Urdu

شدت پسند تنظیم نام نہاد دولت اسلامیہ جو کہ داعش کے نام سے بھی معروف ہے نے ایران کی  القدس فورس کے سربراہ کمانڈرجنرل قاسم سلیمانی کی موت کا خیرمقدم کیا ہے۔ اپنے ایک بیان میں داعش کے ترجمان نے جنرل قاسم سلیمانی کی ہلاکت کو ایک ’خدائی مدد‘ قرار دیتے ہوئے کہا کہ اس سے دولت اسلامیہ اور جہادیوں کو فائدہ ہوا ہے۔ یہ شدت پسندوں کے لیے اچھی خبر ہے کہ عراقی پارلیمان نے ایک قرارداد منظور کی ہے جس میں فوری طور پر ملک بھر سے امریکی فوجوں کے انخلا کا مطالبہ کیا گیا ہے۔ یاد رہے کہ سلیمانی کی موت کے بعد سے امریکہ نے عراق میں فوجیوں کو تربیت دینے اور داعش کے خلاف کاروائیاں کرنے کا عمل روک دیا ہے۔ اس کے علاوہ جرمنی اور ڈنمارک بھی انھیں اب تربیت نہیں دے رہے۔ دولت اسلامیہ کے لیے یہ بھی ایک خوشی کی خبر تھی کہ امریکی صدرٹرمپ نے جنرل قاسم سلیمانی کو مارنے کا فیصلہ کیا اوریہ ان کے لیے اپنے ایک دشمن (ٹر...

امريکی فوج بحراوقیانوس کے خطے ميں اپنی ايک خصوصی ٹاسک فورس تعينات کرنا چاہتی ہے۔ اس بارے ميں اطلاع بلوم برگ کی جانب سے جمعے کو دی گئی ہے۔ يہ ٹاسک فورس معلومات، اليکٹرانک، سائبر اور ميزائل آپريشن سر انجام دينے کی اہل ہو گی اور اسے چين کے بڑھتے ہوئے عسکری اثر و رسوخ کے تناظر ميں تعينات کيا جا رہا ہے۔ امکان ہے کہ يہ فورس فلپائن اور تائيوان کے جزائر پر تعينات کی جائے گی۔ بلوم برگ نے اپنی رپورٹ ميں مزيد لکھا ہے کہ کسی ممکنہ مسلح تنازعے کی صورت ميں يہ فورس زمين، فضا اور سمندر ميں اہداف کو نشانہ بنانے کی صلاحيت کی حامل بھی ہو گی۔ اس پيش رفت پر فی الحال بيجنگ حکومت کا رد عمل سامنے نہيں آيا ہے۔...

   امریکہ کے ہاتھوں قاسم سلیمانی کی ہلاکت پر ایران کی جانب سے کی جانے والی جوابی کاروئی میں ایران نے عراق میں دو فوجی اڈوں پرحملہ کیا۔ امریکہ نے اس ایرانی حملے کے بعد ایرانی سیکیورٹی اداروں سے وابستہ کئی شخصیات پر اقتصادی پابندیاں عاید کرنے کا اعلان کردیا ہے۔ امریکی وزیر خارجہ مائیک پومپیو نے وزیر خزانہ اسٹیفن منوچن کے ساتھ مشترکہ پریس کانفرنس میں کہا کہ واشنگٹن کی طرف سے عائد کی جانے والی پابندیوں کا مقصد ایران کو مشرق وسطیٰ کو عدم استحکام سے دوچار کرنے سے روکنا ہے۔ ان کا کہنا تھا کہ امریکہ ایران کے اداروں اور شخصیات پر پابندیاں عاید کرنے کا سلسلہ جاری رکھے گا یہاں تک کہ ایران خطے کو عدم استحکام سے دوچار کرنے سے باز آجائے۔ امریکی وزیر خارجہ نے مزید کہا کہ اگر ایران امریکی اہداف پر حملہ کرتا ہے تو امریکہ نے بھی ایران میں اہداف کو نشانہ بنانے کی تیاری کر رکھی ہے۔ ہم بھی ایران کے مخصوص...

