news

فرانسیسی خبر رساں ادارے اے ایف پی کے مطابق عالمی فوجداری عدالت (آئی سی سی) نے افغانستان میں جنگی جرائم کی تحقیقات کی اجازت دے دی۔ دی ہیگ میں قائم جرائم کی عالمی عدالت نے اپنے فیصلے میں کہا ہے کہ پراسیکیوٹر کو اختیار ہے وہ یکم مئی 2003 سے افغانستان میں امریکی فورسز سمیت دیگر فورسز اور افغان حکومت کے مبینہ جنگی جرائم کی تحقیقات کرے۔ وقت آگیا ہے کہ افغانستان میں ہونے والے ظلم و بربریت کی تحقیقات کو آگے بڑھانا چاہیے۔ عدالت نے اپنے فیصلے میں کہا ہے کہ پراسیکیوٹر کی جانب سے کی جانے والی ابتدائی تحقیقات سے ایسے شواہد ملے ہیں جو افغانستان میں مبینہ جنگی جرائم کی تحقیقات کو آگے بڑھانے پر زور دیتے ہیں۔عدالت کا مزید کہنا ہے کہ افغانستان  ایک ممبر کی حیثیت سے جرائم کی بین الاقوامی عدالت کے دائرہ اختیار میں آتا ہے۔...

ترک صدر رجب طیب اردوگان اور ان کے روسی ہم منصب ولادی میر پوتن کے درمیان روس کے دارالحکومت ماسکو میں طویل ملاقات ہوئی جو 6 گھنٹے تک جاری رہی۔ملاقات کے بعد صحافیوں سے بات چیت کرتے ہوئے ترک صدر طیب اردوگان نے شام کے تشدد زدہ صوبے ادلب میں سیز فائر کا اعلان کیا اورساتھ ہی شامی حکومت کو خبردار کیا کہ اگرترک فوجیوں پر حملوں کا سلسلہ جاری رکھا تو ترکی پوری طاقت کے ساتھ جوابی کارروائی کرے گا۔ اس موقع پر روسی صدر پوتن کا کہنا تھا کہ روس اپنے ترک شراکت داروں کی پالیسیوں کے ساتھ مسلسل غیر رضا مند تھا لیکن ہم امید کرتے ہیں کہ یہ معاہدہ ادلب کے پر امن علاقے میں لڑائی کے خاتمے کے لیے بہتر بنیاد ثابت ہوگا اورعوام کی مشکلات کے خاتمے سمیت بڑھتے ہوئے انسانی بحران کو بھی کم کرے گا۔ ترک اور روسی صدور کی پریس کانفرنس کے بعد دونوں ممالک کے وزرائے خارجہ نے مشترکہ اعلامیہ جاری کرتے ہوئے کہا کہ دونوں ممالک ...

دہلی میں حالیہ فسادات میں 45 افراد کی ہلاکت اور مسلمانوں کی املاک کو تباہ کرنے پر برطانوی اراکین پارلیمان نے خارجہ اور دولت مشترکہ کے دفتر (ایف سی او) پر زور دیا ہے کہ اس معاملے پر بھارتی حکومت سے کی گئی بات چیت کی تفصیلات فراہم کی جائیں۔  اخبار ڈان نیوز کے مطابق سکھ اراکینِ پارلیمینٹ تنمنجیت سنگھ دیشی اور پریت گِل کور نے دہلی فسادات پر بھارتی حکومت کو تنقید کا نشانہ بناتے ہوئے ایف سی او کے نمائندوں سے سوال پوچھتے ہوئےکہا کہ دہلی میں حالیہ دنوں میں ہونے والے فسادات نے ’دردناک یادیں تازہ کردی ہیں‘۔ انھوں نے کہا کہ ’جب میں بھارت میں زیر تعلیم تھا (تو) 1984 میں بطور ایک مذہبی اقلیت (میں نے) سکھوں کی نسل کشی ہوتے دیکھی ہے، اسپیکر کو مخاطب کرتے ہوئے انہوں نے کہا کہ ہمیں تاریخ سے سیکھنے کی ضرورت ہے، معاشرے کو تقسیم کرنے کے ارادے رکھنے والےمذہب کے نام پر قتل و غارت گری اور مذہبی مقامات تب...

