news

فرانس اورمغربی افریقی ممالک مشترکہ کرنسی سی ایف اے فرانک کا نام بدلنے پر راضی ہو گئے ہیں۔ فرانس اور مغربی افریقہ کی آٹھ ریاستوں کے مابین مشترکہ علاقائی کرنسی سی ایف اے فرانک کا نام بدل کر ’اِیکو‘ رکھ دینے پر اتفاق رائے ہو گیا ہے۔ یہ اعلان فرانسیسی صدر عمانوئیل میکرون کے آئیوری کوسٹ کے دورے کے دوران کیا گیا۔ واضح رہے کہ یہ فیصلہ مغربی افریقی اقتصادی اور مالیاتی برادری میں اصلاحات لاتے ہوئے کیا گیا ہے۔ یہ آٹھ ممالک آئیوری کوسٹ، مالی، نائجر، بنین، برکینا فاسو، گنی بساؤ، سینیگال اور ٹوگو ہیں۔ ےاد رہے کہ ان میں سے سات ریاستیں فرانس کی سابقہ مغربی افریقی نوآبادیاں ہیں۔ ان فرانسیسی نوآبادیوں میں یہ کرنسی انیس سو پینتالیس میں متعارف کرائی گئی تھی، جسے ان ریاستوں کی آزادی کے بعد سی ایف اے فرانک کا نام دے دیا گیا تھا۔...

بھارت میں متنازع شہریت ترمیمی قانون کے خلاف احتجاجی مظاہروں کا سلسلہ جاری ہے۔ بھارتی حکومت نے توڑ پھوڑ کا الزام لگا کر مظاہرین کی جائیدادیں ضبط کرنا شروع کردی ہیں۔ پولیس کی فائرنگ سے اب تک 26 افراد ہلاک اور سیکڑوں زخمی ہو چکے ہیں جبکہ سیکڑوں کو گرفتار کیا جا چکا ہے۔ معروف ادا کار جاوید جعفری نے کہا ہے کہ ملک میں لوگ بھوکے مر رہے ہیں اور مودی سرکار ہندوؤں اور مسلمانوں کوآپس میں لڑوا رہی ہے۔ واضح رہے کہ بھارت کے مختلف شہروں میں متنازع مسلم مخالف شہریت کے قانون کے خلاف مظاہرے جاری ہیں، کولکتہ، چنائے، پٹنہ، ممبئی اورلکھنؤ سمیت مختلف شہروں میں پولیس کی بھاری تعداد بھی احتجاج نہیں روک پائی۔ مظاہرین نے رکاوٹیں توڑ ڈالیں ،ہائی وےبلاک کر دی اور ریلوے لائن پر قبضہ کر لیا۔ مظاہروں میں طلبا اور سول سوسائٹی کے ہزاروں افراد کی شرکت جاری ہے۔ یاد رہے کہ ریاست کرناٹک کے شہر مینگلور میں بھی کرفیو ناف...

روس کے صدر ولادی میر پوتن نے سال کے اختتام پر براہ راست نشر کی جانے والی پریس کانفرنس میں اپنی دو بیٹیوں کی مبینہ شناخت کے بارے میں پوچھے گئے سوالات کا جواب دینے سے گریز کیا۔ یہ پریس کانفرنس تمام اہم ریاستی ٹی وی چینلز پر براہ راست نشر کی جا رہی تھی۔ اس پریس کانفرنس میں جب ان سے پوچھا گیا کہ وہ کب ان اطلاعات کی تصدیق کریں گے کہ ان کی دو بیٹیاں جن کی پہچان اور ان کے پیشہ کے بارے میں سرکاری طور پر کچھ نہیں بتایا جاتا اصل میں یکاترینا تیکونوا اور ماریا ورونٹسوا ہیں پوتن نے سوال کا جواب دینے کی بجائے کہا کہ ’آپ نے ایک کاروباری معاملے کے بارے میں بات کی۔ آپ نے ایک خاتون کا ذکر پھر دوسری خاتون کا ذکر کیا۔ آپ نے ان کے ذاتی شیئرز کا ذکر کیا۔ آپ نے ان کے کاروبار کی وسعت کی بات کی۔ لیکن آپ نے سب کچھ نہیں کہا، آپ نے تو صرف کچھ حقائق بیان کیے ۔ آپ ان کے کاروبار کے بارے میں مزید معلومات حاصل ک...