اسرائیلی وزیراعظم نیتن یاہو نے خبردار کیا کہ اگر اسرائیل پر حملہ کیا گیا تو بھرپور جواب دیا جائے گا۔دارالحکومت تل ابیب میں پریس کانفرنس کرتے ہوئے اسرائیلی وزیراعظم نیتن یاہو کا کہنا تھا کہ اسرائیل امریکہ کے ساتھ کھڑا ہے اور جنرل سلیمانی کے خلاف امریکی کارروائی پر ٹرمپ کو مبارکباد دیتے ہیں۔ یاد رہے کہ 3 جنوری کو عراق کے دارالحکومت بغداد کے ائیرپورٹ کے باہر امریکی ڈرون حملے میں ایرانی القدس فورس کے سربراہ میجر جنرل قاسم سلیمانی ،عراقی ملیشیا کمانڈر ابو مہدی المہندیس دیگر 9 رفقاء سمیت ہلاک ہوگئے تھے۔جنرل قاسم کی ہلاکت کے بعد ایران نے امریکہ سے بدلہ لینے کا اعلان کیا تھا ۔ ایران کے جنوبی صوبہ کرمان میں پاسداران انقلاب کے کمانڈر جنرل ابو حمزہ نے کہا تھا کہ ’خطے میں 35 کے قریب امریکی اہداف کے ساتھ ساتھ اسرائیلی دارالحکومت تل ابیب بھی ایران کے نشانے پر ہے‘۔ ایران کی دھمکیوں کے جواب میں اسر...

مشرقِ وسطیٰ میں امریکہ اور ایران کے درمیان حالیہ کشیدگی کے بعد امریکہ نے اقوامِ متحدہ کولکھا ہے کہ وہ ایران کے ساتھ'سنجیدہ اورغیر مشروط مذاکرات کرنے کے لیے تیار ہے۔یہ خط اقوام متحدہ میں امریکی سفیر کیلی کرافٹ کی جانب سے لکھا گیا ۔ یاد رہے کہ تین جنوری کو بغداد میں امریکی ڈرون حملے میں ایرانی پاسدارانِ انقلاب کی قدس فورس کے سربراہ جنرل قاسم سلیمانی کی ہلاکت اور جواب میں چھ جنوری کی رات ایران کی جانب سے عراق میں دو امریکی اڈوں پر میزائل حملوں کے بعد حالات انتہائی کشیدہ ہو گئے تھے۔ ایران کے رہبر اعلیٰ علی خامنہ ای نے ایران کی جانب سے کی گئی جوابی کارروائی کے بارے میں کہا کہ یہ 'امریکہ کے منھ پر طمانچہ' ہے اور قاسم سلیمانی کی ہلاکت کا بدلہ امریکہ کی خطے میں موجودگی کے خاتمے کے سوا کچھ نہیں۔ اقوام متحدہ میں امریکی سفیر کیلی کرافٹ کی جانب سے لکھے گئے خط میں کہا گیا ہے کہ امریکہ امن مذ...

برطانوی شہزادہ ہیری اور ان کی اہلیہ اور سابق امریکی اداکارہ میگھن مارکل نے شاہی خاندان کی ذمہ داریوں اور شاہی حیثیت سے دست برداری کا اعلان کردیا ہے۔ برطانوی شہزادہ ہیری اور میگھن مارکل نے انسٹاگرام پر پوسٹ کردہ اپنے بیان یہ بھی کہا کہ وہ اپنا وقت برطانیہ اور شمالی امریکا کے درمیان گزارنے کا ارادہ رکھتے ہیں۔ ان کا کہنا ہے کہ وہ ملکہ کی دیکھ بحال کی اپنی ذمہ داریاں بہ خوبی انجام دیتے ر ہیں گے۔ان کا کہنا تھا کہ یہ جغرافیائی توازن ہمیں اپنی شاہی روایت کی تعریف کے ساتھ اپنے بیٹے کی پرورش کرنے کے قابل بنائے گا جس میں وہ پیدا ہوا تھا، اور ساتھ ہی ہمارے اہل خانہ کو اگلے باب پر توجہ مرکوز کرنے کا موقع فراہم کرے گا، جس میں ہمارے نئے خیراتی ادارے کا آغاز بھی شامل ہے۔‘ ذرائع کے مطابق شاہی جوڑے نے اس فیصلے کے بارے میں شہزاہ ولیم سمیت کسی شاہی فرد سے مشورہ نہیں کیا۔ جس کی وجہ سے بکنگھم پیلس مای...

عالمی ادارہ صحت نے خدشہ ظاہر کیا ہے کہ چین میں نمونیے کے پچاس سے زائد کیسز کے درپردہ سارس اور میرس سے تعلق رکھنے والا ایک نیا وائرس ہو سکتا ہے۔ عالمی ادارے کے مطابق اس سلسلے میں تفصیلی تفتیش کی ضرورت ہے، تاہم امکان ہے کہ اس تازہ وبا کے درپردہ کورانا وائرس ہو سکتا ہے۔ یاد رہے کہ یہ نیا وائرس انتہائی خطرناک تصور کیا جاتا ہے۔اس سے نمونیا یعنی سرسام ہوجاتا ہے اور گردے فیل ہو نے کا خطرہ بڑھ جاتا ہے۔ جمعرات کے روز چینی سرکاری نیوز ایجنسی شہنوا نے کہا تھا کہ ماہرین کی جانب سے عبوری تحقیق میں یہ بات سامنے آئی ہے کہ دسمبر میں وسطی چین میں نمونیے کے پچاس سے زائد واقعات کی وجہ کورونا وائرس کی ایک نئی قسم تھی۔ یہ بات اہم ہے کہ اب تک وسطیٰ چینی شہر ووہان میں دسمبر سے اب تک نمونیے کے 59 کیسز سامنے آ چکے ہیں۔ ڈبلیو ایچ او کے تازہ اعدادوشمار کے مطابق سنہ 2012 کے بعد سے اب تک یورپ اور مشرق وس...

