news

اسرائیل کی دو اہم سیاسی جماعتوں نیتن یاہو کی لیکوڈ اور بینی گینٹس کی بلیو اینڈ وہائٹ پارٹی کے درمیان اقتدار کی کشمکش ابھی تک جاری ہے۔ دونوں جماعتیں مقررہ وقت یعنی بدھ کی نصف شب سے پہلے اتحادی حکومت کے سلسلے میں کسی معاہدہ پرنہیں پہنچ سکیں جس سے ملک میں 2019کے بعد سے چوتھی مرتبہ انتخابات ناگزیر دکھائی دے رہے ہیں۔مقامی میڈیا کے مطابق مقررہ وقت ختم ہوجانے کے باوجود لیکوڈ پارٹی اوربلیو اینڈ وہائٹ پارٹی کے درمیان صلاح و مشورہ جاری ہے۔ واضح رہے کہ اسرائیلی صدر ریوین ریولین نے ان خبروں کے بعد کہ دونوں پارٹیوں کے درمیان بات چیت میں ’اہم پیش رفت‘ ہورہی ہے اسرائیلی پارلیمان کے اسپیکر بینی گینٹس اور وزیر اعظم بینجمن نیتن یاہوکو کسی حتمی فیصلے تک پہنچنے کی مدت میں 48 گھنٹے کی توسیع کردی تھی۔ لیکن مقررہ وقت ختم ہوجانے کے باوجود نہ تو گینٹس کی بلیو اینڈ وہائٹ پارٹی نے اور نہ ہی نیتن یاہو کی لیکوڈ پار...

پاکستان نے جمعرات کو افغانستان سے مطالبہ کیا ہے کہ وہ دہشت گرد تنظیم ’اسلامک اسٹیٹ‘ کے علاقائی رہنما کو پاکستان کے حوالے کرے۔ ڈی ڈبلیو کے مطابق پاکستانی وزارت خارجہ کی ترجمان کا کہنا ہے کہ نام نہاد ’اسلامک اسٹیٹ ان خراسان‘ کی سربراہی کرنے والے اسلم فاروقی کو رواں ہفتے افغان فورسز نے گرفتار کیا تھا۔ اسلم فاروقی کا اصل نام عبداللہ اورکزئی ہے اور کہا جاتا ہے کہ وہ پاکستانی شہری ہے۔ پاکستانی محکمہ خارجہ کے مطابق فاروقی پاکستان میں متعدد دہشت گردانہ کارروائیوں میں ملوث رہا ہے اور اسے پاکستان کے حوالے کیا جانا چاہیے تاکہ اس سے تفتیش میں مدد ملے۔...

اقوام متحدہ نے کورونا وائرس کے تعلق سے بھارت میں مسلمانوں کے خلاف نفرت انگیز بیانات کا نوٹس لیتے ہوئے کہا ہے کہ حکومت کو اس کی روک تھام کے لیے فوری طور پر اقدامات کرنے کی ضرورت ہے۔ بھارت میں سخت گیر ہندو تنظیمیں اور میڈیا کا ایک حلقہ کورونا وائرس کے نام پر مسلمانوں کو بدنام کرنے میں لگا ہے جس کے سبب مسلمانوں کے خلاف حملوں میں اضافہ ہو رہا ہے۔ اس سے قبل عالمی ادارہ صحت(ڈبلیو ایچ او)نے بھی بھارت میں کورونا وائرس کے تعلق سے مسلم فرقہ کو نشانہ بنائے جانے پر تشویش کا اظہار کرتے ہوئے سخت نکتہ چینی کی تھی۔ ڈی ڈبلیو کی ایک رپورٹ کے مطابق بھارت میں مقامی غیر سرکاری تنظیموں اور عالمی اداروں کے ساتھ مل کر کام کرنے والی اقوام متحدہ کی بھارتی مندوب رینتا لوک ڈیزلن نے  موجودہ صورتحال پر گہری تشویش کا اظہار کرتے ہوئے کہا کہ حکومت کو کووڈ- انیس کے تعلق سے، '' ایک خاص برادری کے لوگوں کو بدنام کرنے کے...

امریکی صدر ڈونلڈ ٹرمپ نے امید ظاہر کی ہے کہ امریکہ میں کرونا کی وباء کا زور ٹوٹنے والا ہے۔ وائٹ ہائوس میں ایک پریس بریفنگ میں کے دوران صدر ٹرمپ نے کہا کہ کرونا بیماری پر قابو پانے کے مثبت اشارے مل رہے ہیں اور ہم اس بیماری کے خلاف کامیابی سے آگے بڑھ رہے ہیں جس سے یہ ظاہر ہوتا ہے کہ وبائی مرض کا پھیلاؤ کم ہونا شروع ہو گیا ہے۔انہوں نے زور دے کر کہا کہ امریکہ ایک مقصد کے ساتھ آگے بڑھ رہا ہے اور ہمارا مقصد کرونا کو شکست دینا ہے۔ ٹرمپ نے کرونا کے خلاف جنگ کے لیے فرنٹ لائن کے تمام کارکنوں کا شکریہ ادا کیا۔انہوں نے بتایا کہ جمعرات کی شام تک امریکہ میں کرونا کے 20 لاکھ مشتبہ مریضوں کی تصدیق کی جا چکی ہے۔ کرونا بحران کے معاشی اثرات کے حوالے سے بات کرتے ہوئے ٹرمپ نے کہا کہ امریکہ معاشی محرک پیکجوں کی بدولت ایک بار پھر آگے بڑھے گا اور کرونا کے ساتھ ساتھ معاشی مسائل پر بھی قابو پا لے گا۔...

