news

مقبول کلب اورلوف بلاگ کے دیمتری اورلوف کا کہنا ہے کہ امریکہ مختلف ممالک پر مختلف قسم کی پابندیاں لگا رہا ہے جن کی وجہ سے لوگ ڈالر کے استعمال سے گریز کرنے لگے ہیں جبکہ روس اور چین اپنی تجارت اور سونے کے ذخائر میں مسلسل اضافہ کر رہے ہیں۔ انہوں نے کہا کہ روس اور چین دونوں کی حکمت عملی یہ ہے کہ امریکہ کو ڈالر کے خاتمے کا کام خود ہی کرنے دیں۔ اورلوف آر ٹی کی کیزر رپورٹ میں بات کر رہے تھے۔ واضح رہے کہ روسی نژاد امریکی سماجی تبصرہ نگار کے مطابق ، امریکہ پابندیاں متعارف کروانے اور لوگوں کو سوئفٹ ادائیگی کے نیٹ ورک سے منقطع کرنے کی دھمکی دے کر لوگوں کی ڈالروں کے لین دین تک رسائی کو محدود کررہا ہے۔ اورلوف نے مزید کہا کہ ، "وہ بنیادی طور پر جس شاخ پر بیٹھے ہیں اسی شاخ کو کاٹ رہے ہیں۔" انہوں نے مزید کہا کہ " اس سلسلے میں کسی کو بھی ان کی مدد کرنے کی ضرورت نہیں ہے۔" دریں اثنا ، روس اور چین کا م...

روسی بحریہ نے جدید ترین جوہری آبدوز کے ذریعے بین البراعظمی بیلسٹک میزائل کا پہلا کامیاب تجربہ کیا۔ میزائل پانی کے نیچے سے داغا گیا جو روس کے انتہائی مشرق میں واقع جزیرہ نما علاقے کاماچٹکا میں اپنے ہدف تک کامیابی سے پہنچ گیا روسی خبر رساں ادارے رشیا ٹوڈے کے مطابق روسی وزارت دفاع نے ائک ویڈیو جاری کی جس میں دکھایا گیا کہ بحر ابیض میں موجود آبدوز کنیاز ولادی میر (پرنس ولادی میر) نے یہ میزائل پانی کے نیچے سے داغا جو روس کے انتہائی مشرق میں واقع جزیرہ نما علاقے کاماچٹکا میں اپنے ہدف تک کامیابی سےپہنچ گیا۔ واضح رہے کہ پرنس ولادی میر آبدوز کو 2017 میں متعارف کرایا گیا تھا۔ یہ روسی آبدوز "بوری" کا پہلا ماڈل ہے جو بیلسٹک میزائل رکھتا ہے۔ اسے بحری مشقوں کے لیے ڈیزائن کیا گیا تھا۔اس وقت آبدوز تجرباتی طور پر کام کر رہی ہے اور رواں سال دسمبرمیں اسے روس کے شمالی بحری بیڑے میں شامل کر لیا جائے گ...

فیڈرل ریزرو امریکی معیشت میں ہر ماہ 60 بلین ڈالر لگانے کا ارادہ رکھتا ہے تاکہ معیشت کو سنبھالا جا سکے لیکن یہ منصوبہ بھی سست روی کا شکاردکھائی دے رہا ہے۔ اگلے ہفتے سے ریٹ کم کرنے کی تیاری بھی کی جارہی ہے اور یہ دعویٰ بھی ہے کہ سسٹم میں کچھ بھی غلط نہیں ہے۔ یورو پیسیفک کیپیٹل کے پیٹر شیف نے بوم بسٹ سے بات کرتے ہوئے کہا کہ ، "ان کی باتوں کو ذرا نظر انداز کریں اور اس بات پر نظر رکھیں کہ اب وہ کرتے کیا ہیں۔" انہوں نے وضاحت کرتے ہوئے کہا کہ "وہ امریکی معیشت کے بلبلے سے ہوا کو باہر آنے سے روکنے کی شدید کوشش کر رہے ہیں لیکن کامیاب نہیں ہو رہے انہوں نے وضاحت کرتے ہوئے مزید کہا کہ "بلبلا پہلے ہی پھٹ چکا ہے۔" شِف کے مطابق ، "اب صرف ایک سوال رہ گیا ہےاور وہ یہ ہے کہ ہوا کتنی تیز رفتاری سے نکلے گی اور جب مارکیٹ کو یہ پتہ چل جائے گا کہ کھیل ختم ہوچکا ہے تو ، سمجھھ آئے گی کہ وفاق کیا کر رہ...

