Urdu

اس ہفتے عالمی منڈیوں میں مندی کا رجحان بڑھ گیا ۔ مرکزی دھارے میں شامل میڈیا نے اس کا سبب کورونا وائرس کو قرار دیا ۔ اس حوالے سے رشیا ٹوڈے کے پروگرام بوم بسٹ میں خصوصی طور پرجاننے کی کوشش کی گئی کہ اسٹاک مارکیٹ میں مندی کے پیچھے کون سے گہرے مسائل ہیں۔ یورو پیسیفک کیپیٹل کے سی ای او اور عالمی عالمی معاشی حکمت عملی طے کرنے والے، پیٹر شِف اس بحث میں شامل ہوئے کہ آیا امریکی فیڈرل ریزرو وبائی امراض کے خدشات کے باعث مندی کے رجحان کو دور کرنے اور ممکنہ خاتمے کے لیے صفر تک تمام سودی شرحوں میں کمی کا عہد کرے گا۔ " وہ صفر پر جانے کا عزم کریں یا نہیں ، لیکن ان کو کرنا پڑے گا بالکل وہی جو وہ کرنے جا رہے ہیں ،" شِف کے مطابق ، "بانڈ مارکیٹ اس وقت ٹیلی گرافنگ کر رہی ہے جب ہمارے پاس شرح میں مزید کٹوتی ہونے والی ہے ۔ تجربہ کار اسٹاک بروکر کا کہنا ہے کہ ایسا نہیں ہے کہ یہ ایک مناسب پالیسی ہے۔...

ڈونلڈ ٹرمپ کے دورہ بھارت پر ایمنسٹی انٹرنیشنل نے شدید تحفظات کا اظہار کر دیا ۔ تفصیلات کے مطابق ایمنسٹی انٹرنیشنل کا کہنا تھا کہ مقبوضہ کشمیرمیں انٹرنیٹ کی بندش اور لاک ڈاؤن کئی ماہ سے جاری ہے جبکہ شہریت کا قانون اور مظاہرین پر تشدد قیادت میں ہمدردی کے فقدان کو ظاہرکرتی ہے۔ عالمی ادارے نے امریکی صدر ڈونلڈ ٹرمپ اوربھارتی وزیراعظم نریندرا مودی کو باہمی گفتگو کے ذریعے انسانی حقوق کے بارے میں خدشات دور کرنے پر زور دیا ہے۔  عالمی ادارے کا کہنا ہے کہ دہائیوں تک امریکہ ، بھارت تعلقات انسانی حقوق کی عظمت اورانسانی احترام پر مبنی رہے ہیں اوراب تمام مشترکہ اقدار تعصب، امتیازی سلوک اور پناہ گزینوں سے متعلق دشمنی پر مبنی ہیں۔  ...

غیر ملکی خبر رساں ادارے رائٹرز کے مطابق مصر کے سابق صدر حسنی مبارک دارالحکومت قاہرہ میں انتقال کر گئے۔ان کی عمر 91 برس تھی۔ یاد رہے کہ چند ہفتے قبل حسنی مبارک کی سرجری ہوئی تھی اور وہ ہسپتال میں زیر علاج تھے۔ مصر کے سابق صدرحسنی مبارک 30 سال تک مصر کے حکمران رہے۔ ان کو عرب بہار کے نتیجے میں 2011 میں عہدے سے ہٹایا گیا تھا اور 2012 میں عرب بہار میں مظاہرین کو سکیورٹی فورسز کے ہاتھوں ہلاک کرانے کے الزام میں نچلی عدالت نے عمر قید کی سزا سنائی تھی۔ 2017 میں مصر کی اعلیٰ عدالت نے ان ہلاکتوں کے مقدمے میں ان کو بری کرکے رہا کر دیا تھا۔ مصر کے موجودہ صدر عبدالفتح السیسی حسنی مبارک کے دور اقتدار میں ملٹری انٹیلی جنس کے سربراہ تھے اور انھوں نے 2013 میں محمد مرسی کی حکومت کا تختہ الٹا تھا۔...

