Author: مخبر

امریکہ کے فضائی دفاعی نظام کا تجربہ ناکام ہونے کی خبر سامنے آئی ہے۔ تفصیلات کے مطابق ایجس جہاز سے دو میزائل شکن ایس ایم-6 میزائل داغے گئے لیکن وہ درمیانے فاصلے کے بیلسٹک ہدف کو نشانہ بنانے میں ناکام رہے، تجربے کی ناکامی کی خبر سب سے پہلے روسی میڈیا پر سامنے آئی جس کی بعد میں امریکہ نے بھی تصدیق کی۔ معمولات کے مطابق تجربے کا مقصد جدید میزائل شکن نظام کو جانچنا تھا، تجربہ ایجس جہاز کے داغے گئے درمیانے درجے کے بیلسٹک میزائل کا پتہ لگانے، اس کی رفتار اور دیگر اہم معلومات کا تعین کرنے، اسے مشغول کرنے اور روکنے کی صلاحیت کا مظاہرہ کرنا تھا۔ امریکی عہدیدار ابھی اس ناکامی کی وجوہ کا تعین کرنے کے لیے جائزہ لے رہے ہیں، اور فوری طور پر کسی قسم کی معلومات دینے سے منع کیا جارہا ہے۔  امریکہ نے یہ واضح نہیں کیا ہے کہ اس تجربے میں کون سا ایجس جنگی جہاز ملوث تھا یا وہ عین علاقہ جہاں یہ تجربہ ...

یورپی ذرائع ابلاغ میں امریکہ پر یورپی سیاستدانوں کی جاسوسی کا الزام لگایا گیا ہے۔ ناجائز امریکی سائبر سرگرمیوں سے متعلق انکشافات کرنے والے ایڈورڈ اسنوڈن نے بھی خبروں کی تصدیق کی ہے بلکہ سی آئی اے کی اس سرگرمی میں ڈنمارک کی معاونت کا انکشاف بھی کیا ہے، سنوڈن کے بقول صدر جو بائیڈن بھی اس بارے میں اچھی طرح آگاہ ہیں۔ یورپی تحقیقاتی اداروں نے معاملے کی تحقیقات شروع کر دی ہیں، ابتدائی اطلاعات کے مطابق جرمنی کی چانسلر انجیلا میرکل اور صدر فرینک والٹر اسٹین میئر فہرست میں اول نمبر پر ہیں جن کی امریکی قومی سلامتی کے ادارے کی جانب سے جاسوسی کی گئی اور اس میں ڈنمارک کی دفاعی سروس (ایف ای ای) کی معاونت شامل رہی۔ ایڈورڈ اسنوڈن کے مطابق امریکہ نہ صرف اپنے شہریوں بلکہ دیگر ممالک کے رہنماؤں کی جاسوسی بھی کرتا ہے، سنوڈن نے خاص طور پر انکشاف کیا ہے کہ انجیلا میرکل کے نجی فون تک پر امریکہ کو مکمل رسائی...

امریکہ کی چین کے خلاف شرانگیزی کا سلسلہ جاری ہے۔ ایک نئی اشتعال انگیزی کرتے ہوئے جوبائیڈن کے مشیر برائے خصوصی افواج کرسٹوفر مائر نے تجویز رکھی ہے کہ امریکہ کو تائیوان میں امریکی کمانڈو تعینات کرنے پر سنجیدگی سے غور کرنا چاہیے، اور تائیوانی فوج کے نصاب میں چین کے ممکنہ حملے کو روکنے کے طریقوں کی تربیت کو شامل کرنا چاہیے۔ کرسٹوفر مائیر کو خصوصی کارروائیوں اور کم شدت کے تنازعات کے لیے معاون سیکرٹری دفاع مقرر کیا گیا ہے، انہوں نے ایک اعلیٰ سطحی اجلاس میں تائیوان میں خصوصی کمانڈو بھیجنے کی تجویز دی ہے، مائیر کا کہنا ہے کہ یہ کمانڈو نہ صرف تائیوان کی فوج کو چینی حملے کی صورت میں دفاع کے لیے تربیت دیں گے بلکہ ایک توانا مزاحمت کے لیے ذہن سازی بھی کریں گے۔ مائیر نے چین کو روکنے کے طریقوں کے بارے میں عکسکری کمیٹی کے اجلاس کے دوران کہا کہ خصوصی افواج کا اس میں کلیدی کردار ہو گا۔ واضح رہے کہ ...

