Urdu

لندن سٹی کارپوریشن نے میانمار کی رہنما آنگ سان سوچی کو جمہوریت کے لیے جدوجہدپر دیا گیا اعزازفریڈم آف لندن تین سال بعد واپس لے لیا۔ تفصیلات کے مطابق روہنگیا مسلمانوں کے قتل عام پر آنگ سان سوچی کو سٹی آف لندن کارپوریشن کمیٹی نے تاریخی اعزازسے محروم کردیا۔روہنگیامسلمانوں کی نسل کشی پر میانمار کی رہنماکی ساکھ کو ایک اور دھچکا لگ گیا، لندن سٹی کارپوریشن کے منتخب نمائندگان نے ووٹنگ کے ذریعے اپنا فیصلہ سنایا، کمیٹی چیئرمین کا کہنا تھا کہ میانمارکی نوبیل انعام یافتہ سیاستدان انسانی حقوق کی خلاف ورزیوں پر خاموش رہیں لہذاوہ "فریڈم آف لندن" کے لائق نہیں ہیں۔ آٹھ سوسال پرانا یہ اعزاز جمہوریت کے لیے جدوجہد پر آنگ سان سوچی کو دیا گیا تھا۔ واضح رہے کہ اس سے پہلے"فریڈم آف لندن"ایوارڈ برطانوی وزیراعظم ونسٹن چرچل، افریقی رہنما نیلسن منڈیلا اور مشہورزمانہ سائنسدان اسٹیفن ہاکنگ کو بھی مل چکا ہے۔۔...

ری پبلیکن پارٹی کی طرف سے متوقع صدارتی امیدوار جوبائیڈن نے کہا ہے کہ امریکہ میں پرائمری صدارتی انتخابات خونی معرکے میں تبدیل ہوسکتے ہیں۔ جو بائیڈن نے میری لینڈ فنڈ ریزنگ مہم کے دوران ڈیموکریٹک امیدوار بیرنی سینڈرز کی طرف سے کہے گئے تنقیدی جملوں پر سخت تشویش کا اظہار کیا۔ ان کا کہنا تھا کہ ہم اپنی پارٹی کو توڑ سکتے ہیں اور نہ ہی ٹرمپ کو دوبارہ صدر منتخب ہونے کا موقع دے سکتے ہیں۔ لیکن ایسا لگتا ہے کہ اب کی بار پرائمری انتخابات میں خون کی ندیاں بہہ سکتی ہیں۔ خیال رہے کہ دونوں صدارتی امیدوار برنی سینڈرز اور جوبائیڈن منگل کے روز ایدھاو، مسی سیپی، میزوری، واشنگٹن، نارتھ ڈاکوٹا اور مشی گن میں انتخابی معرکے میں مد مقابل ہوں گے تاہم مشن گن میں جوبائیڈن کی کامیابی برنی سینڈرز کی امیدوں پرپانی پھیرسکتی ہے۔ اور برنی سینڈرز نومبر میں ہونے والے انتخابات میں ڈونلڈ ٹرمپ کےاہم حریف ہوسکتے ہیں۔ 29 فرور...

دنیا بھر میں آج صنف نازک کی صلاحیتوں، خدمات اور معاشرے میں ان کی اہمیت کو اجاگر کرنے کے لیے خواتین کا عالمی دن منایا جا رہا ہے۔ خواتین کے عالمی دن کو منائے جانے کا مقصد صنفی امتیاز کے خاتمے اور خواتین کے مساوی حقوق کے لیے کوششوں کی اہمیت اجاگر کرنا ہے۔  یوم خواتین کے سلسلے میں دنیا بھر کے مختلف ممالک کے شہروں میں تقریبات، سیمینار اور ریلیاں نکالی جا رہی ہیں جن میں خواتین کے حقوق اور ان کے مسائل اجاگر کیے جا رہے ہیں۔ واضح رہے کہ مرد و خواتین کے مساوی حقوق کے لیے خواتین کی جدوجہد کا آغاز تقریباً ایک صدی پہلے امریکہ سے ہوا، 1908 میں ہزاروں خواتین صنفی امتیاز کے خلاف اور خواتین کے حق رائے دہی اور مساوی تنخواہوں کے مطالبات لے کر نیویارک کی سڑکوں پر نکلیں، جس کے بعد 28 فروری 1909 کو امریکہ میں یوم خواتین منایا گیا۔ امریکہ سے شروع ہونے والی خواتین کی مساوی حقوق کی جدوجہد سالوں کا سفر طے ک...

