Author: مدیر

پاکستان اور دیگر مسلم ممالک کی مسلسل کوششوں اور دباؤ کے نتیجے میں بالآخر امریکہ نے افغانستان کے لیے انسانی امداد کی منتقلی کو کھول دیا ہے۔ امریکی وزارت مالیات نے افغانستان کو انسانی امداد کے لیے بھیجے گئے ڈالروں کی منتقلی کی اجازت دی ہے جس کے تحت خوراک، ادویات اور دیگر بنیادی انسانی ضروریات کو وقتی طور پر پورا کیا جا سکے گا۔ اجازت تفصیلی جانچ پڑتال اور احتساب کی شرط پر دی گئی ہے جس میں امارات اسلامیہ افغانستان کو آنے والی امداد اور اس کے اصراف کی مکمل تفصیل دینا ہوگی، اور یہ یقینی بنانا ہو گا کہ یہ رقم ریاست کے انتظامی امور سمیت کسی دوسرے کام میں استعمال نہ ہو۔ اس موقع پر امریکی اعلیٰ عہدے دار کا کہنا تھا کہ ڈالروں کی منتقلی کی اجازت افغان عوام کے لیے کی گئی ہے، تاکہ لوگوں کی بنیادی ضروریات مکمل ہو سکیں۔ اس سلسلے میں دو خصوصی لائسنس جاری کیے گئے ہیں جس کے تحت اقوام متحدہ، بین الاقو...

جاپان بحیرہ جنوبی چین میں امریکہ اور فرانس کے ساتھ بڑی فوجی مشقوں کی میزبانی کر رہا ہے۔ مشقوں کا آغاز 11 مئی سے ہو رہا ہے جس میں پہلی بار تینوں ممالک کی بحریہ اور فضائیہ چین کے خلاف طاقت کا مظاہرہ کریں گی۔ مشقوں کا اعلان جاپان کی زمینی دفاعی فوج کے سربراہ نے کیا، جس میں انکا کہنا تھا کہ فوج خطے میں اپنے اتحادیوں کے ساتھ عسکری قوت کا مظاہرہ کرے گی۔ اس موقع پر وزیر دفاع نوبؤ کِشی کا کہنا تھا کہ ہم مشقوں سے افواج کی فنی صلاحیت میں اضافہ کرنا چاہتے ہیں تاکہ وہ دور دراز کے جزائر کی بہتر انداز میں حفاظت کر سکیں۔ واضح رہے کہ مشرق بعید کے علاقے میں متعدد جزائر متنازعہ ہیں، جن پر خطے کے تقریباً ممالک دعویٰ رکھتے ہیں۔ اگرچہ یہ تنازعہ پرانا ہے لیکن چین اور امریکہ کے مابین جاری کشیدگی میں امریکہ خطے میں اپنے اتحادیوں کی مدد سے مسئلے کو ہوا دے رہا ہے۔ چین اور جاپان کے مابین متنازعہ جزائر، چین می...

پولینڈ کے دارالحکومت وارسا میں اسقاط حمل کے حق میں ہزاروں افراد نے مظاہرہ کیا ہے۔ مقامی میڈیا کے مطابق مظاہرہ پچھلی کئی دہائیوں میں ہونے والے مظاہروں میں سب سے بڑا تھا۔ مظاہرے میں دسیوں ہزار افراد نے شرکت کی اور اسقاط حمل پر پابندی کے ایک اہم عدالتی فیصلے کے خلاف ناراضگی کا اظہار کیا۔ اگرچہ مظاہرہ پر امن طور تھا تاہم اسقاط حمل کے مخالف گروہوں کی جانب سے نکالے جانے والے جلوس کے ساتھ جھڑپ کے خوف میں پولیس مظاہرین کے ساتھ موجود رہی۔ https://youtu.be/v9bEYH_k7Is روسی ویڈیو نشریاتی ادارے رپٹلی کے مطابق وارسا میں ہونے والا مظاہرہ اتنا بڑا تھا کہ ڈرون کیمرے سے بھی اسکی مکمل تصویر کشی نہیں کی جا سکی، مظاہرے میں شہریوں نے عدالتی فیصلے کے خلاف نعرےلگائے، اور اسے واپس لینے کا مطالبہ کیا۔ پولینڈ کی آئینی عدالت نے گزشتہ ماہ ایک اہم فیصلے میں ناگزیر حالات میں بھی اسقاط حمل کو غیر آئینی قرار...

