Author: خبری

ہانگ کانگ میں ایک ہزار سے زیادہ افراد نے اتوار کو چین کے صوبہ سنکیانگ سے تعلق رکھنے والے یغور مسلمانوں کے حق میں پُرامن ریلی نکالی ہے۔انھوں نے یغور پرچم اور پوسٹرز اٹھارکھے تھے۔مظاہرین میں نوجوان اور بڑی عمر کے لوگ شامل تھےجنھوں نے سیاہ لباس پہن رکھے تھے اور اپنی شناخت چھپانے کے لیے نقاب اوڑھ رکھے تھے۔مظاہرین نے کتبے اٹھا رکھے تھے جن پر لکھا تھا کہ ’’یغور کو آزاد کرو‘‘،ہانک کانگ کو آزاد کرو اور چین میں جعلی خود مختاری کا نتیجہ نسل کشی‘‘ ہے۔ یاد رہے کہ یغور مسلمانوں کے حق میں یہ مظاہرہ برطانیہ کی فٹ بال ٹیم آرسینل کے کھلاڑی مسعود اوزل کی طرف سے چین کی پالیسیوں پرکی گئی تنقید کے بعد کیا گیا ہے۔انھوں نے سوشل میڈیا پر یغوروں کے حق میں بیانات دیتے ہوئے کہا تھا کہ چین کے جنوب مغربی صوبہ سنکیانگ میں مسلم اقلیت سے ناروا سلوک کیا جارہا ہے۔ ’’یغور جنگجو ہیں اور وہ جبر واستبداد کی مزاحمت کررہے ہی...

جرمنی میں ماحول پسندوں کی گرین پارٹی کے شریک سربراہ روبرٹ ہابیک نے مطالبہ کیا ہے کہ یونان سے ہزارہا تارکین وطن کو جرمنی لایا جائے۔ انہوں نے اخبار فرانکفرٹر الگمائنے میں آج شائع ہونے والے اپنے ایک انٹرویو میں کہا کہ یونانی جزائر انتہائی تشویش ناک حد تک تارکین وطن اور پناہ کے متلاشی افراد سے بھرے ہوئے ہیں۔ بحیرہ ایجیئن کے علاقے میں یونان کے لیسبوس، شئیوس، ساموس اور کوس جیسے جزائر پر اس وقت اکتالیس ہزار سے زائد تارکین وطن کو مختلف کیمپوں میں رکھا جا رہا ہے۔ ان میں چار ہزار کے قریب بچے بھی شامل ہیں۔ ہابیک نے کہا کہ سب سے پہلے یہ ہزاروں تارکین وطن بچے ان جزائر پر بہت تکلیف دہ حالات سے نکال کر جرمنی لائے جانا چاہییں۔ واضح رہے کہ ایک تازہ عوامی جائزے میں پہلی بار جرمنی کی گرین پارٹی کی عوامی مقبولیت چانسلر انجیلا مرکل کے قدامت پسند اتحادی بلاک سے زیادہ دیکھی گئی ہے۔ جرمن نشریاتی اداروں کی جا...

اسلامی تعاون تنظیم' او آئی سی' نے برازیل کی طرف سے مقبوضہ بیت المقدس میں تجارتی دفتر کھولنے کے اعلان کی شدید الفاظ میں مذمت کرتے ہوئے اسے غیرقانونی اقدام قرار دیا ہے۔ 'او آئی سی' کی سرکاری ویب سائٹ پر جاری بیان میں تنظیم کے سکریٹری جنرل یوسف بن احمد العثیمین کی جانب سے کہا گیا ہے کہ مشرقی یروشلم میں برازیل کے تجارتی دفتر کے قیام کا اعلان قابل مذمت ہے۔ انہوں نے کہا کہ برازیل کی حکومت کی طرف سے القدس کے حوالے سے تاریخی موقف کوتبدیل کرنا، بین الاقوامی قوانین اور عالمی قراردادوں کو نظر انداز کرنا افسوسناک ہے۔ برازیل فلسطینی عوام کے جائز حقوق کی حمایت اورعالمی قوانین کا پابند ہے۔ تنظیم کے سکریٹری جنرل یوسف بن احمد العثیمین نے مطالبہ کیا کہ برازیل القدس کے حوالے سے بین الاقوامی قانون کا احترام کرے اور سیاسی ذمہ داریوں پرعمل درآمد کو یقینی بنائے تاکہ دو ریاستی حل کی راہ ہموار کی جا سکے ۔ ...