اسپیس ایکس فیلکن 9 کو امریکی ریاست فلوریڈا کے کیپ کانورال کے ائیرفورس اسٹیشن پر قائم اسپیس لانچ کمپلیکس 40 سے خلاء میں بھیجا گیا۔ اس اسپیس کرافٹ میں خلائی اسٹیشن کے لیے سائنسی تجربوں کی چیزیں اور دیگر سامان سمیت تقریباً 1977 کلوگرام سپلائی بھیجی گئی ہے امریکی خلائی ادارے ناسا کےمطابق اسپیس ایکس مدار میں پہنچ گیا ہے اور 9 مارچ کی صبح انٹرنیشنل اسپیس اسٹیشن پہنچ جائے گا۔ ناسا کے مطابق اسپیس اسٹیشن پہنچنے پر کارگو ایکس فیلکن 9 سے خلانورد جیسیکا میئر خودکار نظام کے ذریعے سپلائی وصول کریں گی۔ واضح رہے کہ یہ اسپیس کرافٹ ایک ماہ تک خلاء میں رہے گا اور اسپیس سٹیشن سے 1600 کلوگرام سے زائد کارگو کا سامان واپس زمین پر بھی لائے گا جو کہ زمینی موسمی حالات اور سائنسی تحقیقات کے مکمل ہونے پر منحصر ہے۔اس کے علاوہ ڈریگن اسپیس کرافٹ زمین پر واپسی پر کچھ ہارڈویئرز اور متعدد سائنسی تجربوں کےنتائج بھی ل...

بیجنگ نے امریکی بحریہ کے اس الزام کی تردید کی ہے کہ ایک چینی جنگی جہاز نے امریکہ کے پی۔8 اے پوسیڈن نگرانی کے طیارے پر بحیرہ جنوبی چین میں " فوجی گریڈ" لیزر فائر کیا تھا جس سے جہاز کو نقصان پہنچا۔ چین کی وزارت دفاع نے اپنے وی چیٹ اکاؤنٹ پر ، گزشتہ ہفتے امریکی فوج کی طرف سے لگائے جانے والے الزامات کا جواب دیتے ہوئے کہا کہ امریکی بحریہ کے دعوے "حقیقت کے مطابق نہیں ہیں"۔ چینی وزارت دفاع نے مزید کہا کہ چینی افواج علاقے میں معمول کی مشق کر رہی تھیں۔ واضح رہے کہ بحر الکاہل میں تعینات امریکی بحری بیڑے نے چین پرالزام عائد کیا تھا کہ جب امریکہ کا پوسیڈن نگران جہاز 17 فروری کو گام سے کوئی 380 میل مغرب میں "بین الاقوامی پانیوں" کے اوپر پرواز کر رہا تھا اس وقت چینی بحریہ نے لیزر کے ذریعے اس کو نقصان پہنچانے کی کوشش کی تھی۔ امریکی بحریہ کے دعوے کے مطابق یہ لیزر "انسانی آنکھ کودکھائی نہیں دے رہا...

ماسکو نے تیل کی پیداوار میں اضافی کٹوتیوں کے حوالے سے اوپیک کی حمایت کرنے سے انکار کر دیا ہے اور کہا ہے کہ وہ صرف موجودہ کٹوتیوں میں توسیع کرنے پر رضامند ہوگا ، روسی خبر رساں ادارے ٹی اے ایس ایس نے اپنے ذرائع کا حوالہ دیتے ہوئے کہا کہ روس نے جمعہ کے روز ویانا میں غیر رسمی مشاورت کے دوران اضافی پیداوار میں کٹوتیوں پر کسی بھی پیش کش کو مسترد کردیا ہے۔ واضح رہے کہ ماسکو طویل عرصے سے یہ اشارہ دے رہا ہے کہ وہ موجودہ معاہدے میں توسیع کی حمایت کرے گا لیکن نئی کٹوتی نہیں۔ ایرانی وزیر تیل بیجن زنگانے ، جن کا ملک اوپیک کا رکن ہے لیکن اسے کسی بھی قسم کی روک تھام سے استثنیٰ حاصل ہے ، نے کہا کہ اوپیک ابھی بھی روس اور دیگر اوپیک ریاستوں کے ساتھ معاہدے تک پہنچنے کے لئے کام کر رہا ہے۔ یاد رہے کہ اوپیک نے جمعرات کو اس سال کی دوسری سہ ماہی میں اس کی پیداوار میں 15 لاکھ بیرل روزانہ (بی پی ڈی) کٹوتی ...

چین کے شہر ووہان سے پھیلنے والا کورونا وائرس 2 مختلف حصوں میں تقسیم ہوگیا جن میں سے ایک زیادہ جارحانہ رویے کا حامل ہے۔یہ بات چین میں ہونے والی ایک طبی تحقیق کے نتیجے میں سامنے آئی جس سے اندازہ ہوتا ہے کہ کرونا وائرس کی روک تھام کے لیے ویکسین کی تیاری میں مشکلات ہو سکتی ہیں۔ اس ابتدائی تحقیق میں یہ بھی پتہ چلا کہ وائرس کی زیادہ جارحانہ قسم ووہان میں 70 فیصد کیسز میں دریافت ہوئی جبکہ باقی 30 فیصد کم جارحانہ قسم کے وائرس سے شکار ہوئے۔ سائنسدانوں کا کہنا تھا کہ نتائج سے اس خیال کو تقویت ملتی ہے کہ اس حوالے سے فوری طور پر جامع تحقیق کی ضرورت ہے جس میں جینوم ڈیٹا، وبائی ڈیٹا اور مریضوں کی علامات کے چارٹ ریکارڈز کا جائزہ لیا جائے۔ان کا کہنا تھا کہ یہ وائرس ارتقائی مراحل سے گزر کر 2 حصوں ایل اور ایس ٹائپس کی شکل اختیار کرگیا۔ واضح رہے کہ پیکینگ یونیورسٹی اسکول آف لائف سائنسز اور انسٹیٹوٹ آف...