سعودی وزیر توانائی نے اس توقع کا اظہار کیا ہے کہ امریکہ، کینیڈا اور برازیل جیسے ممالک "اوپیک+" گروپ کی اُن کوششوں میں شامل ہو جائیں گے جو وہ تیل کی منڈی میں استحکام لانے کے واسطے کر رہا ہے۔ العریبیہ ڈاٹ نیٹ کی رپورٹ کے مطابق سعودی وزیر تیل شہزادہ عبد العزيز بن سلمان نے جمعے کے روز "روئٹرز" نیوز ایجنسی کو بتایا کہ تیل کی عالمی یومیہ پیداوار میں ایک کروڑ بیرل کی کمی کے حوالے سے جمعرات کے روز طے پانے والا "اوپیک+" گروپ کا حتمی سمجھوتا اس بات پر موقوف ہے کہ میکسیکو پیداوار کم کرنے کے عمل میں شامل ہو۔ سعودی وزیر نے امید ظاہر کی ہے کہ میکسیکو اس معاہدے میں اپنے فوائد نہیں بلکہ پوری دنیا کا مفاد سامنے رکھے گا۔ اوپیک تنظیم اور تیل پیدا کرنے والے ممالک (ان دونوں کے اتحاد کو اوپیک+ کا نام دیا گیا ہے) جمعرات کے روز اس بات پر متفق ہو گئے کہ مئی اور جون میں تیل کی یومیہ پیداوار میں ایک کروڑ بیرل ...

ترکی اسرائیل کو طبی ساز و سامان اور لوازمات فراہم کرے گا جس میں چہرے کے ماسک، حفاظتی لباس اور جراثیم سے پاک دستانے شامل ہوں گے۔ یہ اقدام کرونا وائرس کے سبب پھیلی ہوئی وبا کی روک تھام کے لیے تل ابیب کی مدد کرنے کے لیے ہے۔یاد رہے کہ اسرائیل میں اب تک کرونا وائرس کے 9000 کے قریب کیسوں کی تصدیق ہوئی ہے۔ ان میں 50 سے زیادہ افراد فوت ہو چکے ہیں۔ واضح رہے کہ ترکی کی حکومت نے "انسانی" وجوہات کی بنیاد پر اسرائیل کو طبی ساز و سامان فروخت کرنے کی منظوری دی ہے۔ اس بات کی بھی توقع کی جا رہی ہے کہ اسرائیل ترکی کی جانب سے طبی ساز و سامان کی اسی نوعیت کی ایک کھیپ بنا روک ٹوک فلسطینی اتھارٹی تک پہنچنے کی اجازت دے گا۔ بلومبرگ ویب سائٹ کے مطابق یہ بات ترکی کے ایک اعلیٰ عہدے دار نے بتائی۔عہدے دار نے بتایا کہ ان کا ملک آئندہ چند روز کے دوران فلسطینیوں کے لیے طبی امداد کا عطیہ دے گا۔ تاہم ابھی یہ کہنا ق...

ڈیموکریٹک پارٹی کے سیاستدان برنی سینڈرز نے صدارتی امیدواری کی مہم کو معطل کرنے کا اعلان کر دیا ہے۔ یوں اب آئندہ امریکی الیکشن میں ممکنہ طور پر ری پبلکن صدر ڈونلڈ ٹرمپ کا مقابلہ ڈیموکریٹ جو بائیڈن سے ہو گا۔ واضح رہے کہ امریکہ کے بائیں بازو کے نظریات کے حامل سینیٹر برنی سینڈرز صدارتی انتخابات میں حصہ لینے کے لیے نامزدگی کی دوڑ سے دستبردار ہوگئے ہیں۔ ان کے فیصلے کے بعد سابق نائب صدر جوزف بائیڈن کی ڈیمو کریٹک پارٹی کے صدارتی امیدوار کی حیثیت سے نامزدگی یقینی ہوگئی ہے۔ برنی سینڈرز کے اعلان کے بعد جو بائیڈن نے ان کے حامیوں پر زوردیا ہے کہ وہ اب ان کی مہم کی حمایت کریں۔انھوں نے ایک ٹویٹ میں اس امید کا اظہار کیا ہے کہ سینڈرز کے حامی اب ان کی مہم شامل ہوجائیں گے اور انھیں خوش آمدید کہا جائے گا۔جو بائیڈن اب نومبر میں امریکہ ہونے والے صدارتی انتخابات میں ری پبلکن امید وارڈونلڈ ٹرمپ کے مد مقابل ...

