عالمی

ایران نے امریکہ سے مطالبہ کیا ہے کہ اسے گارنٹی دی جائے کہ آئندہ جوہری معاہدہ توڑا نہیں جائے گا۔ ایرانی وزارت خارجہ کے ترجمان نے میڈیا سے گفتگو میں دوبارہ مطالبہ کیا ہے کہ امریکہ ایران پر سے معاشی پابندیوں کو ہٹائے تاکہ جوہری معاہدے پر بات چیت شروع کی جاسکے۔ سعید خطیب زادے کا مزید کہنا تھا کہ امریکہ کو گارنٹی دینا ہو گی کہ دوبارہ کوئی بھی امریکی انتظامیہ عالمی قوانین اور ثالثوں کی توہین نہ کرے، اس رویے کو برداشت نہیں کیا جا سکتا۔ امریکہ کو فوراً ایران سے ظالمانہ معاشی پابندیوں کو بھی ہٹانا ہو گا تاکہ ایرانی عوام سانس لے سکے۔ انکا کہنا تھا کہ ایران تب تک کوئی قدم آگے نہیں بڑھائے گا جب تک امریکی پابندیاں ختم نہ ہو جائیں۔ واضح رہے کہ ایرانی دفتر خارجہ کا بیان ایسے وقت میں آیا ہے کہ جب 20 نومبر کو ویانا میں معاہدے کی بحالی کے لیے تیاری ہو رہی ہے۔ ایرانی عہدے دار علی باگیری کانی نے بھی ا...

نام نہاد دہشت گردی کے خلاف امریکی جنگ اور سامراجی منصوبوں میں ناکامی کے بعد امریکہ ہی نہیں اسکے اتحادی بھی شدید پریشانی کا شکار ہیں۔ سعودی عرب کے جاسوس ادارے کے سابق سربراہ، امریکہ میں سابق سعودی سفیر، عالمی امور کے ماہر اور شاہی خاندان کے اہم ترین افراد میں سے ایک; شہزادہ ترکی الفیصل نے اسی حوالے سے ایک تازہ انٹرویو میں امریکہ پر شدید بداعتمادی کا اظہار کیا ہے۔ شہزادہ ترکی الفیصل کا کہنا تھا کہ مشرق وسطیٰ خصوصاً افغانستان میں امریکی ناکامی کے بعد خلیجی ممالک کے امریکہ پر اعتماد کو شدید دھچکا لگا ہے۔ مقامی حکومتیں شدید تذبذب کا شکار ہیں کہ امریکہ اور اسکی نئی قیادت کس حد تک اپنی مسلم اتحادی حکومتوں کے تحفظ کو یقینی بنا سکتی ہے۔ شہزادہ فیصل کا کہناتھا کہ امریکہ اور خلیجی ممالک کا اتحادعلاقائی استحکام کا ضامن رہا ہے، لیکن صدر بائیڈن اس حوالے سے زیادہ فکرمند نظر نہیں آرہے، انہیں بہت سو...

بریگزٹ کے بعد فرانس اور برطانیہ میں تنازعات کا سلسلہ طول پکڑ رہا ہے، بیشتر تنازعات میں سب سے اہم اور بڑا مسئلہ مچھلی کے شکار اور پانیوں کا ہے۔ حال ہی میں فرانس نے ایک برطانوی کشتی ضبط کی ہے جو بقول فرانس بغیر اجازت کے فرانسیسی پانیوں میں شکار کر رہی تھی۔ اس کے ساتھ ساتھ فرانس نے دھمکی دی ہے کہ اگر برطانیہ نے فرانسیسی ماہی گیروں کو مزید اجازت نامے جاری نہ کیے تو فرانس بھی برطانوی ماہی گیروں پر پابندی لگا دے گا۔ فرانسیسی وزیر برائے سمندری آمدورفت آنسک گیراردین نے میڈیا سے گفتگو میں کہا کہ برطانوی کشتی کو سائینے کے ساحلی علاقے سے پکڑا گیا اور واپس برطانیہ کی حدود میں چھوڑا گیا۔ اس کے علاوہ ایک اور کشتی کو تنبیہ دیتے ہوئے چھوڑ دیا، تاہم دونوں پر جرمانہ عائد کیا گیا ہے۔ فرانسیسی وزیر کے مطابق وہ معاملے کو یورپی کمیشن اور برطانیہ کے سامنے اٹھائیں گے۔ یاد رہے کہ بریگزٹ معاہدے کے تحت برطان...

