news

سحر نیوز ایجنسی کی رپورٹ کے مطابق اسلامی جمہوریہ ایران کی اعلی ٰ قومی سلامتی کونسل کے سیکریٹری علی شمخانی نے آج اتوار کی علی الصبح اپنے ٹوئٹر پیج میں اس جانب اشارہ کرتے ہوئے کہ پابندیوں کا وائرس امریکہ کے گرتے ہوئے تسلط سے بچنے کے لئے وائٹ ہاؤس کا ہتھیار ہے کہاکہ یورپ کس طرف کھڑا ہے اپنے وقار اور عزت کو برقرار رکھنے یا پھر ذلت و رسوائی کو دوبارہ قبول کرنے اور یکطرفہ پالیسیوں کی حمایت و مدد کرنے کی راہ پر؟ ایران کی اعلیٰ قومی سلامتی کونسل کے سیکریٹری نے کہا ہے کہ جوہری معاہدے کا بےجان جسم اقوام متحدہ کی قرارداد 2231 کو بائی پاس کرنے اور ایران پر اسلحے کی غیر قانونی پابندیوں کو جاری رکھنے کے ساتھ ہمیشہ کے لئے مر جائے گا۔ یہ بات قابل ذکر ہے کہ امریکی وزیر خارجہ مائیک پومپئو نے حالیہ دنوں کے دوران دعوی کیا تھا کہ امریکہ قرارداد نمبر2231 میں شراکت دار ہے اور ایران پر اسلحے کی پابندی میں ت...

عالمی ادارہ صحت (ڈبلیو ایچ او) کی جانب سے جمعے کے روز یہ تسلیم کیا گیا کہ کرونا وائرس نے قدرتی طور پر جنم لیا اور یہ کسی تجربہ گاہ میں نہیں تیار کیا گیا۔ تاہم امریکی صدر ڈونلڈ ٹرمپ کی جانب سے چین پر تنقید کی شدت میں کمی نہیں آئی۔ وہ اپنے اس موقف پر قائم ہیں کہ اگر چین زیادہ شفاف طریقے سے حرکت میں آ جاتا تو دنیا کے لیے اس وبا کے پھیلاؤ کو روکنا ممکن تھا۔ ٹرمپ نے جمعے کی شام ایک پریس کانفرنس کے دوران ایک بار پھر اپنےاس موقف کو دہرایا کہ ان کی انتظامیہ ووہان شہر سے شروع ہونے والی اس وبا کے تناظر میں چین کے خلاف بہت سے اقدامات پر غور کر رہی ہے۔ ادھر وائٹ ہاؤس کے اقتصادی مشیر لیری کوڈلو نے خبردار کیا ہے کہ کرونا وائرس کے معاملے میں چین کا احتساب کیا جائے گا۔ امریکی چینل سی این بی سی کو دیے گئے ایک خصوصی انٹرویو میں ان کا کہنا تھا کہ "وہ چین کواحتساب کے کٹہرے میں لائیں گے۔ لیکن ایسا کب ،...

چند دن پہلے کورونا وائرس سے صحت یاب ہونے والے برطانوی وزیراعظم بورس جانسن نے انکشاف کیا ہے کہ کورونا کی وجہ سے ڈاکٹرز ان کی موت کے لیے تیار تھے۔یہ ایک تلخ لمحہ تھا جس کی تردید نہیں کی جا سکتی ۔ برطانوی اخبار کو انٹرویو دیتے ہوئے بورس جانسن نے کہا کہ میں نےکسی بھی مرحلے پر یہ نہیں سوچا کہ مرنے والا ہوں۔ اسپتال میں وینٹی لیٹرپر بھی رکھا گیا مگر پریشانی صرف یہ تھی کہ طبیعت کیوں بحال نہیں ہو رہی۔بہر حال اس تجربے نے بیماری سے لڑنے اور ملک کو معمول پر لانے کے لیے زیادہ پرعزم بنا دیا ہے۔ بورس جانسن کا کہنا تھا کہ  علاج کرنے والے ڈاکٹروں کے پاس ایسی حکمت عملی تھی کہ اگر سابق سوویت رہنما اسٹالن کی طرح ان کا اچانک انتقال ہو جائے تو کیا کرنا ہے۔  یاد رہے کہ 27 مارچ کو برطانوی وزیراعظم کے کورونا وائرس کے ٹیسٹ کی رپورٹ مثبت آئی تھی جس کے بعد وہ ڈاؤننگ اسٹریٹ میں واقع اپنی سرکار...