نارڈسٹریم ٹو نامی گیس پائپ لائن کی تعمیر میں شامل کمپنیوں کے خلاف امریکہ کی طرف سے پابندیاں عائد کر دی گئی ہیں جن پرجرمن حکومت نے ردعمل دیتے ہوئے کہا ہے کہ یہ پابندیاں جرمنی کے اندرونی معاملات میں کھلی امریکی ’مداخلت‘ ہیں۔ یاد رہے کہ اس پائپ لائن کے ذریعے روس سے قدرتی گیس یورپ پہنچائی جائے گی اور امریکی صدر نے یہ کہتے ہوئے اس پائپ لائن کی تعمیر میں شریک کمپنیوں کے خلاف پابندیاں لگانے کا حکم جاری کر دیا تھا کہ نارڈ سٹریم ٹو نامی گیس پائپ لائن کی تعمیر سے جرمنی اپنی خود مختاری روس کے حوالے کر دے گا۔ اس کے برعکس جرمن حکومت کا کہنا ہے کہ یہ منصوبہ مستقبل میں بھی یورپ کو توانائی کی فراہمی یقینی بنانے کے لیے ناگزیر ہے۔ خیال رہے کہ نارڈ سٹریم ٹو کے ذریعے جرمنی کو روسی گیس کی سپلائی اگلے برس شروع ہونا ہے۔...

شمالی کوریا اور امریکہ کے درمیان موجود کشیدگی میں مزید اضافے کا خدشہ ہے۔ شمالی کوریا کا مطالبہ ہے کہ امریکہ پیونگ یانگ کے خلاف عائد کردہ پابندیاں اکتیس دسمبر تک ختم کر دے۔ جبکہ واشنگٹن حکومت یہ ڈیڈ لائن پوری ہونے تک ایسا کرتی دکھائی نہیں دیتی۔ جبکہ دوسری طرف کل پیر کو جنوبی کوریا کے صدر مون جے ان اور جاپانی وزیر اعظم شین زوآبے چینی صدر شی جنگ پنگ سے علیحدہ علیحدہ ملاقاتیں بھی کر رہے ہیں۔ اس کے بعد جنوبی کوریائی اور جاپانی رہنما چینی شہر چَینگ ڈُو جائیں گے جہاں وہ مشترکہ طور پر چینی وزیراعظم لی کی چیانگ سے ملیں گے۔ توقع ہے کہ اس سہ فریقی ملاقات میں بھی شمالی کوریا ایک اہم موضوع رہے گا۔...

فرانس اورمغربی افریقی ممالک مشترکہ کرنسی سی ایف اے فرانک کا نام بدلنے پر راضی ہو گئے ہیں۔ فرانس اور مغربی افریقہ کی آٹھ ریاستوں کے مابین مشترکہ علاقائی کرنسی سی ایف اے فرانک کا نام بدل کر ’اِیکو‘ رکھ دینے پر اتفاق رائے ہو گیا ہے۔ یہ اعلان فرانسیسی صدر عمانوئیل میکرون کے آئیوری کوسٹ کے دورے کے دوران کیا گیا۔ واضح رہے کہ یہ فیصلہ مغربی افریقی اقتصادی اور مالیاتی برادری میں اصلاحات لاتے ہوئے کیا گیا ہے۔ یہ آٹھ ممالک آئیوری کوسٹ، مالی، نائجر، بنین، برکینا فاسو، گنی بساؤ، سینیگال اور ٹوگو ہیں۔ ےاد رہے کہ ان میں سے سات ریاستیں فرانس کی سابقہ مغربی افریقی نوآبادیاں ہیں۔ ان فرانسیسی نوآبادیوں میں یہ کرنسی انیس سو پینتالیس میں متعارف کرائی گئی تھی، جسے ان ریاستوں کی آزادی کے بعد سی ایف اے فرانک کا نام دے دیا گیا تھا۔...

بھارت میں متنازع شہریت ترمیمی قانون کے خلاف احتجاجی مظاہروں کا سلسلہ جاری ہے۔ بھارتی حکومت نے توڑ پھوڑ کا الزام لگا کر مظاہرین کی جائیدادیں ضبط کرنا شروع کردی ہیں۔ پولیس کی فائرنگ سے اب تک 26 افراد ہلاک اور سیکڑوں زخمی ہو چکے ہیں جبکہ سیکڑوں کو گرفتار کیا جا چکا ہے۔ معروف ادا کار جاوید جعفری نے کہا ہے کہ ملک میں لوگ بھوکے مر رہے ہیں اور مودی سرکار ہندوؤں اور مسلمانوں کوآپس میں لڑوا رہی ہے۔ واضح رہے کہ بھارت کے مختلف شہروں میں متنازع مسلم مخالف شہریت کے قانون کے خلاف مظاہرے جاری ہیں، کولکتہ، چنائے، پٹنہ، ممبئی اورلکھنؤ سمیت مختلف شہروں میں پولیس کی بھاری تعداد بھی احتجاج نہیں روک پائی۔ مظاہرین نے رکاوٹیں توڑ ڈالیں ،ہائی وےبلاک کر دی اور ریلوے لائن پر قبضہ کر لیا۔ مظاہروں میں طلبا اور سول سوسائٹی کے ہزاروں افراد کی شرکت جاری ہے۔ یاد رہے کہ ریاست کرناٹک کے شہر مینگلور میں بھی کرفیو ناف...