سعودی اتحادی افواج نے یمن میں یک طرفہ جنگ بندی کا اعلان کر دیا ہے جس کے جواب میں حوثی باغیوں نے بڑا مطالبہ کر دیا تفصیلات کے مطابق اتحادی افواج کے سربراہ کرنل ترکی المالکی کا کہنا ہے کہ یمن کے عوام کو مہلک وائرس سے بچانے کے لئے یہ اقدامات کیے جا رہے ہیں ۔ واضح رہے کہ جنگ بندی کورونا وائرس کی وجہ سے اقوام متحدہ کی درخواست پرکی گئی جنگ بندی کا عرصہ 2 ہفتوں کے لیے ہے اور اس عرصے میں توسیع ممکن ہے۔ دوسری جانب حوثی باغیوں نے مکمل جنگ بندی کا مطالبہ کردیا ۔ حوثی باغیوں کےترجمان نے کہا ہے کہ حوثی مکمل جنگ بندی اور محاصرہ ختم کرانے چاہتے ہیں سعودی نائب وزیر دفاع خالد بن سلمان نے بات کرتے ہوئے کہا ہے کہ یمن میں اتحادی فوج کی فائربندی خطےمیں استحکام لائےگی ۔ 2 ہفتوں پرمشتمل سیز فائر میں کوئی فریق بدامنی کی کوشش نہیں کرے گا۔ سعودی عرب اقوام متحدہ کے یمن میں ایچ آرپی پروگرام میں500 بلین ڈالرکی ...

کورونا وائرس کے معاملے پر عالمی ادارہ صحت کے سربراہ اور امریکی صدر آمنے سامنے آگئے ۔امریکی صدر ڈونلڈ ٹرمپ نے گزشتہ روز کورونا وائرس سے پیدا صورتحال پر عالمی ادارہ صحت پر شدید تنقید کی تھی اور ادارے کے فنڈز میں کٹوتی کا عندیہ دیا تھا جس پر عالمی ادارہ صحت کے سربراہ ڈاکٹرٹیڈروس ایڈھانم گیبریوس نے ٹرمپ کو کرارا جواب دیتے ہوئے اپنے رد عمل میں ادارے کے مؤقف کا دفاع کیا۔ جنیوا میں نیوز کانفرنس کرتے ہوئے ڈاکٹر ٹیڈروس کا کہنا تھا وائرس کو سیاست زدہ نہ کریں، یہ آپ کے قومی سطح کے اختلافات سے مزید پھیلے گا اور اگر آپ چاہتے ہیں کہ یہ پھیلےاور اگر آپ کے پاس مزید لاشیں رکھنے کے لیے بیگ ہیں تو سیاست کریں اوراگر آپ مزید لاشیں نہیں دیکھنا چاہتے تو وائرس کو سیاست زدہ کرنے سے باز رہیں۔ میرا ایک مختصر پیغام ہےکہ براہ کرم کووڈ سیاست کو قرنطینہ کردیں، آپ کا قومی اتحاد اس خطرناک وائرس کو شکست دینے کے لیے بہت ...

کیمیائی ہتھیاروں کی بمباری کس نے کی اورکتنی تباہی پھیلائی ،اطلاعات کے مطابق کیمیائی ہتھیاروں کی روک تھام کے حوالے سے کام کرنے والی عالمی تنظیم (او پی سی ڈبلیو) نے شام میں 2017 میں کیمیائی ہتھیاروں کے استعمال کے حوالے سے اپنی رپورٹ جاری کردی جس میں شامی ایئرفورس کو ذمہ دار قرار دیا گیا ہے۔ او پی سی ڈبلیو کی جانب سے جاری رپورٹ کے مطابق ‘شامی ایئرفورس کے پائلٹس نے روسی ساختہ سوخوئی ایس یو-22 فوجی طیارے اور ایک ہیلی کاپٹر کے ذریعے مارچ 2017 میں شام کےمغربی خطے حیما کے ایک گاؤں میں زہریلی کلورین اور سیرین گیس پر مشتمل بم گرائے تھے۔ او پی سی ڈبلیو نے 2018 میں تفتیش کاروں کی ایک ٹیم تشکیل دی تھی تاکہ اس بات کا تعین کیا جاسکے کہ کیمیائی بمباری میں کون ملوث تھا۔ خیال رہے کہ شام کے صدر بشارالاسد اور ان کے اتحادی روس کے ولادی میر پوتن مسلسل ان بیانات کو مسترد کرتے آئے ہیں کہ ان کی جانب سے کیمیا...