آسٹريلوی فوجیوں کی افغانستان میں نقل و حمل اور فوجیوں کے مقامی لوگوں کے ساتھ معاملات پر نظر رکھنے والے ايک واچ ڈاگ نے بتايا ہے کہ ملکی افواج کی افغانستان ميں تعيناتی کے دوران پچپن ايسی کارروائيوں کے خلاف تفتيش کی جارہی ہے، جو ممکنہ طور پر جنگی جرائم کے زمرے ميں آ سکتی ہيں اور فوجیوں کو ان جرائم پر سخت سزائیں سنائی جا سکتی ہیں ۔ واضح رہے کہ آسٹريلوی انسپکٹر جنرل کی سالانہ رپورٹ ميں ایسے کئی واقعات کی نشاندہی کی گئی ہے جو عالمی جنگی قوانین کی خلاف ورزی شمار ہوتے ہیں۔ رپورٹ کے مطابق ان واقعات ميں مبينہ طور پر غير قانونی ہلاکتیں بھی شامل ہيں۔ ایسے کئی واقعات کی چھان بین 2016ء سے کی جارہی ہے۔ جج پال بريريٹن اس سلسلے میں اب تک تين سو سے زائد افراد کی گواہیاں سن چکے ہيں۔ امید کی جاتی ہے کہ وہ بطور جج جلد ہی اپنے فيصلے تک پہنچنے والے ہيں۔...

کیتھولک مسیحیوں کے روحانی پیشوا پوپ فرانسِس نے مشرقِ وسطیٰ امن منصوبے کو ’غیرمنصفانہ‘ قرار دیتے ہوئے خبردار کیا ہے کہ اس سے خطہ نئے تنازعے کا شکار ہو سکتا ہے۔ ڈی ڈبلیو کی رپورٹ کے مطابق بہ ظاہر صدر ٹرمپ کے پیش کردہ مشرقِ وسطیٰ امن منصوبے کے حوالے سے انہوں نے کہا کہ مشرقِ وسطیٰ میں غیر منصفانہ حل اسرائیلیوں اور فلسطینیوں کے درمیان نئے تنازعات کا باعث بنے گا۔ پوپ فرانسِس نے یہ بات جنوبی اطالوی بندرگاہی شہر باری میں بشپس کے ایک اجتماع سے ملاقات کے بعد کہی۔ انہوں نے کہا، ''بحیرہء روم کا خطہ عدم استحکام اور تنازعات کی بناء پر خطرات کا شکار ہے، جہاں ایک طرف مشرق وسطیٰ اور دوسری جانب شمالی افریقی ممالک مختلف نسلی، مذہبی اور دیگر گروہوں کے جھگڑوں کا سامنا کر رہے ہیں۔‘‘ انہوں نے مزید کہا، ''اسرائیلی اور فلسطینیوں کے درمیان تنازعے میں غیر منصفانہ حل سے پیدا ہونے والے خطرات کو نظر انداز نہیں کیا ج...

ایران کے کوسٹ گارڈز نے خلیج عُمان میں تیل کی اسمگلنگ کے لیے استعمال ہونے والے ایک غیرملکی جہاز کو پکڑ لیا ہے۔ العریبیہ ڈاٹ نیٹ کے مطابق ایران کے جنوبی صوبہ ہرمزگان میں کوسٹ گارڈ کے سربراہ حسین دہقی نے کہا ہے کہ ہفتے کے روز اس جہاز کو پکڑنے کے بعد جاسک کی بندرگاہ پر لے جایا گیا ہے۔انھوں نے مزید کہا ہے کہ اس جہاز کے عملہ کے تیرہ ارکان کو تیل اسمگل کرنے کے الزام میں گرفتار کر لیا گیا ہے۔ انھوں نے جہاز کی ملکیت کے بارے میں کچھ نہیں بتایا ہے کہ یہ کس ملک سے تعلق رکھتا ہے اور نہ بتایا ہے کہ یہ کہاں جارہا تھا اور اس کے عملہ کا کس ملک سے تعلق ہے۔ گذشتہ سال موسم گرما میں خلیج عرب میں تیل بردار اور مال بردار جہازوں پر حملوں کے بعد سے کشیدگی پائی جارہی ہے۔متحدہ عرب امارات کی ساحلی حدود میں بھی گذشتہ سال پانچ تیل بردار جہازوں کوتخریبی حملوں میں نشانہ بنایا گیا تھا۔ امریکہ نے ایران پر ان حملو...

العریبیہ ڈاٹ نیٹ کی رپورٹ کے مطابق بعض امریکی عہدہ داروں نے روس سے وابستہ سوشل میڈیا کے ہزاروں اکاؤنٹس پر الزام عاید کیا ہے کہ انھوں نے نئے کرونا وائرس سے متعلق خوف وہراس پھیلانے کے لیے امریکہ کے خلاف ایک مربوط مہم برپا کررکھی ہے۔ ان عہدے داروں نے فرانسیسی خبررساں ایجنسی اے ایف پی سے گفتگو کرتے ہوئے کہا ہے کہ ’’غلط معلومات پر مبنی اس مہم کے ذریعے ان سازشی نظریات کی تشہیر کی جارہی ہے کہ چین میں کرونا وائرس کے پھیلنے میں امریک کا ہاتھ کارفرما ہے۔‘‘ انھوں نے کہا کہ اس مہم کا مقصد صحت کے بارے میں عالمی سطح پر پائی جانے والی تشویش کے پیش نظر امریکہ کے تشخص کو مجروح کرنا ہے۔...

