عالمی

ترک جاسوس ادارے ایم آئی ٹی نے 15 رکنی ایک صیہونی گروہ کو گرفتار کیا ہے جو ملک میں زیر تعلیم فلسطینی طلباء کی جاسوسی کرنے اور دیگر مشکوک سرگرمیوں میں ملوث تھے۔ مقامی ذرائع ابلاغ کے مطابق ملک کے 4 مختلف شہروں میں 200 اہلکاروں کی ایک ٹیم نے 7 اکتوبر کو کارروائی کی جس میں 5 مختلف ایسے گروہوں کو گرفتار یا گیا جو فسلطین پر قابض صیہونی انتظامیہ کے لیے جاسوسی کرتے تھے۔ https://twitter.com/trthabercanli/status/1451117431276150784?s=20 تفصیلات کے مطابق صیہونی جاسوس خصوصی طور پر ان طلباء پر نظر رکھتے تھے جو سماجی اور تحریکی سرگرمیوں میں ملوث ہوتے، یا جو شعبہ دفاع سے متعلق تعلیم حاصل کر رہے ہیں۔ اطلاعات کے مطابق صیہونی جاسوس سیف یو ایم اور پروٹون میل نامی سافٹ ویئر سے معلومات اسرائیل پہنچاتے تھے۔ اسکے علاوہ ملزمان غیر قانونی طریقے سے رقم کی ترسیل کا کام بھی کرتے تھے، جس کے لیے قیمتی زیورات، پت...

مالی کے وزیراعظم کوغؤل کوکالا مائیگا نے رشیا ٹوڈے کو دیے انٹرویو میں دعویٰ کیا ہے کہ انکے ملک میں دہشت گردی والے گروہوں کو فرانسیسی فوج نے تربیت دی ہے۔ مغربی افریقہ کے ملک کے وزیراعظم کا کہنا تھا کہ دہشت گرد اس وقت مالی کے دو تہائی حصے پر قابض ہیں اور بظاہر دہشت گردی سے لڑنے کے لیے موجود فرانسیسی فوج دراصل انہیں تحفظ اور تربیت فراہم کر رہی ہے۔ انہوں نے مزید بتایا کہ فرانسیسی فوج کدال کے علاقے میں چھاؤنی پر مکمل قبضہ کیے بیٹھی ہے اور وہاں مالی کے حکومتی اہلکاروں تک کو جانے کی اجازت نہیں۔ فرانس وہاں ہی دہشت گردوں کو تربیت دیتا ہے اور اس بات کے ہمارے پاس مکمل ثبوت ہیں۔ وزیراعظم مائیگا نے گفتگو میں ایک مقامی کہاوت سناتے ہوئے کہا کہ اگر تم اپنے کمرے میں کھوئی ہوئی سوئی ڈھونڈ رہے ہو اور کوئی اجنبی تمہیں اسے ڈھونڈنے میں مدد کرنے کا کہے تو سمجھ جاؤ کہ وہ سوئی پر ہی کھڑا ہے، اور اسکی موجودگ...

امریکی اخبار نیو یارک ٹائمز کے مطابق امریکی خفیہ ایجنسی سی آئی اے کو دنیا بھر میں ایجنٹوں کی شدید کمی کا سامنا ہے۔ اخبار کے مطابق اس کے ہاتھ ایجنسی کے اعلیٰ عہدےدار کا ایک خط لگا ہے جو ایجنسی نے دنیا بھر میں اپنے اسٹیشنوں کو بھیجا تھا۔ خط میں اسٹیشنوں کو مطلع کیا گیا ہے کہ ایجنسی کو ایجنٹوں کی شدید کمی کا سامنا ہےاور اسکے ایجنٹ یا تو مارے جا رہے ہیں یا پکڑے جا رہے اور کچھ ڈبل ایجنٹ بن گئے یا لاپتہ ہو گئے ہیں۔ اخبار کے مطابق خط گزشتہ ماہ ارسال کیا گیا تھا۔ نیو یارک ٹائمز کی رپورٹ میں کہا گیا ہے کہ ایجنسی نے دنیا بھر میں اپنے اسٹیشنوں کو فوری بھرتیوں کا کہا ہے اور اسے اس وقت مکمل اعتماد جیتے بغیر چھوٹے عہدوں سے افراد کو اہم عہدوں پر لانا پڑ رہا ہے، جس سے اس کے کام کے شدید متاثر ہونے کا خطرہ ہے۔ خط کے مطابق ایجنسی پہلے ہی خبریوں کی غلط معلومات کے باعث کافی نقصان اٹھا چکی ہے۔ تجزیہ کار...