سعودی خبر رساں ادارے کے مطابق دارالحکومت ریاض میں بھارتی وزیراعظم نریندر مودی اور ولی عہد محمد بن سلمان کے درمیان ملاقات ہوئی۔ دونوں رہنماؤں نے باہمی سطح پر قائم دوستانہ تعلقات پر اطمینان کا اظہار کرتے ہوئے مستقبل میں تعلقات کو مزید خوشگوار اور مستحکم بنانے کے لیے اقدامات پر غور کیا۔ اس دوران عالمی اور علاقائی صورت حال پر بھی تبادلہ خیال کیا اور ان مسائل سے نبرد آزما ہونے کے لیے دونوں ممالک کے درمیان شراکت اور تعاون کے امکانات کو بھی زیر بحث لایا گیا۔ دونوں رہنماؤں نے سیاست، معیشت، سیکورٹی، دفاع اور لیبر فورس کے شعبوں میں دو طرفہ خصوصی تعلقات میں پیش رفت پر اطمینان کا اظہار کیا ہے۔ ملاقات کے آخر میں وزیراعظم مودی اور ولی عہد محمد بن سلمان نے سعودی عرب اور بھارت کے درمیان مشترکہ حکمت عملی وضع کرنے کے لیے ایک ’اسٹریٹجک پارٹنرشپ کونسل‘ کے قیام کے لیے معاہدے پر دستخط کیے۔ قبل ازیں مود...

وزیراعلیٰ منی پور کونسل یمبین بائرن اور وزیرخارجہ و دفاع نارنگبم سمرجیت کا کہنا تھا کہ نریندر مودی کے بھارت میں ہمارے لیے کوئی جگہ نہیں، مودی کے شدت پسندانہ خیالات کی وجہ سے ان کے ساتھ رہنا ناممکن ہے۔اس موقع پر انہوں نے منی پور کے مہاراجہ کی دستخط شدہ دستاویز بھی دکھائیں جن میں انہیں منی پور کا مسئلہ حل کرنے کا اختیار دیا گیا تھا۔ مہاراجہ منی پور کے نمائندوں کا کہنا تھا کہ مہاراجہ آف منی پور لیشمبا ساناباؤجا ہی ہماری نئی اور آزاد ریاست کے حکمران ہوں گے۔ منی پور کونسل کے نمائندوں نے اقوام متحدہ اور عالمی برادری سے اپیل کی ہے کہ ان کی جلا وطن حکومت کو تسلیم کیا جائے۔ ان کا مزید کہنا تھا کہ منی پور کے لوگ بھارت کے جابرانہ قوانین میں رہنے پر مجبور ہیں اور وہاں پر بھارتی فوج کو خصوصی اختیارات دیے گئے ہیں جن کے باعث ریاست میں ماورائے عدالت قتل کے واقعات عام ہیں۔ انہوں نے کہا کہ ہم سمجھتے ہ...

غیر ملکی خبر رساں ادارے کے مطابق فیس بک کی ملکیتی کمپنی واٹس ایپ نے اسرائیل کی ایک ٹیکنالوجی فرم این ایس او گروپ پر الزام عائد کیا ہےکہ فرم نے جاسوسی میں حکومت کی مدد کرنے کے لیے دنیا بھر میں اس کے صارفین کے موبائل فون ہیک کیے۔ واٹس ایپ کا کہنا ہےکہ اسرائیلی فرم نے چار براعظموں میں 1400 صارفین کے موبائل فون ہیک کیے جن میں سفارتکار، سیاسی مخالفین، صحافی اور سینئر حکومتی عہدیداران کو نشانہ بنایا گیا۔ واٹس ایپ نے سان فرانسسکو کی فیڈرل کورٹ میں مقدمہ دائرکرتے ہوئے الزام عائد کیا ہےکہ این ایس او گروپ اسرائیلی حکومت کے 20 ممالک میں جاسوسی کے عمل میں سہولت کاری کررہا ہے جن میں ابھی تک میکسیکو، متحدہ عرب امارات اور بحرین کے ممالک کی شناخت ہوئی ہے۔واٹس ایپ کا مزید کہنا ہےکہ سول سوسائٹی کے 100 سے زائد ممبران کو بھی نشانہ بنایا گیا ہے۔ یاد رہے کہ این ایس او گروپ کی جانب سے واٹس ایپ کے الزام...

بین الاقوامی خبررساں ادارے آرٹی ۔ یو۔ کے کے مطابق برطانوی وزیراعظم بورس جانسن کی جانب سے دی گئی الیکشن کی درخواست پر ہونے والی ووٹنگ کے حق میں 438 ووٹ ڈالے گئے جب کہ مخالفت میں صرف 20 ووٹ پڑے۔برطانوی ایوان نمائندگان (ہاؤس آف کامنز) سے پاس کردہ بل منظوری کے لیے ہاؤس آف لارڈز بھیجا جائے گا اورتوقع ہے کہ یہ بل اس ہفتے کے آخر تک قانون کا حصہ بن جائےگا۔ وزیراعظم بورس جانسن نے کہا تھا کہ عوام کو اس بات کا موقع ضرور ملنا چاہیے کہ وہ اپنے مستقبل اور بریگزٹ کے حوالے سے فیصلہ کر سکیں۔بورس جانسن پرامید ہیں کہ نئے انتخابات کے ذریعے انہیں عوام دوبارہ سے مینڈیٹ دیں گے تاکہ وہ بریگزٹ ڈیل اور پارلیمانی ڈیڈلاک کو ختم کر سکیں۔ برطانوی وزیراعظم نے کہا کہ یہ وقت ہے کہ ہم آپس میں بیٹھیں اور بریگزٹ کے مسئلے کو حل کریں۔ دوسری جانب برطانوی پارلیمنٹ میں قائد حزب اختلاف اور لیبر پارٹی کے سربراہ جیریمی کار...

