشیدگی خطے میں جاری جبری حکومتوں کے خلاف مزاحمتی تحریک کو نئی روح فراہم کر سکتی ہے۔...

لندن میں 33 سالہ خاتون سارہ ایورریڈ کے اغواء اور قتل پر ملک بھرمیں مظاہرے ہو رہے ہیں۔ مبینہ ملزم لندن پولیس کا افسر ہے جسے محکمے نے حراست میں لے کر تحقیقات شروع کر دی ہیں، پولیس کو سارہ کی لاش کے ٹکرے قریبی جنگل سے مل گئے ہیں۔ خبر کے شائع ہوتے ہی ملک میں مظاہرے شروع ہو گئے ہیں، تاہم پولیس کورونا تالہ بندی کے باعث مظاہرین کو زدوکوب کر رہی ہے۔ https://twitter.com/VinnyMcAv/status/1370830431533342729?s=20 https://twitter.com/RitaPanahi/status/1370843223715803137?s=20 معاملے پر خواتین تنظیموں کی جانب سے بڑے مظاہروں کا انتظام کیا جا رہا ہے، جبکہ میڈیا سے گفتگو میں خواتین خود کو ملک میں غیرمحفوظ قرار دے رہی ہیں۔ دوسری طرف سماجی حلقے پولیس تشدد پر سخت غم و غصے کا اظہار کر رہے ہیں۔ https://twitter.com/georgegalloway/status/1370851563233808385?s=20 https://twitter.com/miss...

بولیویا کی اعلیٰ عدالت نے سابق صدر ایوو مورالس کی منتخب حکومت کے خلاف بغاوت کرنے کے جرم میں سابق قائمقام صدر، وزراء اور سربراہان افواج کو گرفتار کرنے کا حکم جاری کیا ہے۔ حکومتی درخواست پر سنوائی میں عدالت نے سابق قائمقام صدر جینائن آنیز اور دیگر اعلیٰ حکام پر بغاوت، سازش، دہشت گردی اور ہراسگی کے الزامات پر سماعت کی اور تمام افراد کی گرفتاری کا حکم دیا۔ سابق قائمقام صدر نے عدالتی کارروائی کو سیاسی انتقام قرار دیا ہے۔ https://twitter.com/JeanineAnez/status/1370435922861420555?s=20 دیگر افراد میں جنرل قلیم کالیمان اور پولیس کے سابق سربراہ یوری کالدیرون بھی شامل ہیں۔ عسکری اہلکاروں پر الزام ہے کہ انہوں نے سابق صدر پر نومبر 2019 کی بغاوت کے دوران انتخابات جیتنے کے باوجود استعفیٰ دینے کا دباؤ ڈالا تھا۔ باغیوں کا الزام تھا کہ انتخابات میں دھاندلی ہوئی ہے۔ بغاوت کے بعد باغی...

امریکہ میں ہیکروں کے ایک گروہ نے دعویٰ کیا ہے کہ انہوں نے ایک لاکھ پچاس ہزار سے زائد سکیورٹی کیمروں کو کنٹرول کرنے کی رسائی حاصل کر لی ہے، جن میں اسپتال کے علاوہ جیلوں اور ٹیسلا فیکٹری کے سکیورٹی کیمرے بھی شامل ہیں۔ گروہ کا دعویٰ ہے کہ انکے ہاتھ سکیورٹی کیمروں کے مرکزی نظام کا منتر (پاسورڈ) لگ گیا ہے، جس سے انہوں نے رسائی حاصل کی ہے۔ امریکی میڈیا رپورٹ کے مطابق سِلیکون ویلی کی کمپنی وِرکادا ہیکروں کا ہدف بنی ہے، جسکے سکیورٹی کیمرے کا مرکزی ڈیجیٹل نظام ہیکروں کے ہاتھوں لگ گیا۔ رپورٹ کے مطابق ہیکروں کے پاس امریکہ کی سب سے بڑی اور جدید کاروں کی کمپنی ٹیسلا فیکٹری کے سکیورٹی کیمروں کی رسائی بھی لگی، جن کی تعداد 200 سے زائد ہے۔ ہیکر ان کیمروں سے کمپنی کی پیداوار اور سٹور تک رسائی رکھتے ہیں۔ اس کے علاوہ ہیکر متعدد اسکولوں، جیلوں اور اسپتالوں خصوصاً شعبہ نفسیات تک رسائی رکھتے ہیں۔ رپورٹ کے مطا...

یونان کے شہر ایتھنز میں پولیس گردی کے خلاف ہزاروں افراد احتجاج کر رہے ہیں۔ احتجاج پولیس کے بیہمانہ تشدد کی ایک ویڈیو سامنے آنے پر کیا جا رہا ہے، اطلاعات کے مطابق گزشتہ جمعرات پولیس نے گرفتاری کے لیے ایک شخص پر شدید تشدد کیا۔ https://twitter.com/ThePressProject/status/1368569669431554051?s=20 مظاہرین کی تعداد بڑھنے پر پولیس نے آنسو گیس کا استعمال کیا تو شہری پولیس کے خلاف ڈٹ گئے، ہاتھا پائی کے دوران کئی افراد اور پولیس اہلکاروں کے زخمی ہونے کی بھی اطلاعات ہیں۔ https://youtu.be/i-kIIo3IMSk https://twitter.com/human_wannabe_/status/1369339251805065223?s=20 https://youtu.be/MgJQ4tH106k https://twitter.com/ninarei/status/1369344243588886533?s=20...

