Urdu

جرمن فوج کے پاس زیادہ تر ہتھیار خراب ہیں یا پھر استعمال کے لئے غیر موزوں ہیں-گذشتہ سال ہتھیاروں کا جو ذخیرہ فوج کے حوالے کیا گیا تھا ابھی تک استعمال کے لئے تیار نہیں ہے جرمن وزیر دفاع نے مزید بتایا کہ 2017 میں جو فوجی پتھیاروں کی کھیپ فوج کے حوالے کی گئی تھی اس میں سے بھی صرف 38 ہتھیار زیر استعمال ہیں

جرمنی اور نیدر لینڈ نے فیصلہ کیا ہے کہ وہ اطلاعات کی ترسیل کے لئے نیٹو کی طرز کا مشترکہ ملٹری منصوبہ بنائیں گے-دونوں یورپی ریاستوں نے گذشتہ ہفتے اس منصوبے پر دستخط کئے ہیں-یہ منصوبہ ٹیکنیکل ایج نیٹ ورکنگ کہلائے گا

واشنگٹن کی جانب سے وقتاً فوقتاً عائد کی جانے والی اقتصادی پابندیوں اور تضادات کے باعث ڈالر کے ذریعے تجارتی لین دین کرنے والے ممالک متبادل کرنسی پر غور کرنے پر مجبور ہو گئے-ان ممالک میں روس ، چین،ترکی ،انڈیا اورایران شامل ہیں یاد رہے کہ روس پہلے ہی ڈالر سونا خریدنے میں صرف کر چکا ہے تاکہ روسی کرنسی روبل کو استحکام مل سکے

امریکہ اورچین کے درمیان جاری تجارتی جنگ ایک نئے موڑ پر آگئی-تصیلات کے مطابق ٹرمپ اور چینی صدر زی جن پنگ کے درمیان اوساکا اجلاس میں ہونے والی علیحدہ ملاقات میں امریکی صدر نے چین کے صدر کو یقین دلایا ہے کہ امر یکہ چینی مصنوعات پرزائد محصولات عائد نہیں کرے گا بلکہ ان کو پرانی سطح پر لائے گا -چین اور امریکہ باہمی تنازعات کا مل کر حل نکالیں گے اور برابری کی سطح پر معاملات کو آگے بڑھائیں گے

امریکہ ترکی اور روس کے درمیان ہونے والی جدید ایس-400 میزائل ڈیفینس سسٹم ڈیل کی وجہ سے پریشان ہے اور اس مسئلے کے حل کے لئے مختلف پہلوؤں سے جائزہ لے رہا ہے-صدر ٹرمپ نے طیب اردگان کو بتایا کہ اوباما انتظامیہ ترکی کی پیٹریاٹ میزائل ڈیفنس سسٹم کی خرید کی راہ میں رکاوٹ تھی لیکن ٹرمپ اور ان کی انتظامیہ کا نقطہء نظر مختلف ہے-ٹرمپ نے ترکی کے ساتھ تعلقات بہتر کرنے کے لئے ترکی کے دورے کا عندیہ بھی دیا لیکن تاریخ نہیں بتائی

اوساکا جاپان میں پونے والے جی-20 کے اجلاس میں روس اور ترکی کے درمیان ایس 400 میزائل ڈیفینس سسٹم کے لئے معاہدہ طے پا گیا- تفصیلات کے مطابق روسی صدر پیوٹن اور ترکی کے صدر طیب اردگان کے درمیان ہونے والی ملاقات میں فیصلہ کیا گیا کہ روس ترکی کو جدید میزائل مار سسٹم ایس-400 فروخت کرے گا-صدر پیوٹن اور صدر اردگان کے درمیان یہ ملاقات اردگان ٹرمپ ملاقات کے فوراً بعد ہوئی

امریکہ ہر اس ملک پر پابندیاں عائد کرے گا جو ایرانی تیل کا خریدار ہو گااور اس سلسلے میں کسی بھی ملک کو کوئی رعایت نہیں دی جاۓ گی- ان خیالات کا اظہارایران کے لئے امریکہ کے خصوصی مندوب نے لندن میں کیا- انھوں نے مزید کہا کہ اسلامی جمہوریہ ایران کے خلاف ٹرمپ انتظامیہ کی سخت معاشی پالیسیوں میں کوئی لچک نہیں ہو گی

اوساکا میں ہونے والی پیوٹن اورتھریسا مے کی ون ٹو ون ملاقات میں ماحول تناؤ کا شکار رہا- مستقبل قریب میں وزارت عظمیٰ کا عہدہ چھوڑنے والی برطانوی وزیراعظم تھریسا مے نے کہا ہے کہ برطانیہ مسائل کے حل کے لئے روس سے بات چیت کے لئے تب تک تیار نہیں ہو گا جب تک روس اپنا غیر ذمہ دارانہ رویہ اور برطانیہ میں عدم استحکام کے کوشش ترک نہیں کر دیتا

جمعے کے روز اوساکا میں ہونے والے جی-20 کے اجلاس میں روس اور امریکہ کے صدور نے بند دروازے کے پیچھے ملاقات سے پہلے پریس کو مختصراً آگاہ کیا-صدر ٹرمپ نے بتایا کہ تجارت اور تخفیف اسلحہ میں کمی اس ملاقات کا ایجنڈا ہیں- اس دوران ایک رپورٹر نے پوچھا کہ مسٹر ٹرمپ! کیا آپ روس کو کہیں گے کہ وہ آئندہ سال امریکہ میں ہونے والے انتخابات میں مداخلت نہ کرے ٹرمپ فوراً رپورٹر کی طرف پلٹے اور بولے ''ہاں!بلا شبہ کہوں گا" پھر وہ صدر پیوٹن کی طرف پلٹے اور ان سے کہا ''آئندہ الیکشن میں مداخلت نہ کرنا" جواب میں پیوٹن مسکرا دئے-...

مقامی وقت کے مطابق شام کے دس بجے سینکڑوں عراقی بغداد میں واقع بحرین کے سفارت خانے پر حملہ آور ہوئے-ہجوم سفارت خانے کے اندر گھس گیا جہاں لوگوں نےفلسطین کے ساتھ یکجہتی کا مظاہرہ کرنے کے لئے اسرائیلی اور امریکی پرچم جلائے-یہ مظاہرہ عرب اسرائیل امن بات چیت کے خلاف کیا گیا بحرین نے واقعے کے خلاف رد عمل دیتے ہوئے اس کی سختی سے مذمت کی اور عراق میں تعینات اپنے سفیر کو واپس بلا لیا ہے-بحرین نے الزام لگایا ہے کہ عراقی حکومت بحرینی سفارت خانے کو تحفظ دینے میں ناکام رہی ہے...