فرانسیسی خبر رساں ادارے اے ایف پی کے مطابق عالمی فوجداری عدالت (آئی سی سی) نے افغانستان میں جنگی جرائم کی تحقیقات کی اجازت دے دی۔ دی ہیگ میں قائم جرائم کی عالمی عدالت نے اپنے فیصلے میں کہا ہے کہ پراسیکیوٹر کو اختیار ہے وہ یکم مئی 2003 سے افغانستان میں امریکی فورسز سمیت دیگر فورسز اور افغان حکومت کے مبینہ جنگی جرائم کی تحقیقات کرے۔ وقت آگیا ہے کہ افغانستان میں ہونے والے ظلم و بربریت کی تحقیقات کو آگے بڑھانا چاہیے۔ عدالت نے اپنے فیصلے میں کہا ہے کہ پراسیکیوٹر کی جانب سے کی جانے والی ابتدائی تحقیقات سے ایسے شواہد ملے ہیں جو افغانستان میں مبینہ جنگی جرائم کی تحقیقات کو آگے بڑھانے پر زور دیتے ہیں۔عدالت کا مزید کہنا ہے کہ افغانستان  ایک ممبر کی حیثیت سے جرائم کی بین الاقوامی عدالت کے دائرہ اختیار میں آتا ہے۔...

ترک صدر رجب طیب اردوگان اور ان کے روسی ہم منصب ولادی میر پوتن کے درمیان روس کے دارالحکومت ماسکو میں طویل ملاقات ہوئی جو 6 گھنٹے تک جاری رہی۔ملاقات کے بعد صحافیوں سے بات چیت کرتے ہوئے ترک صدر طیب اردوگان نے شام کے تشدد زدہ صوبے ادلب میں سیز فائر کا اعلان کیا اورساتھ ہی شامی حکومت کو خبردار کیا کہ اگرترک فوجیوں پر حملوں کا سلسلہ جاری رکھا تو ترکی پوری طاقت کے ساتھ جوابی کارروائی کرے گا۔ اس موقع پر روسی صدر پوتن کا کہنا تھا کہ روس اپنے ترک شراکت داروں کی پالیسیوں کے ساتھ مسلسل غیر رضا مند تھا لیکن ہم امید کرتے ہیں کہ یہ معاہدہ ادلب کے پر امن علاقے میں لڑائی کے خاتمے کے لیے بہتر بنیاد ثابت ہوگا اورعوام کی مشکلات کے خاتمے سمیت بڑھتے ہوئے انسانی بحران کو بھی کم کرے گا۔ ترک اور روسی صدور کی پریس کانفرنس کے بعد دونوں ممالک کے وزرائے خارجہ نے مشترکہ اعلامیہ جاری کرتے ہوئے کہا کہ دونوں ممالک ...

دہلی میں حالیہ فسادات میں 45 افراد کی ہلاکت اور مسلمانوں کی املاک کو تباہ کرنے پر برطانوی اراکین پارلیمان نے خارجہ اور دولت مشترکہ کے دفتر (ایف سی او) پر زور دیا ہے کہ اس معاملے پر بھارتی حکومت سے کی گئی بات چیت کی تفصیلات فراہم کی جائیں۔  اخبار ڈان نیوز کے مطابق سکھ اراکینِ پارلیمینٹ تنمنجیت سنگھ دیشی اور پریت گِل کور نے دہلی فسادات پر بھارتی حکومت کو تنقید کا نشانہ بناتے ہوئے ایف سی او کے نمائندوں سے سوال پوچھتے ہوئےکہا کہ دہلی میں حالیہ دنوں میں ہونے والے فسادات نے ’دردناک یادیں تازہ کردی ہیں‘۔ انھوں نے کہا کہ ’جب میں بھارت میں زیر تعلیم تھا (تو) 1984 میں بطور ایک مذہبی اقلیت (میں نے) سکھوں کی نسل کشی ہوتے دیکھی ہے، اسپیکر کو مخاطب کرتے ہوئے انہوں نے کہا کہ ہمیں تاریخ سے سیکھنے کی ضرورت ہے، معاشرے کو تقسیم کرنے کے ارادے رکھنے والےمذہب کے نام پر قتل و غارت گری اور مذہبی مقامات تب...