Author: مخبر

برطانوی وزیراعظم بورس جانسن نے ملک میں جاری کووڈ19 وباء کی دوسری لہر کے پیش نظر ممکنہ تالہ بندی کی خبر ذرائع ابلاغ میں نشر ہونے پر خصوصی بیٹھک طلب کر لی ہے۔ ٹائمز اخبار کے مطابق ایک ماہ کی تالہ بندی کا فیصلہ ابھی زیر غور تھا، اور اگر اس پر اتفاق ہو جاتا تو وزیراعظم کو اس پر میڈیا سے گفتگو کرنا تھی تاہم خبر پہلے ہی شائع ہونے پر حکومتی حلقوں میں ناراضگی کا اظہار کیا جارہا ہے۔ رائٹرز کے مطابق ادارے نے وزیر اعظم کے دفتر سے ردعمل کے لیے رابطہ کیا تو انہوں نے کسی قسم کے جواب سے انکار کردیا۔ برطانوی نشریاتی اداروں کے مطابق تالہ بندی کا فیصلہ مقامی حکومتوں پر چھوڑا جائے گا، یعنی وزیر اعظم جانسن کے فیصلے پر صرف برطانیہ میں تالہ بندی ہو گی اور ویلز، شمالی آئرلینڈ اور سکاٹ لینڈ الگ سے اپنے فیصلے کریں گے۔ واضع رہے کہ برطانوی وزیراعظم تالہ بندی کے شدید مخالف رہے ہیں اور صرف حساس علاقوں کو مق...

امریکہ میں جاری ہنگاموں، لوٹ مار اور آئندہ انتخابات کے بعد ممکنہ خانہ جنگی کی صورتحال کے پیش نظر خود کو محفوظ بنانے کے لیے تمام بڑے خریداری مراکز نے حفاظتی حصاریں بنوانا شروع کر دی ہیں۔ واضح رہے کہ جارج فلائیڈ کی ہلاکت سے شروع ہونے والے ہنگاموں میں اب تک امریکہ میں مختلف اندازوں کے مطابق 4 سے 10 ارب ڈالر کا نقصان ہو چکا ہے۔ متعدد ریاستوں نے آئندہ ہفتے انتخابات کے دن فوج بھی طلب کر رکھی ہے۔

ڈنمارک کے اخبار جیلن پوستن نے سکیورٹی خطرات کے پیش نظر اسلام سے نفرت اور پیغمبرﷺ کے کارٹوں چھاپنے سے انکار کر دیا ہے۔ اخبار کے مدیر نے مقامی سیاسی جماعت کی اسلام مخالف نشریاتی مہم کا حصہ بننے سے انکار کرتے ہوئے کہا ہے کہ وہ ایسی کسی مہم کا حصہ نہیں بنیں گے جو انکے عملے کی زندگیوں کو خطرے میں ڈالے۔ مدیر کا کہنا تھا کہ وہ فرانس سے ہمدردی رکھتے ہیں تاہم سکیورٹی ادارے ان پر ہونے والے چار حملوں کو ناکام بنا چکے ہیں، ادارہ ایسی کسی اشاعت میں حصہ لے کر خطرہ مول نہیں لینا چاہتا۔ انکے عملے کو 2005 میں خاکوں کی اشاعت کے بعد ردعمل میں حملوں کا نشانہ بنایا جاتا رہا ہے اور یہ سلسلہ 2010 تک جاری رہا، عملے کی حفاظت انکے لیے کوئی سیاسی مسئلہ نہیں ہے۔ واضح رہے کہ یہ وہی اخبار ہے جس نے 2005 میں پہلی بار گستاخانہ خاکے شائع کیے تھے۔ معروف اخبار کے بعد دیگر 3 اخباروں نے بھی پیغمبر اسلام ﷺ کے خاکوں ...

کل رات 10:25 پر سعودی شہر مکہ المکرمہ کی جامع مسجد، مسجد الحرام کے دروازے نمبر 89 پر ایک نامعلوم شخص نے گاڑی چڑھا دی۔ حادثے میں کوئی جانی نقصان نہیں ہوا اور نہ ہی کسی نمازی کے زخمی ہونے کی اطلاع ہے۔ سکیورٹی اہلکاروں نے ڈرائیور کو حراست میں لے لیا ہے اور تفتیش جاری ہے۔ https://twitter.com/faisaledroos/status/1322314901659017218?s=20 https://twitter.com/ahmaui8/status/1322318487503605762?s=20 https://twitter.com/hsharifain/status/1322379490186715140?s=20 https://twitter.com/TheInsiderPaper/status/1322300608087527424?s=20