سابق امریکی صدر ڈونلڈ ٹرمپ 2020 کے صدارتی انتخابات کو کالعدم قرار دلوانے کی آخری کوشش میں بھی ناکام ٹھہرے ہیں۔ امریکی سپریم کورٹ نے انکے وسکونسن میں انتخابی عمل پر اعتراضات کو مسترد کرتے ہوئے درخواست کو رد کر دی ہے۔ سابق امریکی صدر نے درخواست میں مؤقف اختیار کیا ہے کہ انتخابی عمل میں آئین اور ریاستی قانون کو توڑا گیا اور ڈاک کے ذریعے ووٹ ڈالنے کی مقررہ مدت کے بعد بھی ووٹوں کو قبول کیا گیا، درخواست میں اس کے علاوہ دیگر بے ضابطگیوں پر بھی سوالات اٹھائے گئے تھے تاہم سپریم کورٹ نے درخواست مسترد کر دی ہے۔ واضح رہے کہ صدر ٹرمپ کی قانونی ٹیم نے انتخابی نتائج کے خلاف عدالتوں میں درجنوں مقدمات دائر کیے، جن میں مختلف اعتراضات اٹھائے گئے تھے تاہم سابق صدر کو ان سے کوئی خاطر خواہ فائدہ حاصل نہ ہو سکا، بلکہ اکثر درخواستوں کو اعلیٰ عدالتوں نے بلا سنوائی ہی رد کر دیا۔ واضح رہے کہ درخواست پر جج...

ہندوستان میں کسان احتجاج کے دوران ایک 50 سالہ کسان نے خود کو رسی سے لٹکا کر خود کشی کر لی ہے۔ دہلی میں جاری کسان آندولن کے دوران بے حس حکومت کی توجہ حاصل کرنے میں ناکام کسان نے خود کی زندگی ہی ختم کر لی ہے۔ https://twitter.com/Bkuektaugrahan/status/1368438413871902724?s=20 مقامی میڈیا کے مطابق کسان نے اپنے پیچھے ایک پیغام میں حکومت کو اسکی ہلاکت کی وجہ قرار دیا ہے، اور مطالبہ کیا ہے کہ کسان دشمن قانون واپس لیا جائے۔ کسان نے اپنے تحریر شدہ پیغام میں مزید کہا ہے کہ حکومت کو قربانی چاہیے، اسلیے میں کسانوں کے مطالبات کی خاطر اپنی زندگی کی قربانی دے رہا ہوں۔ واضح رہے کہ ہندوستانی پنجاب کے علاقوں ہریانہ اور اترپردیش سے لاکھوں کی تعداد میں کسان دہلی میں کسان کش پالیسیوں کے خلاف مظاہرہ کر رہے ہیں، اور یہ مظاہرہ 100 سے بھی زائد دنوں سے جاری ہے۔ قانون پر بنیاد اعتراض چھوٹے کسانوں کو بڑے ...

آسٹریا کے دارالحکومت ویانا میں ہزاروں مظاہرین نے کورونا تالہ بندی کے خلاف مظاہرہ کیا ہے۔ مظاہرین حکومت سے سخت نالاں تھے اور چانسلر سے استعفے کا مطالبہ کر رہے تھے۔ مقامی اخبار کے مطابق مظاہرے میں 15 ہزار سے زائد افراد نے شرکت کی۔ پابندی کے باوجود اکٹھا ہونے پر پولیس نے مظاہرین کو بکھر جانے کا حکم دیا اور عملدرآمد نہ ہونے پر درجنوں مظاہرین کو گرفتار کر لیا۔ مظاہرین پر تشدد کرنے پر سماجی حلقوں نے سخت ناراضگی کا اظہار کیا ہے۔ آسٹریا میں اب تک 4 لاکھ 72 ہزار 871 کورونا مریضوں کا اندراج ہوا ہے، جبکہ 864 افراد کی ہلاکت ہوئی ہے۔ انتظامیہ نے موسم میں تبدیلی کے ساتھ ہی تالہ بندی میں کچھ نرمی کا عندیا دیا تھا تاہم برطانوی قسم کے وائرس کے خوف کے باعث حکومت تذبذب کا شکار ہے اور نرمی کرنے سے گریزاں ہے۔ https://www.youtube.com/watch?v=EXhW6XhCHwM...

سویڈن میں 20 سالہ نامعلوم نوجوان نے گلی میں چاقو کے وار سے 8 افراد کو زخمی کر دیا ہے۔ پولیس نے حملہ آور کو روکنے کے لیے اسے گولی مار کر زخمی کیا اور گرفتار کر کے لیے گئے۔ پولیس کا ماننا ہے کہ ممکنہ طور پر یہ ایک دہشت گرد حملہ تھا تاہم ابھی اس حوالے سے کوئی مصدقہ معلومات سامنے نہیں آئی ہیں۔ حملہ آور تاحال زخمی حالت میں اسپتال میں پڑا ہے، اور پولیس اس سے تفتیش نہیں کر سکی ہے، تاہم پولیس نے اس کے بستر پر کڑا پہرا لگا رکھا ہے۔ انتظامیہ نے شہر میں ذرائع آمدورفت پر سکیورٹی بڑھا دی ہے اور شہریوں کو بھی محتاط رہنے کی تلقین کی ہے۔...