امارات اسلامیہ افغانستان ہمیشہ ہی امریکہ اور نیٹو افواج پر داعش کی مدد کا الزام لگاتی رہی ہے تاہم اب سابق افغان انتظامیہ کے بھگوڑے فوجی اور اعلیٰ اہلکاروں کے داعش میں شامل ہونے کی اطلاعات آرہی ہیں۔ امریکی اخبار وال سٹریٹ جنرل نے بھی اپنی ایک خصوصی رپورٹ میں اس بات کی تصدیق کی ہے کہ سابق فوجی اہلکار داعش میں شامل ہو کر حکومت کے خلاف حملوں کی منصوبہ بندی کر رہے ہیں۔ یاد رہے کہ امریکہ نے افغانستان پر قبضے کے دوران مقامی فوج کی تیاری پر 88 ارب ڈالر خرچ کیے تھے، اور 3 لاکھ کی فوج کھڑی کی تھی، تاہم رواں سال کے وسط میں یہ فوج امریکیوں کے نکلتے ہی مرکز سے یوں غائب ہو گئی کہ جیسے کبھی تھی ہی نہیں۔ طالبان نے ملک میں امن کے لیے تمام افراد کے لیے عام معافی کا اعلان کیا اور قابض افواج کے انخلاء کے بعد مل کر ملک کے لیے کام کرنے کی دعوت دی۔ تاہم بشتر افراد نے پہلے پنجشیر میں قلعہ بند ہو کر حکومت کی عم...

معروف چینی اخبار گلوبل ٹائمز کے مدیر ہو شی جن نے امریکی اخبار فنانشل ٹائمز کی ایک تحریر پر سخت جواب دیتے ہوئے کہا ہے کہ چین کبھی بھی امریکہ کے ساتھ جوہری ہتھیاروں کی جاہلانہ دوڑ میں شامل نہیں ہو گا، چین صرف دفاعی صلاحیت تک محدود رہے گا۔ فنانشل ٹائمز کی تحریر میں چین اور امریکہ کے مابین جاری کشیدگی پر جوہری دوڑ کا حوالہ دیتے ہوئے کہا گیا تھا کہ مداخلت/ ثالثی کے بغیر اس دوڑ کو روکنا ناممکن ہو گا، جس پر ہو شی جن نے کہا کہ چین ایسی کسی بے وقوفی کا حصہ نہیں بنے گا، چین ایسی کسی بھی دوڑ کو جہالت مانتا ہے، امریکی اس خود ساختہ دوڑ میں چین کو 10 بار ختم کرنے کی صلاحیت حاصل کرسکتا ہے، لیکن اسے نہیں بھولنا چاہیے کہ چین صرف اس بات کو یقینی بنائے گا کہ وہ امریکہ کو ایک ہی بار ختم کرنے کی صلاحیت کو برقرار رکھے۔ https://twitter.com/HuXijin_GT/status/1453393698343948289?s=20 فنانشل ٹائمز کی ...

چین نے اپنی توانائی کی ضروریات کو پورا کرنے کے لیے روس سے کوئلے کی درآمد بڑھا دی ہے۔ چین کو آسٹریلیا کے ساتھ جاری کشیدگی کے باعث توانائی کی طلب پورے کرنے میں رکاوٹ کا سامنا تھا جسے چین نے روس اور انڈونیشیا سے پورا کر لیا ہے اور ملکی تاریخ کا بدترین توانائی کا بحران حل ہو گیا ہے۔ سرکاری اعدادوشمار کے مطابق چین کی توانائی کی طلب میں گزشتہ ستمبر میں 3 کروڑ 30لاکھ ٹن کا اضافہ درج کیا گیا، جو مجموعی طلب میں 76٪ کا نمایاں اضافہ تھا، تاہم مغربی ایماء پر آسٹریلیا کے چین کے خلاف بنتے عسکری اتحادوں پر چین آسٹریلیا سے نالاں تھا۔ چین نے فوری طلب کو پورا کرنے کے لیے روس اور انڈونیشیا سے رابطہ کیا اور بغیر کسی تاخیر کے ملکی ضرورت کو پورا کرنے میں کامیاب ہو گیا ہے۔ چین نے روس سے ستمبر میں 37 لاکھ ٹن کوئلہ خریدا، جو آگست میں خریدے کوئلے سے 28٪ زیادہ تھا، جبکہ گزشتہ سال کی نسبت یہ مقدار 230٪ زیادہ تھ...

