Urdu

ترکی نے لاکھوں پناہ گزینوں کے لئے یورپ کے دروازے کھول دیئے ہیں۔اور 76 ہزار 300 سے زائد پناہ گزین ترکی سے یورپ کے لیے روانہ ہو گئے ہیں۔ یورپ نے پناہ گزینوں کو روکنے کےلئے اپنی سرحدوں کو ہائی الرٹ جاری کر دیا ہے جبکہ یونان اور بلغاریہ نے ترکی کے ساتھ سرحدیں بند کرکے نفری بڑھا دی ہے۔ اس کے باوجود 500 پناہ گزین یونان کی سرزمین پر پہنچنے میں کامیاب ہو گئے ہیں جبکہ ہزاروں افراد کو واپس دھکیل دیا گیا ہے۔ ادھر ترکی اور شام کے درمیان جھڑپوں میں تیزی آ گئی ہے۔ انقرہ نے شامی جنگی طیارے اور ٹینک تباہ کر دیئے ہیں۔ ترک وزیر دفاع نے شامی حکومت کے خلاف آپریشن جاری رکھنے کا اعلان کیا ہے۔ شامی افواج نے ترکی کا ملٹری ڈرون طیارہ مار گرایا ہے۔ دمشق حکومت نے شمال مغربی فضائی حدود پروازوں کے لئے بند کر دی ہے۔...

متنازع شہریت بل کے خلاف ہونے والےاحتجاج کوجبراً روکنے کے لیے اورنئی دہلی میں مسلم کش فسادات کے دوران مسلمانوں پر ہوئے مظالم پر بھارتی میڈیا بھی بول پڑا۔ایک بھارتی اخبار نے دلی فسادات کے حوالے سے دل دہلا دینے والی رپورٹ شائع کی جس میں انتہا پسندوں کے مسلمانوں پر بہیمانہ حملوں کے طریقوں کو نازی جرمنی سے بھی بد تر اورجدید قرار دے دیا گیا۔ مودی حکومت اور بی جے پی پر طنز کرتے ہوئے رپورٹ میں لکھا گیا کہ  2020 میں ہندوستانی نازی جرمنوں کے مقابلے میں جدید ہو رہے ہیں۔ ہمیں گیس چیمبروں کی ضرورت نہیں ہے، ہم انسانوں کو سینکنے کے لیے گھروں کو تندوروں میں بدل دیتے ہیں۔ دوسری جانب بھارت کے نوبل انعام یافتہ ماہر معاشیات امرتیہ سین نے دلی فسادات کے دوران پولیس کی کارکردگی پر سوال اٹھاتے ہوئے کہا  کہ بھارت جیسے سیکولر ملک میں لوگوں کو مذہبی خطوط پر تقسیم نہیں کیا جاسکتا، دارالحکومت دہلی میں پولیس کی...

دوحہ میں امریکہ اور افغان طالبان کے درمیان ہونے والے تاریخی امن معاہدے کے چند گھنٹے بعد ہی افغان صدر اشرف غنی جنگ بندی کی اہم شرط سے پیچھے ہٹ گئے۔افغان صدر نے پریس کانفرنس سے خطاب کرتے ہوئے کہا کہ افغانستان نے طالبان کے 5 ہزار قیدیوں کی رہائی کا کوئی وعدہ نہیں کیا۔ طالبان کے قیدیوں کی رہائی کا معاملہ افغانستان کے عوام کا حق خود ارادیت ہے۔ امریکہ قیدیوں کی رہائی میں مدد فراہم کر رہا ہے جب کہ قیدیوں کی رہائی پر فیصلے کا اختیار افغان حکومت کا ہے۔ اشرف غنی نے مزید کہا کہ طالبان قیدیوں کی رہائی کا معاملہ مذاکرات کی پیشگی شرط نہیں بن سکتا، البتہ اس معاملے کو انٹرا افغان مذاکرات کے ایجنڈے میں شامل کیا جا سکتا ہے جس کے لیے اگلے 9 دن میں مزاکراتی ٹیم تشکیل دے دی جائے گی۔ اشرف غنی نےاپنے خطاب میں کہا کہ افغانستان میں 7 روز کی جزوی جنگ بندی جاری رہے گی، جزوی جنگ بندی مکمل جنگ بندی کے مقصد کے ح...