امریکی ایوانِ نمائندگان میں آج جمعرات کو صدر ڈونلڈ ٹرمپ کی جانب سے ایران کے خلاف کسی عسکری کارروائی کا راستہ روکنے کے خلاف ایک قرارداد پر رائے شماری کر رہی ہے۔ بتایا گیا ہے کہ ایک صفحے پر مشتمل اس بیان کے ذریعے امریکی صدر کی جانب سے ایران کے خلاف خود سے فوجی کارروائی کے فیصلے کی صلاحیت محدود بنائی جائے گی۔ واضح رہے کہ ڈیموکریٹس امریکی قانون سازوں نے صدر ٹرمپ کی طرف سے ایرانی جنرل قاسم سلیمانی کو ہلاک کرنے کے اقدام کو ’اشتعال انگیز اور غیرضروری‘ قرار دیا گیا تھا۔ تاہم ریپبلکن قانون ساز اس قرارداد کی قانونی حیثیت پر سوال اٹھا رہے ہیں۔...

عراق میں امریکی اڈوں پر ایرانی حملے کے بعد کی سیٹلائٹ تصاویر جاری کر دی گئیں ۔ ان تصاویر میں واضح طور پر دیکھا جا سکتا ہے کہ ایئرکرافٹ ہینگرز کو نقصان پہنچا ہے جبکہ کئی عمارتیں تباہ ہو گئی ہیں۔ بغداد کے گرین زون میں مزید حملے کئے گئے۔ برطانوی میڈیا نے دعویٰ کیا ہے کہ ایران نے دبئی اور اسرائیل کو بھی نشانہ بنانے کی دھمکی دی ہے ۔  روسی میڈیا کے مطابق ایک راکٹ امریکی سفارت خانے سے 100 میٹر دور گرا۔ عراقی صدر اور اسپیکر اسمبلی نے ایرانی میزائل حملوں کی مذمت کی ہے، ان کا کہنا تھا کہ تہران نے کارروائی سے پہلے مطلع کیا تھا البتہ ٹارگٹ نہیں بتایا تھا۔ امریکی صدر ٹرمپ نے بھی اقرار کیا کہ عراق میں بیسز کو نقصان پہنچا ہے۔ ٹرمپ اور نیٹو چیف کا ٹیلی فونک رابطہ بھی ہوا۔ اسٹولٹن برگ نے مشرق وسطیٰ میں نیٹو کا کردار بڑھانے پر آمادگی کا اظہار کیا۔ دوسری جانب امریکہ، ایران کشیدگی پر بریفنگ کے...

ایران میں تباہ ہونے والے یوکرین کے مسافر بردار طیارے کو حادثہ پیش آیا یا پھر تخریب کاری کی گئی اس حوالے سے مختلف بیانات سامنے آنے کے بعد نئی بحث نے جنم لے لیا ہے۔ یادرہے کہ یوکرین کا مسافر بردار طیارہ ایران میں حادثے کا شکار ہو گیا تھا جس میں عملے کے 9 افراد سمیت 176 ہلاک ہو گئے تھے۔ ایران میں یوکرین کے سفارت خانے کی جانب سے پہلے کہا گیا کہ طیارے کے انجن میں خرابی کے باعث آگ لگی جو حادثے کی وجہ بنی۔ بعد میں یوکرین کے سفارت خانے کی جانب سے ایک اور بیان جاری کیا گیا جس میں سے انجن میں خرابی کا لفظ ہٹا دیا گیا۔ اس بیان کے بعد طیارے کو پیش آنے والے حادثے نے امریکہ اور ایران کے درمیان کشیدگی کے تناظر میں انتہائی اہمیت اختیار کر لی ہے اور مختلف حلقوں کی جانب سے طیارے کو حادثے کے بجائے تخریب کاری کا نشانہ بنائے جانے کا امکان ظاہر کیا جا رہا ہے۔ یوکرین نے ایران کے لیے فضائی آپریشن غی...