واشنگٹن پوسٹ کے ایک اداریے میں انکشاف ہوا ہے کہ امریکہ نے آگست میں امارات اسلامیہ افغانستان کے کنٹرول سنبھالنے سے قبل ملک سے شیڈی زیرو یونٹ نامی جتھے اور انکے اہل خانہ کو اولین ترجیح میں نکالا، رپورٹ کے مطابق یہ خفیہ فوجی جتھہ امریکی ایماء پر افغانستان میں خصوصی کارروائیاں کرتا تھا اور سنگین جنگی جرائم میں ملوث رہا ہے۔ اداریے میں دو اعلیٰ امریکی فوجی عہدے داروں کے حوالے سے ان تمام تفصیلات کو عیاں کیا گیا ہے۔، رپورٹ کے مطابق امریکہ نے افغانستان سے 20 ہزار سے زائد ایسے افراد اور انکے اہل خانہ کو نکالا ہے جو امریکہ کے لیے خفیہ کارروائیاں کرتے تھے، جن میں سے 7 ہزار انتہائی حساس اور اہم تھے۔ جبکہ مجموعی طور پر 60 ہزار سے 1 لاکھ 20 ہزار تک لوگوں کو افغانستان سے نکالا گیا۔ اداریے کے مطابق سی آئی اے نے ان افراد کو پہلے قطر پہنچایا اور پھر وہاں سے انہیں امریکہ پہنچایا گیا۔ خبر کے سامنے آتے ہ...

افریقی ملک الجزائر نے فرانس کو دی خصوصی فضائی حدود کے استعمال کی سہولت ختم کردی ہے۔ الجزائر کی جانب سے پابندی کا ردعمل فرانسیسی صدر کی جانب سے الجزائر کے حوالے سے توہین آمیز تبصرے اور مہاجرین کے تبادلے کے معاملے پر اتفاق نہ ہونے کے نتیجے میں سامنے آیا ہے۔ فرانس الجزائر اور خطے کے دیگر ممالک مثلاً تیونس اور مراکش پردباؤ ڈال رہا ہے کہ وہ فرانس کو ناپسند مہاجرین کو واپس لے، جس پر متعلقہ ممالک نے صاف انکار کر دیا۔ معاملہ طول پکڑنے پر فرانس نے ان ممالک کو حاصل ویزوں کی خصوصی سہولت کو کم کرنے کا اعلان کیا اور الجزائر کے ویزوں میں 50٪ جبکہ تیونس کے ویزوں میں 1/3 کمی کرنے کا اعلان کیا۔ الجزائر نے اس معاملے پر اپنا احتجاج درج کروایا اور فرانسیسی سفیر کو بلا کر اپنے تحفظات سے آگاہ کیا۔ معاملہ صرف یہاں تک نہ رکا اور فرانسیسی صدر ایمینؤل میخرون جو پہلے ہی اسلام اور مسلم اقوام سے متعلق توہین آ...

فلسطین پر قابض صیہونی انتظامیہ کے وزیراعظم نفتالی بینیت نے اقوام متحدہ جنرل اسمبلی کے اجلاس میں ایرانی جوہری منصوبے کو تباہ کرنے کی دھمکی دی ہے۔ انکا کہنا تھا کہ پانی سر سے گزر چکا، بین الاقوامی برادری کو معاملے کی حساسیت کو دیکھنا ہو گا۔ ایران نے گزشتہ کچھ برسوں میں جوہری منصوبے میں بڑی کامیابی حاصل کی ہے، اور اب یہ یورینیم کی افزودگی کو 60٪ پہنچا چکا، اگر اس نقطے پر اسے نہ روکا گیا تو ایران جوہری قوت بن جائے گا۔ بین الااقوامی اجلاس سے خطاب میں قابض انتظامیہ کے بڑے سرغنہ نے مغربی ممالک کو خصوصی طور پر جھنجھوڑا اور کہا کہ مغرب کی تمام خام خیالی بالاخر غلط ثابت ہو گئی ہے، اگر اب بھی ہوش سے کام نہ لیا گیا تو اسے روکنا ناممکن ہو جائے گا۔ انہوں نے مغربی ممالک کی قیادت کو مخاطب کرتے ہوئے کہا کہ یا تو انہوں نے یہ یقین بنا لیا ہے کہ ایران کا جوہری منصوبہ روکنا ناممکن ہے یا پھر وہ اس بحث سے ہی...

ایرانی وزیر خارجہ حسین امیر عبداللھیان نے جوہری معاہدے پر گفتگو شروع کرنے کے ہر طرح کے مغربی دباؤ کو مسترد کرتے ہوئے کہا ہے کہ وہ کوئی تاریخ نہیں دیں گے کہ کب معاملے پر دوبارہ بار چیت شروع ہو سکتی ہے؟ انکا کہنا تھا کہ ایران اور مغربی ممالک کے "جلد" کا مطلب مختلف ہے۔ ایرانی وزیر خارجہ نے گزشتہ ہفتے اپنے ایک بیان میں کہا تھا کہ بات چیت جلد شروع ہو جائے گی جس پر ایک صحافی نے پوچھا کہ کتنی جلد؟ لوگ جاننا چاہتے ہیں کہ جلد کا مطلب ایک دن ہے، ہفتہ یا مہینہ؟ سوال کے جواب میں عبداللھیان کا کہنا تھا کہ مغرب ارو ایران کے "جلد" میں بہت فرق ہے۔ ایران کے لیے اس کا مطلب کوئی وقت نہیں بلکہ مناسب وقت ہے۔ نئی حکومت ابھی دستاویزات کا مطالعہ کر رہی ہے، معاملات کو اچھے سے سمجھ کر اس پر بات چیت شروع ہو گی۔ یاد رہے کہ 2015 میں ایران کے ساتھ امریکہ، برطانیہ، روس، چین، جرمنی اور فرانس نے جوہری معاہدہ کیا تھ...