 امریکی صدر ڈونلڈ ٹرمپ کی بھارت آمد سے قبل نئی دہلی میں شدید جھڑپیں ہوئیں جن کے باعث ایک پولیس اہلکار ہلاک ہو گیا۔ بھارتی میڈیا کے مطابق 24 گھنٹوں کے بعد دوسری بار دہلی میں جھڑپیں ہوئیں جن میں بی جے پی کے انتہا پسندوں نے شہریت بل کے خلاف احتجاج کرتی عوام پر دھاوا بول دیا اور مظاہرین پر لاٹھی چارج کیا جبکہ دہلی میں مظارین پر پتھراؤ کیا گیا۔ بھارتی میڈیا کے مطابق ہلاک ہونے والا پولیس افسر رتن لال پولیس میں ہیڈ کانسٹیبل کے عہدے پر کام کر رہا تھا۔ پتھراؤ کے دوران متعدد پولیس اہلکار زخمی ہوئے۔ زخمی ہونے والوں میں ڈپٹی کمشنر آف پولیس (ڈی سی پی) امیت شرما بھی زخمی ہوئے ہیں جنھیں علاج کے لیے ہسپتال منتقل کر دیا ہے۔ بھارتی میڈیا کے مطابق انتہا پسندوں نے مسلم اکثریتی علاقے جعفر آباد اور موج پور میں گھروں کو بھی نذر آتش کیا ۔ دہلی کے علاقے موج پور، چاند باغ، کردمپوری اور دلیاپور کے علاقوں میں ح...

ملائیشیا کے وزیر اعظم مہاتیر محمد نے ملائیشین فرمانروا کو اپنا استعفیٰ پیش کردیا ہے اوران کی سیاسی جماعت نے حکمران اتحاد سے علیحدگی اختیار کر لی ہے۔ وزیر اعظم آفس کے ترجمان کے مطابق مہاتیر محمد نے مقامی وقت کے مطابق دن ایک بجے اپنا استعفیٰ شاہی محل میں جمع کر وایا ۔ اس موقع پر مزید معلومات فراہم نہیں کی گئیں۔ واضح رہے کہ مہاتیر محمد کی جماعت کی جانب سے یہ اچانک اور حیرت انگیز اقدام ایک ایسے موقع پر سامنے آیا ہے کہ جب مہاتیر محمد کے حمایتی اپوزیشن جماعتوں کے ساتھ مل کر ان کے حکمران اتحاد میں شامل انور ابراہیم کے اقتدار میں آنے کا راستہ روکنے کی منصوبہ بندی کر رہے تھے۔ شاہی دفتر میں استعفیٰ جمع کروانے سے کچھ دیر قبل مہاتیر محمد کی سیاسی جماعت برساتو نے اعلان کیا تھا کہ وہ حکمران جماعت سے علیحدگی اختیار کرتے ہوئے مہاتیر محمد کو ہی وزارت عظمیٰ کا حقدار سمجھتی ہے۔اس کے علاوہ انور ابراہ...

اسرائیلی افواج نے اتوار کی رات غزہ اور شامی دارالحکومت دمشق پر شدید بمباری کی۔عرب خبر رساں ادارے کے مطابق اسرائیلی افواج نے غزہ اور دمشق میں بمباری کی تصدیق کرتے ہوئے افراد کے مارے جانے کا بھی دعویٰ کیا ہے۔ تفصیلات کے مطابق اسرائیلی افواج نے اتوار کی رات غزہ اور شامی دارالحکومت دمشق میں شدید بمباری کی جب کہ اسرائیل نے دعویٰ کیا ہے کہ بمباری غزہ کی پٹی سے ہونے والے راکٹ حملوں کے بعد جوابی طور پرکی گئی اور اس فضائی کارروائی میں پہلے جنوبی دمشق کو نشانہ بنایا گیا۔اس کے علاوہ غزہ کی پٹی پر بھی شدید بمباری کی اور متعدد بم برسائے گئے۔ عرب خبر رساں ادارے الجزیرہ کی رپورٹ میں بھی آزاد ذرائع سے غزہ کی پٹی پر شدید بمباری کی تصدیق کی گئی ہے۔غیر ملکی خبر رساں ادارے اے ایف پی کے مطابق دمشق میں مقامی وقت کے مطابق رات 10 بجے شدید بمباری کی گئی جب کہ شام میں کام کرنے والے انسانی حقوق آبزرویٹر گروپ ...