بھارت میں متنازع شہریت بل کے خلاف دس ریاستوں میں احتجاج ہوا۔ اس دوران پولیس نے طاقت کا بھرپور استعمال کیا اور فائرنگ کر کے تین شہریوں کو ہلاک اور درجنوں کو زخمی کر دیا۔ مسلمانوں کے ساتھ ساتھ دیگر اقلیتی شہری بھی سیخ پا ہیں۔ اس صورت حال کو آٹھ روز ہو چکے ہیں اور آج بھی صورتحال بے قابو ہے ۔ دہلی، کولکتہ، لکھنؤ، کرناٹک، حیدرآباد، اترپردیش، آسام، بہار ، بنگلور ، پٹنہ اور دیگر شہروں میں ہزاروں شہری احتجاج کے لیے سڑکوں پر نکل آئے۔ بھارتی پولیس نے احتجاج روکنے اور مظاہرین کو منتشر کرنے کے لیے واٹر کینن اور آنسو گیس کے شیل پھینکے۔مختلف ریاستوں میں کرفیو نافذ کر دیا۔ پولیس نے حالات پر قابو پانے کے لیے طاقت کا بھرپور استعمال کیا۔ بارہ سو سے زائد مظاہرین کو گرفتار کر لیا اور انٹرنیٹ اور ایس ایم سروس بند کر دی گئی۔ واضح رہے کہ مظاہروں اور احتجاج پر عائد پابندی کی خلاف ورزی پر حراست میں لیے گ...

نومبر 2020 میں ہونے والے امریکی انتخابات میں ٹرمپ کا مدمقابل کون ہو گا؟ ڈیمو کریٹک پارٹی کا آئندہ صدراتی امیدوار بننے کے لیے 7 ارکان کے درمیان مباحثہ ہوا۔ سابق نائب صدر جو بائیڈن، سینیٹر برنی سینڈر کے ہمراہ دیگرنوجوان اور خواتین امیدواروں کے درمیان ہیلتھ کئیر سے لے کر صدر ٹرمپ کے مواخذے تک اہم قومی مسائل پر خوب بحث ہوئی۔ یہ مباحثہ لاس اینجلس میں امریکی ٹی وی کے نیوز روم میں ہوا جہاں امریکہ میں ڈیموکریٹک صدارتی امیدواربننے کے لیے 7 خواہشمندوں کے درمیان بحث ہوئی جس کے دوران ہیلتھ کیئر اور دیگر مسائل زیربحث آئے۔ اس مباحثے میں سابق نائب صدر جوبائیڈن کو باقی شرکا پر تجربے کی بنا پربرتری حاصل رہی۔ بحث میں انہوں نے کہا کہ وہ صدراتی آفس کے وقار اورسالمیت کو بحال کریں گے۔ سینیٹر برنی سینڈر نے کہا کہ صدر ٹرمپ امریکی تاریخ کی بدعنوان ترین انتظامیہ کو چلا رہے ہیں۔ نوجوان اراکین نے قوی مسائل کے ...

مقبوضہ کشمیر کے علاقے سری نگر میں بھارتی فورسز نے دو صحافیوں کو اس وقت تشدد کا نشانہ بنایا جب وہ طلبہ کے احتجاج کی کوریج کررہے تھے ۔ ایک پولیس اہلکار نے ان کے موبائل فون بھی چھین لیے۔ تشدد کا نشانہ بننے والے صحافی اذان جاوید جب اسلامیہ کالج کے طلبہ کے احتجاج کی کوریج کے لیے پہنچے تواس وقت پولیس سڑک پر چند لڑکوں کو پیٹ رہی تھی۔ صحافیوں نے اپنے موبائل فونز سےتصاویر بنانا شروع کر دیں۔ اچانک پولیس افسر نے آزادی اظہار رائے کے عالمی قوانین کی خلاف ورزی کرتے ہوئے ان سے فون چھین لیا اور باقی پولیس والوں نے انہیں مارنا شروع کر دیا۔ واقعے کے خلاف کشمیر کی صحافتی تنظیموں نے سخت احتجاج کیا اور واقعے میں ملوث اہلکاروں کے خلاف کارروائی کا مطالبہ بھی کیا۔ ...

امریکی ایوان بالا نے خلائی فوج کی تیاری کے لیے دفاعی بجٹ کی منظوری دے دی ہے۔ امریکی ایوان بالا کی جانب سے منظور ہونے والے دفاعی بجٹ کا تخمینہ 738 ارب ڈالرز  ہے جس کے تحت خلائی فوج تیار کی جائے گی جب کہ افغانستان میں جنگ سے لے کر روس کے خلاف انٹیلی جنس کوششوں کو بڑھانے تک کئی فوجی سرگرمیوں کے لیے مالی اعانت بھی مل سکے گی۔ ایوانِ بالا کی جانب سے منظور ہونے والے دفاعی بجٹ میں  فوجیوں کی تنخواہوں میں 3.1 فیصد اضافہ کیا گیا ہے جب کہ تمام وفاقی ملازمین کے لیے پہلی بار چھٹیوں  پر معاوضہ دینے کا فیصلہ بھی کیا گیا ہے۔ اس کے ساتھ ساتھ روس جرمنی گیس پائپ لائن کی تعمیر پر پابندیاں عائد کرنے کی بھی منظوری دے دی ہے۔...