عرب لیگ نے مقبوضہ مغربی کنارے کے اسرائیل سے الحاق کا منصوبہ مسترد کردیا۔اطلاعات کے مطابق عرب لیگ نے مقبوضہ مغربی کنارے کے زیادہ تر حصوں سے متعلق اسرائیل کی متنازع تجویز کی مذمت کرتے ہوئے کہا ہے کہ یہ اقدام فلسطینیوں کے خلاف ’نیا جنگی جرم‘ ثابت ہوگا۔ الجزیرہ ٹی وی کی رپورٹ کے مطابق مصر کے دارالحکومت قاہرہ میں منعقد عرب وزرائے خارجہ کی کانفرنس کے بعد جار ی ہونے والے مشترکہ بیان میں کہا گیا کہ وادی اردن سمیت 1967 میں مقبوضہ فلسطینی علاقوں کے کسی بھی حصے کو الحاق کرنے کے منصوبوں پر عمل درآمد اور جن زمینوں پر اسرائیلی آباد ہیں وہ سب فلسطینی عوام کے خلاف ایک نئے جنگی جرم کی نمائندگی کرتے ہیں۔عرب لیگ نے امریکہ پر زور دیا کہ وہ ’قابض اسرائیلی حکومت کے منصوبوں کو فعال کرنے میں اپنا تعاون ختم کرے۔ واضح رہے کہ امریکی صدر ڈونلڈ ٹرمپ نے جنوری میں کئی دہائیوں سے جاری اسرائیل اور فلسطین تنازع کے ...

امریکی ریاستوں ٹیکساس اور آسٹن میں بل گیٹس کو گرفتار کرو ،کرونا کا ڈرامہ اب ختم کرو کے نعرے گونج اٹھے ۔ پوری دنیا اس وقت کرونا وائرس کی زد میں‌ ہے اوریہ وبا پوری دنیا میں‌پھیل چکی ہے، لیکن جوتباہی اس وبا نے عالمی دہشت گرد امریکہ میں پھیلائی ہے اس کو بڑا ہی خطرنا ک لیا جارہا ہے تفصیلات کےمطابق امریکی حکومت بار ہا اس مرض کے لیے چین کو ذمہ دارقرار دے چکی ہے جبکہ امریکی عوام مائکروسوفٹ کے بانی اورمالک بل گیٹس کو بھی اس کا ذمہ دارسمجھ رہے ہیں ، یہی وجہ ہےکہ اب بل گیٹس کے خلاف امریکہ سمیت دنیا بھرمیں مظاہروں کا سلسلہ شروع ہو چکا ہے، تازہ ترین اطلاعات کے مطابق ٹیکساس اورآسٹن میں بل گیٹس کے خلاف مظاہروں کا سلسلہ طویل ہوگیا ہے اوراب یہ نعرے گونج رہے ہیں کہ بل گیٹس کو گرفتارکرو ، اس کے ساتھ ساتھ یہ بھی کہا جارہا ہے کہ اب بل گیٹس کو کرونا وائرس سے متعلق اپنے تیارکردہ ڈراموں کو ختم کرنا ہوگا ،ذ...

اب جب کہ دنیا بھر میں کرونا وائرس سے متاثرہ افراد کی تعداد تیس لاکھ تک پہنچ گئی ہے اور دو لاکھ سے زیادہ افراد اس وبا کے سبب موت کا شکار ہو چکے ہیں ،آخر کار عالمی سلامتی کونسل اپنی خاموشی ختم کر کے حرکت میں آ گئی۔ آئندہ ہفتے کوویڈ - 19 وائرس کے بحران کے حوالے سے سلامتی کونسل میں پہلی قرار داد منظور کی جائے گی۔ یہ پیش رفت امریکہ، چین اور روس کے درمیان ایک ماہ سے زیادہ عرصے تک اختلافات کی صورت حال دیکھے جانے کے بعد سامنے آ رہی ہے۔ مذکورہ قرارداد کو تیونس اور فرانس نے مشترکہ طور پر پیش کیا ہے۔ قرارداد میں تمام ممالک کے درمیان رابطہ کاری کو مضبوط بنانے، دشمنانہ کارروائیاں روک دینے اور تنازعات میں گھرے ممالک میں انسانی بنیادوں پر جنگ بندی کا مطالبہ کیا گیا ہے۔علاوہ ازیں اس قرارداد میں اقوام متحدہ کے سکریٹری جنرل انتونیو گوٹیرس کی کوششوں کو سپورٹ کرنے کے علاوہ اقوام متحدہ کی ایجنسیوں کی ایک ب...

القدس اشریف کے غاصب اور جابر صیہونی فوجیوں نے مسجد الاقصی کے خطیب کے گھر پر حملہ کر دیا۔فلسطینی ذرائع ابلاغ کی رپورٹوں کے مطابق القدس کی غاصب اور جابر صیہونی حکومت کی انٹیلی جنس کے 10 آفیسروں اور 50 سے زائد فوجیوں نے مسجد الاقصی کے خطیب شیخ عکرمه صبری کے گھر کا محاصرہ کیا اور ان پر حملہ کر دیا۔  شیخ عکرمه صبری نے مسجد الاقصی میں یہودی بستیوں کے مکینوں کے غیر قانونی داخلے پر متنبہ کرتے ہوئے کہا کہ اگرمسجد الاقصی کے ایک بھی دروازے کو یہودی بستیوں کے مکینوں کے لئے کھول دیا گیا تو پھر مسجد الاقصی کے تمام دروازے ہزاروں فلسطینی نمازیوں کےلئے کھولنے ہوں گے۔ فلسطینی ذرائع کے مطابق اسرائیلی فوجیوں نے شیخ عکرمه صبری کے بیان پرانھیں دھمکی دیتے ہوئے کہا کہ اگر ایک بار پھر فلسطینیوں کو مسجد الاقصی میں نماز پڑھنے کی دعوت دی گئی تو پھر وہ کبھی بھی مسجد الاقصی کو دیکھ نہیں سکیں گے۔ صیہونی حکومت م...