امریکی محکمہ خزانہ کبھی بھی اپنی پالیسیوں میں درست نہیں رہا، اور یہی وجہ ہے کہ امریکی معیشت ہر آںے والے سال کے ساتھ مزید بڑے وبال میں پھنستی جا رہی ہے، ان خیالات کا اظہار معروف امریکی ماہر معاشیات پیٹر شیف نے ایک کانفرنس میں کیا ہے۔ ویبنار سے خطاب میں پیٹر شیف کا کہنا تھا کہ امریکی معیشت کی کتاب کا آخری باب لکھا جا رہا ہے، اس کتاب کو سابق بینکر اور قومی خزانے کے سربراہ ایلن گرین سپین نے لکھنا شروع کیا تھا، ایلن نے انٹرنیٹ کاروبار کے دھوکے میں ایک طرف قرضوں کو بڑھانے اور دوسری طرف شرح سود کو کم کرنے کی پالیسی اپنائی، جس کے نتیجے میں معیشت گرنا شروع ہوئی تو ایلن نے اپنی غلطی کے اعتراف کے بجائے پالیسی کو مزید سختی سے چلانے کی کوشش کی، حصص بازار کے ساتھ ساتھ رہائشی شعبے میں بھی ترقی ظاہر کر کے سب کچھ اچھا ہونے کا راگ الاپا گیا، تاہم درحقیقت سب اچھا نہیں تھا بلکہ ڈوب رہا تھا۔ پیٹر شیف کا...

برطانوی پولیس اہلکار اینڈی کوک کا کورونا پابندیوں کی خلاف ورزی کرنے پر شہریوں کو ہمسائیوں کی شکایت کرنے کا مشورہ مہنگا پڑ گیا، شہریوں نے سماجی میڈیا پر پولیس اہلکار کی وہ درگت بنائی کہ کئی گھنٹوں تک مدعہ اہم موضوع بنا رہا۔ پولیس اہلکار نے میڈیا سے گفتگو میں شہریوں کو ابھارا تھا کہ اگر آپ اپنے ہمسائے کی کورونا پابندیوں کی خلاف ورزی پر شکایت کرتے ہیں تو آپ نے شہری ذمہ داریوں کو پورا کرتے ہوئے قابل ستائش کام کیا ہے نہ کہ کوئی غلط کام۔ اگر لوگ قانون کی پاسداری کروانے کے لیے ہم سے رابطہ کرتے ہیں تو ایسا کرنا درست ہے، شہریوں کی بڑی تعداد موجودہ حالات سے پریشان ہیں اور زندگیوں کو خطرے میں ڈالنے والے رویے کے خلاف بولنا چاہتے ہیں، انہیں ایسا کرتے ہوئے پولیس سے رابطے سے کترانا نہیں چاہیے۔ پولیس اہلکار کا بیان عوام میں جاتے ہیں اس پر ناراضگی کا اظار سامنے آیا اور شہریوں نے مشورے کو ہٹلر اور ج...

فرانسیسی وزیر داخلہ نے اسلام اور مسلمانوں کے خلاف نفرت کے پرچار کے سلسلے کو جاری رکھتے ہوئے اور عوام کو خوف میں مبتلا کرتے ہوئے کہا ہے کہ انکا ملک اسلام کے ساتھ حالت جنگ میں ہے، اسلامی دہشت گردوں کی جانب سے مزید حملے ہو سکتے ہیں، شہری متنبہ رہیں۔ وزیر داخلہ گیرالڈ درمینین نے مزید کہا ہے کہ انہیں ایسے دشمن کا سامنا ہے جو انکے اندر بھی موجود ہے اور باہر بھی، انہیں اسلامی نظریاست سے نمٹنے کے لیے نئی اور بہترحکمت عملی کی ضرورت ہے۔ اپنے ریڈیو خطاب میں فرانسیسی اعلیٰ عہدے دار کا کہنا تھا کہ جیسے حملے گزشتہ کچھ دنوں سے ہو رہے ہیں، ان میں مزید اضافہ ہو سکتا ہے، تاہم حکومت نے عوامی مقامات پر 4000 عسکری اہلکاروں کو تعینات کر دیا ہے، عوام بھی متنبہ رہے۔ فرانسیسی وزیر داخلہ نے مزید کہا کہ اسلامی نظریات کی فرانس میں کوئی جگہ نہیں، اسکے بڑھتے ہوئے پھیلاؤ کو روکنا ہو گا، اسلام کو لبرل نظریات کے...

روسی محققین نے خصوصی تحقیق کے بعد خدشے کا اظہار کیا ہے کہ کورونا وائرس براہ راست چمگادڑوں سے بھی پھیل سکتا ہے، البتہ محققین کا کہنا ہے کہ احتیاط ضرور کریں تاہم خوف میں مبتلا ہونے کی ضرورت نہیں ہے۔ دریافت چمگادڑوں پر تحقیق کرنے والے سائنسدانوں کے ایک گروہ کے سامنے آئی ہے، جو کورونا کے دیگر ممکنہ ذرائع پر کام کر رہا ہے۔ محققین کے مطابق انہوں نے تین ماہ قبل چگادڑوں کے فضلے اور بچی کچھی خوراک پر تحقیق شروع کی، اور ملک بھر سے نمونے اکٹھے کیے، جن میں ماسکو، وولگوگراڈ اور بحرسیاہ کا علاقہ بھی شامل تھا۔ تحقیق میں محققین کو چمگادڑوں کے فضلے اور جوٹھی خوراک میں کورونا وائرس دریافت ہوا ہے۔ محققین کا کہنا ہے کہ ابھی تحقیق مکمل نہیں ہوئی اور اسے تقریباً دو سال کا عرصہ لگ سکتا ہے، تاہم اب تک کے مطالعہ میں سامنے آیا ہے کہ روسی چمگادڑوں میں مختلف قسم کے کورونا وائرس پائے جاتے ہیں۔ واضح رہے ک...