واشنگٹن کی ایک وفاقی عدالت نے عراق میں تعینات ایک امریکی فوجی خاتون مترجم پر الزام عائد کیا ہے کہ اس نے لبنانی ملیشیا حزب اللہ سے روابط رکھنے والے افراد کو ایسی معلومات فراہم کیں جن میں امریکی فوج کے لیے کام کرنے والے عراقی مُخبروں کے نام بھی شامل تھے۔ فیصلے میں مزید کہا گیا کہ 29 دسمبر کو ایران کی حلیف عراقی ملیشیاؤں کے مراکز پر امریکی لڑاکا طیاروں کے حملوں کے ایک روز بعد مریم نے کمپیوٹر میں امریکی فوج کی خصوصی فائلوں میں گھسنا شروع کر دیا۔ ان فائلوں میں امریکی فوج کے ذرائع کی شناخت کے علاوہ ان کی جانب سے فراہم کردہ معلومات بھی شامل تھیں۔ بدھ کے روز جاری فیصلے میں کہا گیا ہے کہ ریاست مینیسوٹا سے تعلق رکھنے والی 61 سالہ خاتون مریم طہ تھامسن نے دسمبر کے وسط میں عراق کے شہر اربیل میں امریکی اسپیشل فورسز کے ساتھ بطور مترجم کام کرنے کا معاہدہ کیا تھا۔ مریم کا سیکورٹی پرمٹ انتہائی خفیہ رک...

امریکہ کے میڈیا ٹائیکون مائیکل بلومبرگ ڈیموکریٹک پارٹی کی طرف سے صدارتی امیدوار کی حیثیت سے نامزدگی کی دوڑ سے دست بردار ہو گئے ہیں۔ واضح رہے کہ انھوں نے سپر منگل کے موقع پر ووٹروں کی جانب سے بے رُخی ملاحظہ کرنے کے بعد سابق نائب صدر جوزف بائیڈن کے حق میں دستبردار ہونے کا فیصلہ کیا ہے۔جو بائیڈن اس وقت صدارتی نامزدگی کے لیے ڈیمو کریٹک پارٹی کی پرائمری دوڑ میں نمایاں ہیں۔ اس سے پہلے وہ نامزدگی کی اس دوڑ میں مائیکل بلومبرگ سے بھی پیچھے تھے۔ مائیکل بلومبرگ نے اس صورت حال پر تبصرہ کرتے ہوئے کہا ہے کہ ’’ تین ماہ قبل ، میں ڈونلڈ ٹرمپ کو شکست دینے کی نیّت سے صدارتی انتخاب کی دوڑ میں شریک ہواتھا۔آج میں اسی بنا پر اس دوڑ سے دستبردار ہورہا ہوں کیونکہ مجھ پر یہ واضح ہوچکا ہے کہ اگر میں اس دوڑ میں شامل رہتا ہوں تو اس مقصد کا حصول زیادہ مشکل ہوجائے گا یعنی ڈونلڈ ٹرمپ کوشکست سے دوچار کرنا مشکل ہو سکتا ہ...

عالمی مالیاتی ادارے نے کورونا وائرس سے متاثرہ ممالک کے لیے 50 ارب ڈالرز کے فنڈز جاری کرنے کا اعلان کرتے ہوئے ساتھ ہی خبردار کیا ہےکہ وباء کی وجہ سے رواں سال عالمی معاشی ترقی گزشتہ سال کے مقابلے کم ہے۔آئی ایم ایف کا کہنا ہےکہ وہ متوسط، صحت کا کمزور نظام رکھنے والے اور کم آمدن والے ممالک کے لیے فنڈز کی دستیابی یقینی بنارہا ہے۔ مالیاتی ادارے کی جانب سے جاری کردہ ایک بیان میں مزید کہا گیا ہےکہ کورونا وائرس کے پھیلاؤ نے رواں سال مضبوط معاشی ترقی کی امیدوں کو ختم کردیا ہے جس کے باعث 2020 میں عالمی ترقی کی شرح 2008 کے معاشی بحران کے بعد کم ترین ہوگی۔ واضح رہے کہ چین کے صوبے ووہان سے پھیلنے والا کورونا وائرس اب تک 80 سے زائد ممالک کو اپنی لپیٹ میں لے چکا ہے جس سے دنیا بھر میں 3 ہزار سے زائد افراد ہلاک ہوچکے ہیں جب کہ 95 ہزار سے زائد متاثر ہیں۔...

یورپ میں مہاجرین کے ایک نئے بحران کا خدشہ ہے۔آسٹریا کے چانسلر سباستیان کُرس نے لزام عائد کیا ہے کہ ترکی اپنی سرحدوں کو مہاجرین کے لیے کھول کر یورپی یونین کو بلیک میل کر رہا ہے اور وہ اس کی سخت مذمت کرتے ہیں۔ جرمن چانسلر انجیلا میرکل نے بھی ترکی کے اس اقدام کو ’’ناقابل قبول‘‘ قرار دیا ۔ یورپی یونین کے مہاجرین کے امور کے کمشنر مارگاریٹس شناس نے کہا کہ کوئی بھی ’’یورپی یونین کو بلیک میل یا دھمکا نہیں سکتا۔‘‘ واضح رہے کہ رجب طیب ایردوآن نے شام کے شہر ادلب میں شامی افواج کے ساتھ جھڑپوں کے دوران یہ اقدام کیا، جس کے بعد انقرہ اور برسلز کے درمیان پناہ گزینوں کے تنازعے میں مزید شدت پیدا ہوئی۔ انسانی حقوق کی تنظیموں نے صورتحال مزید بگڑنے سے خبردار کرتے ہوئے کہا ہے کہ فوری کارروائی کے ذریعے ایک نئے انسانی بحران کو روکا جائے۔ یورپی یونین میں داخلے کے خواہش مند ہزارہا تارکین وطن یونانی سرحدی علا...