شام میں اسرائیل کے میزائل حملے میں تین شہری جاں بحق ہو گئے۔غیر ملکی خبر ایجنسی کے مطابق صہیونی فورسز نے دمشق کے مٖضافات میں دو قصبوں پر میزائل داغے، جہاں دو منزلہ عمارت منہدم ہوگئی، جس کے نتیجے میں 3 شہری جاں بحق متعدد زخمی ہوگئے۔شامی افواج کا کہنا ہے کہ فضائی دفاعی نظام نے متعدد صیہونی میزائل تباہ کردئے گئے ہیں۔ تفصیلات کے مطابق شام کی سرکاری نیوز ایجنسی سانا نے رپورٹ کیا کہ شامی فضائیہ کے جنگی طیاروں نے دمشق کے فضائی حدود کے اطراف میں اسرائیلی لڑاکا طیاروں کا مقابلہ کرتے ہوئے دشمن کے کئی میزائلوں کو زمین پر پہنچنے سے پہلے ہی ناکام بنا دیا۔شام کے سرکاری ٹی وی کے اعلان کے مطابق صیہونی ٹولے کے جنگی طیاروں نے دمشق پر میزائل فائر کرنے کے لئے لبنان کی فضائی حدود کو استعمال کیا تھا۔ صیہونی طیاروں نے دمشق کے مضافات میں رہائشی علاقوں پر میزائل فائر کئے جن میں تین عام شہری جاں بحق اور چ...

امریکی صدر ڈونلڈ ٹرمپ نے منگل کے روز اعلان کیا ہے کہ وہ چین پر کرونا کی وبا پھیلانے کے جرم میں ہرجانہ عاید کرنے پرغور کر رہےہیں۔ وائٹ ہائوس میں ایک پریس کانفرنس سے خطاب میں صدر ٹرمپ کا کہنا تھا کہ ہم 'کوویڈ ۔19' کے شکار ہونےوالے افراد کے علاج کے ساتھ ساتھ بہ تدریج معاشی سرگرمیوں کی اجازت دینے کے پروگرام پرعمل پیرا ہیں۔ انہوں نے چین کی طرف اشارہ کرتے ہوئے کہا کہ کسی ایک فریق کی خراب کار کردگی کے نتیجے میں پوری دنیا کو خمیازہ بھگتنا پڑ رہا ہے۔ العریبیہ ڈاٹ نیٹ کی ایک رپورٹ کے مطابق کرونا کے مریضوں کی تشخیص کے لیےکی جانے والی کوششوں کے بارے میں بات کرتے ہوئے صدر ٹرمپ نے کہا کہ امریکہ میں کسی بھی دوسرے ملک کی نسبت کئی گنا زیادہ ٹیسٹ لیے جا رہے ہیں۔ان کا کہنا تھا کہ بعض ممالک نے امریکہ میں اقتصادی سرگرمیوں کی بحالی کے پروگرام کے طریقہ کار کی جان کاری کے لیے رابطے کیے ہیں۔ انہوں نے مزید ک...

امریکی حزب اختلاف کی ڈیموکریٹک پارٹی کے چار سینیٹرز نے سات اپریل کوڈؤئچے بینک کے چیف ایگزیکیٹو آفیسر کو خط لکھ کر صدر ٹرمپ کے کاروباری لین دین سے متعلق تفصیلات مانگی تھیں۔امریکی سینیٹرز کے مطابق اس خط کا مقصد یہ جاننا تھا کہ بینک سے صدر ٹرمپ کو کون سے ذاتی فائدے ملتے رہے ہیں اور جواب میں ٹرمپ حکومت بینک کو کس قسم کی سہولیات دیتی رہی ہے۔ ڈی ڈبلیو کی ایک رپورٹ کے مطابق ان ڈیموکریٹک سینیٹرز میں رچرڈ بلومنتھال، شیروڈ براؤن، کرس فان ہولن اور ایلزبتھ وارن شامل ہیں۔ صدر ٹرمپ کے کاروبار اور پراپرٹی میں ڈوئچے بینک کو مرکزی حیثیت حاصل ہے۔ ان کے مخالفین کو خدشہ ہے کہ کورونا کے بحران کے دوران بینک نے صدر ٹرمپ کو قرضوں کی ادائیگی کے حوالے سے ترجیحی سہولیات دی ہیں۔ لیکن اطلاعات کے مطابق ڈوئچے بینک نے قانونی مجبوریوں کا جواز دے کر ان کی درخواست مسترد کر دی ہے۔ خبر رساں ادوارں روئٹرز اور بلومبرگ ...