امریکی ریاست فلوریڈا کے گورنر ران ڈی سینٹس نے امریکی جاسوس ادارے سی آئی اے کے ہاتھوں خود کو بیچنے اور انتہائی متنازعہ شخصیت فیلکس رودریگوز کو ریاست کے اعلیٰ ترین تمغے، تمغہ آزادی سے نوازا ہے۔ یاد رہے کہ اپنے وطن کیوبا سے غداری کرنے والا فیلکس رودریگوز معروف انقلابی رہنما چی گویرا سمیت عالمی سطح پر کئی اہم شخصیات کے قتل اور حکومتیں گرانے میں ملوث رہا ہے۔ فلوریڈا کے گورنر نے تمغہ دینے کی تقریب کی تصویر اپنے سماجی میڈیا کھاتے پر نشر کی اور ساتھ لکھا کہ رودریگوز کیوبا سے بھاگا اور اس نے امریکہ کو اپنا وطن بنایا، رودریگو کیوبا کی سرحد پر کمیونزم کے خلاف امریکی فوج اور جاسوس ادارے کے ساتھ آزادی کے لیے لڑا، ہمیں خوشی ہے کہ ہم رودریگو کو تمغہ آزادی دے رہے ہیں۔ یاد رہے کہ رودریگوز کا چچا کیوبا پر جبری مسلط حکومت امریکی حمایت یافتہ آمر فلگینسیو باتستا کی کابینہ کا حصہ بھی تھا۔ رودریگو خود کیو...

امریکہ اور برطانیہ کی جانب سے آسٹریلیا کو جوہری آبدوز کی پیشکش کے بعد دیگر یورپی اقوام خصوصاً جرمنی اور فرانس کی جانب سے سخت خفگی کا اظہار کیا جا رہا ہے۔ فرانس کو اعتراض ہے کہ اس پیشکش کے بعد آسٹریلیا نے فرانس سے طے آبدوز کا معاہدہ منسوخ کر دیا ہے جبکہ جرمنی نے بھی مسئلے پر فرانس کے مؤقف کی حمایت کا اعلان کیا ہے۔ جرمنی کے سرکاری بیان میں کہا گیا ہے کہ اقدام دراصل یورپی اتحاد کے لیے پیغام ہے کہ انہیں یکجا اور متحد ہونا ہوگا، اور اپنے مسائل اور اہداف میں خود مختاری کی پالیسی اپنانا ہو گی۔ اس موقع پر جرمنی کے وزیر برائے یورپی اتحاد کا کہنا تھا کہ ہمیں دوسروں پر انحصار ختم کر کے صرف تعاون کی پالیسی اپنانا ہو گی، براعظمی اتحادیوں کو اختلافات کو نظر انداز کرتے ہوئے یک زبان ہونا ہو گا، میڈیا سے گفتگو میں انکا مزید کہنا تھا کہ اس میں شک نہیں کہ اعتماد میں بحالی مشکل ہے لیکن ایسا کرنا ناگزیر ہے ...

انڈونیشیا نے برطانیہ اور امریکہ کی جانب سے آسٹریلیا کو جوہری آبدوز بیچنے کا معاہدہ سامنے آنے پر شدید تحفظات کا اظہار کیا ہے۔ مشرق بعید کے مسلم ملک کا کہنا ہے کہ اس سے خطے میں ہتھیاروں کی نئی دوڑ شروع ہو جائے گی اور عوامی بہبود متاثر ہو گی۔ انڈونیشی وزارت خارجہ کی جانب سے جاری کردہ بیان میں کہا گیا ہے کہ برطانیہ اور امریکہ آسٹریلیا کو جوہری آبدوز دے کر خطے میں سمندری قوت کے تناسب کو خراب کر دیں گے، اور آسٹریلیا اس جدید ہتھیار کا حامل دنیا میں ساتواں ملک بن جائے گا۔ انڈونیشیا کو اس اقدام پر شدید تحفظات ہیں، انڈونیشیا چاہے گا کہ آسٹریلیا اور دیگر ممالک جوہری عدم پھیلاؤ کے معاہدے کی پاسداری کریں۔ بیان میں مزید کہا گیا ہے کہ آسٹریلیا کو خطے میں بیرونی اثرورسوخ کا رستہ روکنا چاہیے، اور علاقائی امن، استحکام اور تحفظ کو پیش نظر رکھتے ہوئے پالیسیاں ترتیب دینی چاہیے۔ انڈونیشیا نے آسٹریلیا کو علاق...