بھارتی حکومت کی جانب سے نافذ کیے جانے والے متنازع شہریت بل کے خلاف احتجاج کرنے والے مسلمانوں کوبھارتی حکومت کی ہلاشیری سے پولیس اور بی جے پی کے غنڈے مل کر جس قسم کے تشدد اور ظلم و بربریت کا نشانہ بنا رہے ہیں اس کے خلاف نہ صرف بھارت کے اندر سے بلکہ باہر سے بھی آوازیں اٹھ رہی ہیں ۔ ترکی، پاکستان اور انڈونیشیا کے بعد ایران ایسا چوتھا مسلم ملک ہے جس نے بھارتی دارالحکومت دہلی میں ہونے والے فسادات کے خلاف سخت الفاظ کا استعمال کیا ہے۔ ایران کے وزیر خارجہ جواد ظریف نے بھارتی ظلم کے خلاف اپنی ایک ٹویٹ میں لکھا کہ ’’ایران بھارتی مسلمانوں کے خلاف تشدد کی منظم لہر کی مذمت کرتا ہے۔ ایران صدیوں سے بھارت کا دوست رہا ہے۔ ہم بھارتی حکام پر زور دیتے ہیں کہ وہ بھارت کے تمام شہریوں کے تحفظ کو یقینی بنائے اور بے حس شرپسند عناصر کو غالب نہ آنے دیں۔ مستقبل کا راستہ پرامن بات چیت اور اور قانون کی حکمرانی...

جرمن چانسلر اینجلا میرکل نے کہا ہے کہ جرمنی میں ہر ایک کو یہ حق حاصل ہے کہ وہ خود کو محفوظ محسوس کرے۔ ان کا یہ بیان حالیہ شدت پسندانہ حملوں کے بعد نسل پرستی سے نمٹنے کے لیے کابینہ کے اراکین اور تارکین وطن کے گروپوں کے رہنماؤں سے ملاقات کے موقع پر سامنے آیا ۔ انجیلا میرکل نے پیر کے روز بات کرتے ہوئے کہا کہ نسل پرستی، اسلامو فوبیا اور سامیت مخالفت کے خلاف جرمنی کی کوششیں حکومت کے لیے 'انتہائی اہم معاملات‘ ہیں۔ ۔ حالیہ شدت پسندانہ حملوں کے تناظر میں ہونے والی اس ملاقات کا مقصد شہریوں کو دائیں بازو کی شدت پسندی سے محفوظ رکھنے کے طریقوں پر غور کرنا تھا۔ جرمن چانسلر کے مطابق ان کی حکومت گذششتہ برس جرمن شہر ہالے میں ایک شخص کے یہودیوں کی عبادت گاہ پرمسلح حملے کے بعد سےشدت پسندی سے نمٹنے کے لیے اقدامات کر چکی ہے ۔انھوں نے مزید کہا کہ جرمنی میں ہر شخص کو یہ حق حاصل ہے کہ وہ اپنے رنگ یا مذہب س...

گزشتہ روز قطر میں امریکہ اور طالبان کے مابین افغان امن معاہدے پر دستخط کی تقریب ہوئی تھی جس میں 50 ممالک کے سفرا اور دیگر اہم شخصیات نے شرکت کی تھی۔ امن معاہدے پر امریکہ کے معاون خصوصی برائے افغان امن عمل زالمے خلیل زاد اور طالبان کے سیاسی سربراہ ملا عبدالغنی برادر نے معاہدے پر دستخط کیے تھے اور اس موقع پر امریکہ کے سیکریٹری آف اسٹیٹ مائیک پومپیو بھی موجود تھے۔ معاہدے سے متعلق منعقدہ تقریب کے موقع پر ملا برادر نے ناروے، ترکی اور ازبکستان کے وزرائے خارجہ سے ملاقات کی تھی، اس کے علاوہ انہوں نے روس، انڈونیشیا اور دیگر پڑوسی ممالک کے سفرا سے بھی ملاقات کی تھی۔ چار صفحات پر مشتمل افغان امن معاہدہ 4 مرکزی حصوں پر مشتمل ہے۔ طالبان افغانستان کی سرزمین کسی بھی ایسی تنظیم، گروہ یا انفرادی شخص کو استعمال کرنے نہیں دیں گے جس سے امریکا یا اس کے اتحادیوں کو خطرہ ہوگا۔ افغانستان سے امریکی...