روس کے صدر ولادی میر پوتن نے سال کے اختتام پر براہ راست نشر کی جانے والی پریس کانفرنس میں اپنی دو بیٹیوں کی مبینہ شناخت کے بارے میں پوچھے گئے سوالات کا جواب دینے سے گریز کیا۔ یہ پریس کانفرنس تمام اہم ریاستی ٹی وی چینلز پر براہ راست نشر کی جا رہی تھی۔ اس پریس کانفرنس میں جب ان سے پوچھا گیا کہ وہ کب ان اطلاعات کی تصدیق کریں گے کہ ان کی دو بیٹیاں جن کی پہچان اور ان کے پیشہ کے بارے میں سرکاری طور پر کچھ نہیں بتایا جاتا اصل میں یکاترینا تیکونوا اور ماریا ورونٹسوا ہیں پوتن نے سوال کا جواب دینے کی بجائے کہا کہ ’آپ نے ایک کاروباری معاملے کے بارے میں بات کی۔ آپ نے ایک خاتون کا ذکر پھر دوسری خاتون کا ذکر کیا۔ آپ نے ان کے ذاتی شیئرز کا ذکر کیا۔ آپ نے ان کے کاروبار کی وسعت کی بات کی۔ لیکن آپ نے سب کچھ نہیں کہا، آپ نے تو صرف کچھ حقائق بیان کیے ۔ آپ ان کے کاروبار کے بارے میں مزید معلومات حاصل ک...

بھارت میں متنازع شہریت بل کے خلاف دس ریاستوں میں احتجاج ہوا۔ اس دوران پولیس نے طاقت کا بھرپور استعمال کیا اور فائرنگ کر کے تین شہریوں کو ہلاک اور درجنوں کو زخمی کر دیا۔ مسلمانوں کے ساتھ ساتھ دیگر اقلیتی شہری بھی سیخ پا ہیں۔ اس صورت حال کو آٹھ روز ہو چکے ہیں اور آج بھی صورتحال بے قابو ہے ۔ دہلی، کولکتہ، لکھنؤ، کرناٹک، حیدرآباد، اترپردیش، آسام، بہار ، بنگلور ، پٹنہ اور دیگر شہروں میں ہزاروں شہری احتجاج کے لیے سڑکوں پر نکل آئے۔ بھارتی پولیس نے احتجاج روکنے اور مظاہرین کو منتشر کرنے کے لیے واٹر کینن اور آنسو گیس کے شیل پھینکے۔مختلف ریاستوں میں کرفیو نافذ کر دیا۔ پولیس نے حالات پر قابو پانے کے لیے طاقت کا بھرپور استعمال کیا۔ بارہ سو سے زائد مظاہرین کو گرفتار کر لیا اور انٹرنیٹ اور ایس ایم سروس بند کر دی گئی۔ واضح رہے کہ مظاہروں اور احتجاج پر عائد پابندی کی خلاف ورزی پر حراست میں لیے گ...

نومبر 2020 میں ہونے والے امریکی انتخابات میں ٹرمپ کا مدمقابل کون ہو گا؟ ڈیمو کریٹک پارٹی کا آئندہ صدراتی امیدوار بننے کے لیے 7 ارکان کے درمیان مباحثہ ہوا۔ سابق نائب صدر جو بائیڈن، سینیٹر برنی سینڈر کے ہمراہ دیگرنوجوان اور خواتین امیدواروں کے درمیان ہیلتھ کئیر سے لے کر صدر ٹرمپ کے مواخذے تک اہم قومی مسائل پر خوب بحث ہوئی۔ یہ مباحثہ لاس اینجلس میں امریکی ٹی وی کے نیوز روم میں ہوا جہاں امریکہ میں ڈیموکریٹک صدارتی امیدواربننے کے لیے 7 خواہشمندوں کے درمیان بحث ہوئی جس کے دوران ہیلتھ کیئر اور دیگر مسائل زیربحث آئے۔ اس مباحثے میں سابق نائب صدر جوبائیڈن کو باقی شرکا پر تجربے کی بنا پربرتری حاصل رہی۔ بحث میں انہوں نے کہا کہ وہ صدراتی آفس کے وقار اورسالمیت کو بحال کریں گے۔ سینیٹر برنی سینڈر نے کہا کہ صدر ٹرمپ امریکی تاریخ کی بدعنوان ترین انتظامیہ کو چلا رہے ہیں۔ نوجوان اراکین نے قوی مسائل کے ...