 روس اور چین نے چاند پر مشترکہ تحقیقی مرکز کو عملی شکل دینے کے لیے منصوبہ بندی کا آغاز کر دیا ہے۔ دوسری طرف منصوبے پر مغربی میڈیامیں چہ مگوئیاں شروع ہو گئی ہیں اور سائنسی تحقیق کے منصوبے کو بھی اقوام میں محاذ آرائی کی صورت میں پیش کرتے ہوئے بین الاقوامی منصوبے کو امریکی خلائی تحقیقاتی ادارے ناسا کو کاٹنے کی کوشش قرار دیا جا رہا ہے۔  چین اور روس کا کہنا ہے کہ انہوں نے خلائی تحقیق میں دلچسپی رکھنے والے متعدد دیگر ممالک کو بھی منصوبے میں شامل ہونے کی دعوت دی ہے لہٰذا منصوبے کو امریکہ کے ساتھ خلائی دوڑ قرار دینا غلط ہے۔ منصوبے پہ تفصیلی بات چیت کے لیے روس کے شہر سینٹ پیٹرز برگ میں جون میں تحقیقی کانفرنس کا اہتمام کیا گیا تھا تاہم کورونا وباء کے باعث اسے ملتوی کر دیا گیا ہے۔ روس اور چین کے مابین خلائی تحقیق میں تعاون کا یہ معاہدہ رواں برس 9 مارچ کو طے پایا تھا، جس کے تحت دونو...

شامی حکومت نے بشار الاسد کو 95 فیصد سے زیادہ ووٹوں کے ساتھ چوتھی بار منتخب ہونے کا اعلان کیا ہے۔ فتح کے اعلان کے ساتھ دعویٰ کیا گیا ہے کہ صدر بشار الاسد نے دو مدمقابل امیدواروں کو شکست دی ہے، جن میں سے ایک مزاحمتی اتحاد کے سابق عہدیدار بھی شامل ہیں۔ شام کی مقننہ کے اسپیکر، حمود صباغ کے مطابق گزشتہ بدھ ہوئے انتخابات میں اندراج شدہ ووٹ دہندگان میں سے 78 فیصد نے حق رائے دہی استعمال کیا، جس میں سے 1 کروڑ 30 لاکھ ووٹ لےکر بشار الاسد کامیاب ہوئے۔  دوسری طرف شام کو بشار الاسد کی مطلق عنانی سے آزادی دلوانے کے لیے اٹھنے والی تحریک نیشنل فرنٹ کے سیکریٹری جنرل محمود احمد ماری نے تقریباً 470276 یا 3.1 فیصد ووٹ حاصل کیے ہیں، سوشلسٹ یونینسٹ پارٹی کے عبداللہ سلوم عبد اللہ نے تقریباً213968 ووٹ لے کر 1.5 فیصد ووٹوں کے ساتھ تیسرے نمبر رہے ہیں۔ وزیر داخلہ محمد الرحمن کے مطابق اہل ووٹرز کی کل تع...

چینی مواصلاتی کمپنی شیاؤمی میں سرمایہ کاری کرنے پر امریکی حکومتی پابندی کو عدالت نے مسترد کر دیا ہے۔ امریکی حکومت کا الزام تھا کہ شیاؤمی چینی فوج کی معاون کمپنی ہے، اس لیے امریکی شہریوں پر کمپنی میں سرمایہ کاری کرنے یا اس کے حصص خریدنے پر پابندی عائد کر دی گئی تھی۔ شیاؤمی نے پابندی کے خلاف عدالت سے رجوع کیا اور ریاست کولمبیا کی ضلعی عدالت سے کمپنی کے حق میں فیصلہ دیتے ہوئے حکومتی فیصلے کو مسترد کر دیا ہے۔ اس موقع پر شیاؤمی نے اپنے بیان میں کہا ہے کہ وہ اپنے صارفین، شراکت داروں اور ملازمین کے بے حد مشکور ہیں جنہوں نے کمپنی پہ اعتماد کیا اور اسکی حمایت کی۔ کمپنی نے اپنی قابل اعتماد مصنوعات اور خدمات کی فراہمی کو جاری رکھنے کا یقین دلایا ہے اوراعلیٰ معیاری خدمات کو پوری ایمانداری کے ساتھ مناسب قیمتوں پر دستیاب رکھنے کی پالیسی پر گامزن رہنے کے ارادے کا اظہار بھی کیا ہے۔ امریکی حکومت ن...