اسلام آباد کی خصوصی عدالت نے پاکستان کے سابق صدر جنرل پرویز مشرف کو سنگین غداری کیس میں سزائے موت کا حکم سنا دیا۔ مختصر فیصلے میں کہا گیا کہ پرویز مشرف نے 3 نومبر 2007 کو آئین پامال کیا اور ان پر آئین کے آرٹیکل 6  کو توڑنے کا جرم ثابت ہوتا ہے۔ چیف جسٹس پشاور ہائیکورٹ اور خصوصی عدالت کے سربراہ جسٹس وقار سیٹھ کی سربراہی میں 3 رکنی بینچ نے سابق صدر پرویز مشرف کے خلاف سنگین غداری کیس کی سماعت کی اورجسٹس سیٹھ وقار نے چار سطروں پر مشتمل مختصر فیصلہ پڑھ کر سنایا۔ تین رکنی بینچ میں سے دو ججز نے سزائے موت کے فیصلے کی حمایت کی جب کہ ایک جج نذر محمد اکبر نے فیصلے سے اختلاف کیا ہے۔ ماہرین قانون کا کہنا ہے کہ اس فیصلے کے خلاف اپیل صرف سپریم کورٹ میں اور تیس دن کے اندر اندردائر کی جا سکتی ہے جب کہ اپیل دائر کرنے کے لیے پرویز مشرف کا موجود ہونا ضروری ہے۔ واضح رہے کہ سابق حکمران جماعت پاکستان مسل...

امریکی محکمہ خارجہ کی جانب سے جاری کیے گئے بیان میں ترجمان مورگن آرٹیگس نے کہا ہے کہ امریکہ کی  بھارت میں شہریت ترمیمی ایکٹ سے متعلق حالات پر گہری نظر ہے ۔ ہم تمام  تر پیش رفت کو قریب سے دیکھ رہے ہیں۔ ترجمان امریکی محکمہ خارجہ کا کہنا تھا کہ مذہبی آزادی اوریکساں سلوک جمہوریت کے بنیادی اصول ہیں اس لیے بھارت آئین اور جمہوری اقدار کو مدنظر رکھتے ہوئے مذہبی اقلیتوں کے حقوق کا تحفظ کرے اور مظاہرین کے پُرامن احتجاج کے حق کا تحفظ اور احترام کیا جائے ۔ بھارتی مظاہرین سے بھی تشدد سے دور رہنے کی درخواست کی ہے۔  شہریت کے متنازع قانون کے خلاف بھارت کی مختلف ریاستوں اور شہروں میں مظاہرے جاری ہیں جب کہ پولیس کی جانب کریک ڈاؤن اور دہلی کی جامعہ ملیہ اسلامیہ میں طلبہ پر تشدد کے بعد صورتحال تشویشناک ہے۔ واضح رہے کہ چند دن پہلے بھارتی پارلیمنٹ کے ایوانِ زیریں میں وزیرِ داخلہ امیت شاہ کی جان...

یورپی یونین کے ایک تحقیقاتی ادارے نے سیکڑوں ایسی ویب سائٹس اور جعلی تنظیموں کے نیٹ ورک کی نشاندہی کی ہے جو یورپ میں پاکستان کے خلاف پروپیگنڈا میں ملوث ہیں۔ برسلز میں کام کرنے والی این جی او ای یو ڈس انفو لیب کی رپورٹ کے مطابق یہ نیٹ ورک 65 ملکوں میں 265 ویب سائٹس کے ذریعے پرانے اور غیر فعال یا جعلی ناموں کے اخبارات سے بے بنیاد خبریں پھیلاتی ہیں۔ ای یو ڈس انفو لیب کی تفصیلی تحقیقاتی رپورٹ بتایا گیا ہے کہ ان تنظیموں کا تعلق بھارت کے غیر معروف کاروباری ادارے سری واستوا گروپ سے جاملتا ہے جو کہ یورپ میں پاکستان مخالف پروگرام منعقد کر کے پاکستان مخالف پروپیگنڈا پھیلاتی ہیں۔ ای یو ڈس انفو لیب کے ایگزیکٹو ڈائریکٹر الیگزینڈر الافلیب نے بی بی سی کو بتایا ہے کہ جعلی میڈیا ہاؤسز کے جعلی این جی اوز کا ہونا پریشان کن ہے کیوں کہ یہ آن لائن اور گراس روٹ لیول پر انہیں اس مقصد کے لیے مدد فراہم ...