اقوام متحدہ نے امریکہ اور افغان طالبان کے درمیان تاریخی امن معاہدے کو تباہ حال اورجنگ زدہ ملک میں دیرپا امن قائم کرنے کی طرف اہم قدم قرار دیتے ہوئے تمام فریقین پر زور دیا ہے کہ وہ افغانستان میں امن کی بحالی اورتشدد کے مستقل خاتمے کے لیے کام کریں۔ افغانستان میں اقوام متحدہ کے امدادی مشن (یوناما) نے افغانستان میں تشدد میں بتدریج اورمسلسل کمی لانے کا مطالبہ کرتے ہوئے متحارب فریقین کے درمیان مذاکرات شروع کرنے کے عزم کا خیر مقدم کیا۔ اقوام متحدہ کے ترجمان نے اپنے ایک بیان میں کہا ہے کہ بین الاقوامی سطح پر بات چیت امن کی کوششوں کے لیے ضروری ہے۔ اقوام متحدہ افغان دھڑوں میں مذاکرات کے لیے فریقین کے ظاہر کردہ عزم کا خیر مقدم کرتا ہے۔اور افغانستان کی سربراہی میں ایک جامع عمل کی حمایت کا اظہار اور جنگ کے خاتمے لیے ٹھوس اقدامات پر زور دیتا ہے۔ اس سے قبل فروری میں افغان حکومت نے کابل اور باغیو...

برطانیہ نے گذشتہ سال آٹھ گنا اضافے کے ساتھ 5.7 بلین ڈالر کا سونا خریدا جو کہ تمام کا تمام روس سے خریدا گیا تھا۔ آر بی سی بزنس نیوز آؤٹ لیٹ کے ذریعے دیکھے گئے کسٹم کے اعداد و شمار کے مطابق ، برطانیہ کی سونے کی برآمدات قیمت کے لحاظ سے 12 گنا سے زیادہ بڑھ کر 5.33 بلین ڈالر ہوگئی ہیں۔ روس کی سونے کی تمام برآمدات کا 93 فیصد برطانیہ کو فراہم کیا گیا ہے۔ قازقستان اور سوئٹزرلینڈ سمیت دیگر بارہ ممالک نے صرف 409 ملین ڈالرمالیت کا روسی سونا خریدا۔ سن 2019 میں روس سے برطانیہ کو سونے کی برآمدات 11 گنا بڑھ کر 10.4 ٹن سے 113.5 ٹن ہوگئیں۔ سونے کے علاوہ ، روس نے برطانیہ کو پلاٹینئم (دگنا d 936 ملین) اور چاندی (2.5 گنا ، 100 ملین ڈالر) کی برآمد میں بھی اضافہ کیا۔ ماہرین کا کہنا ہے کہ برطانیہ میں سونے کی آمد کا سبب ممکنہ طور پر قیمتی دھات کی مانگ کے عالمی رجحانات اور اس کی تجارت اور ذخیرہ اندوزی کے مرکز ...

رومن کیتھولک چرچ کے روحانی پیشوا پوپ فرانسیس علیل ہوگئے ہیں ۔ویٹی کن نے ایک بیان میں کہا ہے کہ تراسی سالہ پوپ کی طبیعت بدھ کو معمولی خراب ہوئی تھی۔وہ جمعرات کو اپنا معمول کا کام کریں گےاورویٹی کن میں واقع ہوٹل سانٹا مارٹا کے نزدیک ہی ٹھہریں گے جہاں اکثر ٹھہرا کرتے ہیں۔ واضح رہے کہ ان کی طبیعت ایسے وقت میں ناساز ہوئی ہے جب اٹلی میں بھی مہلک کرونا وائرس پھیل چکا ہے اور اس سے ملک بھر میں چار سو سے زیادہ افراد متاثر ہوئے ہیں ۔ پوپ فرانسیس جمعرات کو روم میں سینٹ جان لیٹرن باسلیکا میں جانے والے تھے جہاں اطالوی دارالحکومت سے تعلق رکھنے والے پادریوں سے ان کی ملاقات طے تھی اور لینٹ میں ایک مذہبی اجتماع میں شرکت کرنا تھی۔پوپ فرانسیس روم کے بشپ بھی ہیں لیکن انھوں نے روزمرہ کے مذہبی اعمال کی ادائیگی کے لیے اپنے ایلچی مقرر کردیئے ہیں۔ واضح رہے کہ ارجنٹائن سے تعلق رکھنے والے تراسی سالہ پوپ کی...

بھارت میں بڑے پیمانے پر مسلم کش فسادات کے باعث کینیڈا نے اپنے شہریوں کو  بھارت جانے سے گریز کرنے کی ہدایات جاری کر دیں۔ کینیڈا کی حکومت کی جانب سے جاری کردہ حکم نامے میں کینیڈین شہریوں کو بھارت کے سفر خاص طور پر گجرات، پنجاب، راجستھان، اروناچل پردیش، آسام اور منی پور جانے سے گریز کرنے کہا گیا ہے ۔اس کے علاوہ کینیڈین حکومت نے اپنے شہریوں سے کہا ہے کہ پاکستان اور بنگلا دیش کی سرحدوں پرواقع بھارتی شہروں میں بھی جانے سے گریز کیا جائے۔ دوسری جانب برطانیہ کی اپوزیشن جماعت لیبر پارٹی کے سربراہ جیریمی کوربن نے پاکستانی نیوز چینل جیو نیوز سے خصوصی گفتگو کرتے ہوئے کہا کہ بھارت میں جاری جان لیوا حملوں اور پرتشدد کارروائیوں پر صدمے کا شکار ہوں۔انہوں نے مزید کہا کہ اختلاف کرنا اور احتجاج کرنا عوام کا حق ہے، انسانی حقوق کا بین الاقوامی قانون مذہبی آزادی اور مساوی حقوق کی ضمانت دیتا ہے۔ جیریمی ک...