پولینڈ کے وزیراعظم ماتیعوسزموراویئسکی نے یورپی اتحاد کو دھمکی دی ہے کہ اگر اس نے اپنا رویہ نہ بدلا اور پولینڈ پر دباؤ جاری رکھا تو پولینڈ بھی پوری قوت سے جواب دے گا۔ انکا کہنا تھا کہ یورپی یونین نے پولینڈ کے سر پر بندوق تانی ہوئی ہے، اور جیسے کہ پولینڈ کے خلاف تیسری عالمی جنگ کا اعلان کیا جارہا ہے۔ عالمی وباء کے دوران پولینڈ پر شدید دباؤ ڈالا جا رہا ہے، پولینڈ کو مجبور کیا جا رہا ہے کہ وہ بھی جواب دے۔ پولینڈ کے وزیراعظم کی جانب سے سخت الفاظ پر مبنی بیان یورپی یونین عدالت کی جانب سے مقامی قوانین کے خلاف متنازعہ فیصلہ سنانے کے بعد سامنے آیا ہے، جس پر پولینڈ کی اعلیٰ عدالت نے مداخلت کرتے ہوئے حکومت کو اس پر عملدرآمد سے روک دیا ہے۔ واضح رہے کہ یورپی یونین کے قوانین کے تحت بھی ممالک کے اندرونی قوانین کو یورپی یونین کے قوانین پر فوقیت حاصل ہے لیکن اتحادی انتظامیہ پولینڈ پر مالی دباؤ بڑھا کر ...

ترک حکومت نے مغربی ممالک کی جانب سے ملکی سیاست میں مداخلت نہ کرنے کے وضاحتی بیان کے بعد 10 ممالک کے سفراء کو ناپسندیدہ قرار دے کر ملک بدر کرنے کا فیصلہ واپس لے لیا ہے۔ گزشتہ ہفتے ترک صدر رجب طیب ایردوعان نے عثمان کاوالا کے خلاف قائم مقدمات پر 10 مغربی ممالک کے مشترکہ حمایتی بیان کو مسترد کرتے ہوئے کہا تھا کہ کسی کو ترکی کے اندرونی معاملات میں مداخلت کا حق نہیں، ترکی کو نوآبادیات یا طفیلی ریاست نہ سمجھا جائے۔ مغربی ممالک کو کوئی حق نہیں کہ وہ ترک عدالتی نظام پر اثرانداز ہونے کی کوشش کرے اور جیل میں قید ایک ملزم کو رہا کرنے کا مطالبہ کرے۔ اس حوالے سے ترک صدر نے وزیرخارجہ میولود چاؤش اوعلو کو فوری ان ممالک کے سفراء کو ناپسندیدہ قرار دے کر ملک بدر کرنے کی ہدایت جاری کی تھی۔ جواب میں امریکہ سمیت تمام 10 ممالک کے سفارت خانوں نے باقائدہ بیان میں کہا ہے کہ وہ ویانا معاہدے کی شق نمبر 41 کے پاب...

ترک صدر رجب طیب ایردوعان نے وزیر خارجہ میولود چاؤش اوعلو کو ہدایت کی ہے کہ اندرونی معاملات میں مداخلت کرنے والے ممالک کے سفیروں کو ناپسندیدہ شخصیات قرار دیا جائے۔ ترک صدر کی جانب سے سخت کارروائی کا اعلان ان ممالک کی جانب سے ملکی سیاست میں انتشار پھیلانے اور کالعدم تنظیموں کی مالی معاونت کرنے والے ترک نژاد فرانسیسی شہری عثمان کاوالا کی کھلی حمایت میں مشترکہ مذمتی بیان کے ردعمل میں کیا گیا ہے۔ ان 10 ممالک میں جرمنی، کینیڈا، ڈنمارک، فن لینڈ، فرانس، نیدرلینڈ، نیوزی لینڈ، ناروے، سویڈن اور امریکہ شامل ہیں۔ مغربی اتحادی ممالک نے مشترکہ بیان میں کاوالا کی رہائی کا مطالبہ کیاہے۔ ایک عوامی تقریب سے خطاب میں صدر ایردوعان کا کہنا تھا کہ میں نے وزیرخارجہ کو ہدایات کی ہیں کہ وہ ہمارے اندروی معاملات میں مداخلت رکنے والے ممالک کے سفراء کو ناپسندیدہ قرار دینے پر کام کریں اور اس پر جلد از جلد عمل ہو جان...