ترکی اور روس نے کرد فورسز کو ترکی سے ملحقہ شام کی سرحد سے دور رکھنے کے معاہدے کو تاریخی معاہدہ قرار دیا ہے۔اس دس نکاتی معاہدے کے تحت روسی اور شامی افواج اس بات کی نگرانی کریں گی کہ کرد فورسز وہاں سے فوری نکل جائيں۔ اس معاہدے کے تحت آئندہ ہفتے ترکی اور روس کا سرحد کی مشترکہ نگرانی کا منصوبہ ہے۔ واضح رہے کہاس معاہدے کا اعلان منگل کو ترکی کے صدر رجب طیب اردگان اور روسی صدر ولادی میر پوتن کے درمیان بحر اسود کے شہر سوچی میں چھ گھنٹے کی بات چیت کے بعد کیا گیا جس کے تحت کرد جنگجوؤں کو بدھ کی دوپہر سے 150 گھنٹے دیے گئے ہیں کہ وہ سرحد سے 30 کلومیٹر دور پیچھے ہٹ جائيں یعنی کہ منبج کے مشرق میں دریائے فرات کے تقریباً تمام حصے کو خالی کرکے عراق کی سرحد کی طرف چلے جائیں۔ ترکی کے ساتھ معاہدے کے بعد روسی صدر ولادی میر پوتن نے شام کے صدر بشارالاسد سے ٹیلیفونک رابطہ کیا اور انھیں اس معاہدے کی تفصیلات...

امریکی ایوانِ نمائندگان نے صدر ڈونلڈ ٹرمپ کے مواخذے کے لیے ہونے والی تحقیقات پر موجودہ ہفتے پہلی باضابطہ ووٹنگ کروانے کا فیصلہ کیا ہے۔ایوانِ نمائندگان کی سپیکر اور ڈیموکریٹک رہنما نینسی پلوسی کا کہنا ہے کہ یہ ووٹنگ 'صدر اور ان کے وکیل کے لیے آئندہ ہونے والی کاروائی کے حقوق کا تعین کرے گی۔ جبکہ صدر اور ان کے اتحادیوں کا کہنا ہے کہ پورے ایوان کی طرف سے ووٹ نہ ملنے پر تحقیقات غیر قانونی ہو جائیں گی ۔ واضح رہے کہ ایوان نمائندگان ان دعوؤں کی تحقیقات میں مصروف ہے کہ آیا صدر ٹرمپ نے اپنے سیاسی مخالفین کے خلاف تحقیقات شروع کروانے کے لیے یوکرین کی حکومت پر دباؤ استعمال کیا تھا یا نہیں۔ نینسی پلوسی اور دیگر ڈیموکریٹ رہنماؤں کی جانب سے آئندہ جمعرات کو پلان کی گئی ووٹنگ صدر کے مواخذے کے لیے نہیں بلکہ مواخذے کے لیے ہونے والی تحقیقات کے لیے بنیادی اصول و ضوابط بنانے کے لیے ہے۔اس اعلان سے قبل طاقت...

روس نے داعش کے سربراہ ابوبکر البغدادی کی امریکی آپریشن کے دوران ہلاکت پر شکوک وشبہات ظاہر کرتے ہوئے سوالات اٹھادیے ہیں۔روس کے سرکاری ٹیلی وژن آر ٹی نیوز کے مطابق روسی وزارت دفاع کا کہنا ہےکہ داعش کے سربراہ ابوبکر البغدادی کے خلاف امریکہ کے آپریشن کے حوالے سے کوئی معتبر اور ٹھوس شواہد موجود نہیں۔روسی وزارت دفاع کا یہ بھی کہنا ہے کہ حالیہ کچھ عرصے میں شام کے شمال مغربی علاقے ادلب میں امریکہ اور اس کے اتحادیوں کی جانب سے کوئی فضائی حملہ نہیں کیا گیا۔ واضح رہے کہ گذشتہ روز ڈونلڈ ٹرمپ کی جانب سے دعویٰ کیا گیا تھا کہ امریکی افواج نے ادلب میں کامیاب کارروائی کرتے ہوئے دنیا کے نمبر ایک دہشت گرد ابوبکر البغدادی کو ہلاک کردیا ہے۔ تاہم اب روس کا کہنا ہے کہ داعش سربراہ کے خلاف کیے جانے والے آپریشن کی متضاد تفصیلات بھی اس کارروائی کی کامیابی پر شکوک و شبہات کو جنم دیتی ہیں۔روسی حکام کی جانب سے ڈو...