غیر ملکی میڈیا کے مطابق شام کے صوبے ادلب میں شامی فضائیہ کی کارروائی میں 33 ترک فوجی ہلاک ہوگئے۔ادلب کے گورنر نے شامی فضائیہ کی جانب سے فضائی کارروائی میں 33 ترک فوجیوں کی ہلاکت کی تصدیق کردی۔ واضح رہے کہ میڈیا رپورٹس کے مطابق حالیہ ہفتوں میں ترکی کی جانب سے ادلب میں ہزاروں فوجی تعینات کرنے کے بعد یہ ایک دن میں ترک فوجیوں کی ہلاکت کا سب سے بڑا واقعہ ہے۔ دوسری جانب برطانوی میڈیا کا کہنا ہے کہ شامی افواج کی کارروائی میں کئی ترک فوجیوں کے زخمی ہونے کی بھی اطلاعات ہیں جس سے ہلاکتوں کی تعداد بڑھ سکتی ہے۔ برطانوی میڈیا کے مطابق شامی فضائیہ کی کارروائی پرجوابی رد عمل دیتےہوئے ترکی نے شامی فوجیوں اور حکومتی اہداف پر انتقامی کارروائی کی اور خبردار کیا کہ شام میں اسے اپنے تمام اہداف کا علم ہے ۔ خیال رہے کہ روس کی حمایت سے شامی افواج ترک افواج کے حمایت یافتہ باغیوں کے زیر قبضہ صوبہ ادلب پر د...

کینیڈا نے اعلان کیا ہے کہ شاہی خاندان سے الگ ہو کر کینیڈا میں رہائش اختیار کرنے والے برطانوی شاہی جوڑے شہزادہ ہیری اوران کی اہلیہ میگھن مارکل کو مزید سیکیورٹی فراہم نہیں کی جائے گی ۔ واضح رہے کہ برطانوی شہزادے ہیری اور میگھن مارکل شاہی خاندان سے الگ ہونے کے بعد سے کینیڈا میں مقیم ہیں جہاں انہیں نومبر 2019 سے کینیڈین پولیس کی جانب سے سیکیورٹی فراہم کی جا رہی ہے۔ خبررساں ادارے رائٹرز کے مطابق کینیڈا کی عوامی تحفظ کی وزارت نے اعلان کیا ہے کہ چوںکہ ہیری اور میگھن اب شاہی خاندان کے سینئرافراد نہیں رہے لہٰذا وہ عوام کے فنڈز سے سیکیورٹی کے بھی حقدار نہیں ہیں۔ کینیڈین حکومت کے مطابق "شہزادے ہیری اور میگھن نے کینیڈا میں زندگی گزارنے کا اعلان کیا تھا جس کے باعث ہماری ذمہ داری تھی کہ ہم انہیں تحفظ فراہم کریں تاہم اب ان کی حیثیت کی تبدیلی کو مد نظر رکھتے ہوئے آئندہ ہفتوں میں ان کو فراہم کی گئ...

امریکی صدر ڈونلڈ ٹرمپ کا کہنا ہے کہ واشنگٹن وینزویلا پر دباؤ بڑھانا چاہتا ہے لہٰذا وینزویلا کا تیل خریدنے والوں کو نشانہ بنائے گا ۔ جو بھی وینزویلا کا خام تیل خریدے گا اس کو شدید ترین امریکی پابندیوں کا سامنا کرنا پڑے گا۔ امریکی صدرٹرمپ نے منگل کے روز نئی دہلی میں ایک نیوز کانفرنس سے خطاب کیا۔ جب ان سے پوچھا گیا کہ کیا وہ ہندوستانی کمپنیوں کو تیسری پارٹی سے وینزویلا کا تیل خریدنے کی اجازت دیں گے تو انھوں نے جواباً کہا کہ "بہت سخت پابندیاں عائد ہوسکتی ہیں اور یہ اقدامات جلد ہی کیے جائیں گے ۔" ۔ اس کے بعد جب ایک نامہ نگار نے ٹرمپ سے اس پابندی کے بارے میں مزید تفصیل بیان کرنے کے لئے کہا تو امریکی صدر نے کہا کہ ان کی انتظامیہ اس سلسلے میں جلد ہی اقدامات کرے گی اور اس کے نتائج "تھوڑی دیر میں" نظر آئیں گے۔ انہوں نے یہ بھی بتایا کہ واشنگٹن وینزویلا کی صورتحال کو قریب سے جانچ رہا ہے اور وہاں ہونے ...