امریکی صدارتی انتخابات جوں جوں نزدیک آرہے ہیں، امیدواروں میں سیاسی بیان بازی کے حملوں میں اضافہ ہو رہا ہے۔ ایسے میں صدر ٹرمپ اپنے مد مقابل صدارتی امیدوار جوبائیڈن کو شدت پسند بائیں بازو کی کٹھ پتلی کہہ کر چڑاتے نظر آرہے ہیں پر لگتا ہے کہ امریکی بائیں بازو کا حلقہ ان سے مطمئن نہیں ہے۔ حال ہی میں ڈیموکریٹ رہنما برنی سینڈر نے جماعت کے صدارتی امیدوار جو بائیڈن کے لیے شکایت اور مشورے سے لپا ہوا بیان جاری کیا ہے، سینڈر کا کہنا ہے کہ بائیڈن کو انتخابات کے لیے بائیں بازو کی حمایت جیتنے کی کوشش کرنی چاہیے، پر انکے اصرر کے باوجود بائیڈن کے کان پر جوں تک نہیں رینگ رہی۔ واضح رہے کہ برنی سینڈر لبرل نظریے کی حامل ڈیموکریٹ پارٹی کے شراکتی نظریات کے لیے معروف رہنما ہیں، اور انہوں نے صدارتی امیدوار کی حیثیت سے اپنی نامزدگی جوبائیڈن کے حق میں واپس لی تھی۔ صدر ٹرمپ اپنے انتخابی جلسوں میں اکثر کہتے نظ...

گزشتہ روز فیس بک نے ایک آن لائن بلاگ کے ذریعے خبر دی ہے کہ اس نے پاکستان سے چلائے جانے والے سینکڑوں ایسے فیس بک اور انسٹا گرام کھاتوں/اکاؤنٹ کو حذف کیا ہے جو اس کے خیال میں 'منظم و غیر مصدقہ' رویے کے مرتکب ہورہے تھے۔ بلاگ کے مطابق حذف کیے جانے والے کھاتوں میں 453 فیس بک کے کھاتے، 103 فیس بک صفحات، 78 فیس بک گروہ اور 107 انسٹا گرام کے کھاتے شامل ہیں۔ فیس بک کے مطابق حذف کیے جانے والے کھاتے/صفحات/گروہ پاکستان کے اندر سے کام کر رہے تھے، تاہم ان میں سے بعض فیس بک گروہ یہ تاثر دے رہے تھے کہ وہ ہندوستان سے چل رہے ہیں۔ بقول فیس بک حذف کیے جانے والے اکثر کھاتے ایسے بھی تھے جو ہندوستان سے چلائے جانے والے اسلام اور پاکستان مخالف کھاتوں اور صفحات سے متعلق فیس بک کو آگاہ کرتے تھے۔ یعنی وہ نفرت آمیز مواد شائع کرنے والے کھاتوں کی نشاندہی میں فیس بک کی مدد کر رہے تھے، تاہم فیس بک نے انہی...

خانہ جنگی سے شدید متاثر شمال افریقی ملک لیبیا کی صدارتی کونسل نے جنگ بندی کا اعلان کر دیا ہے۔ کئی سالوں سے بیرونی مداخلتوں اور اندرونی انتشار کے باعث لیبیا خانہ جنگی کا شکار تھا جس میں امریکہ، فرانس اور روس کے علاوہ خطے کے متعدد ممالک کی جانب سے بھی مفادات کے تحفظ کے لیے مداخلت کا سلسلہ جاری تھا۔ کچھ عرصہ سے دو بڑے گروہ سامنے آئے تھے جن میں سے ایک کو کسی حد تک عالمی برادری کا اعتماد حاصل تھا تاہم خطے کے دیگر ممالک خصوصاً عرب ممالک کی اور مقامی آبادی کی حمایت نہ ہونے کے باعث گروہ مظبوط حکومت بنانے میں ناکام رہا۔ دوسرے گروہ کو بظاہر عالمی برادری کا اعتماد تو حاصل نہ تھا تاہم خطے کے متعدد ممالک اور مقامی آبادی خصوصاً قبائل کے اعتماد کے باعث دونوں گروہوں میں مکمل طاقت کے لیے تگ و دو نے ملک کو خانہ جنگی میں دھکیل رکھا تھا۔ پہلے گروہ یعنی لیبیا کی صدارتی کونسل کے صدر فیض السراج عالم...

جنوبی ایشیا میں مودی کے ہندوستان کا تنہائی کی طرف سفر تیزی سے جاری ہے۔ خطے کے دیگر ممالک کے بعد بنگلہ دیش کی سرد مہری پر مودی سرکار سخت پریشان ہے اور تازہ اطلاعات کے مطابق وزیر اعظم حسینہ واجد سے ہندوستانی سفیر کی ملاقات کے لیے دی جانے والی درجنوں درخواستیں مسترد کی جا چکی ہیں۔ معروف بنگلہ دیشی اخبار بوریر کاغوج میں چھپنے والی تحریر کے مطابق 2019 میں دوبارہ منتخب ہونے کے بعد حسینہ واجد نے بنگلہ دیش میں ہندوستان کے متعدد منصوبوں کو روک رکھا ہے جبکہ پاکستان اور چین کے ساتھ تجارتی اور سرمایہ کاری کے منصوبوں پر تیزی سے کام ہو رہا ہے۔ اخبار کے مطابق صورتحال پر ہندوستان کی پریشانی دیدنی ہے، جسے سنبھالنے کے لیے ڈھاکہ میں ہندوستانی سفیر نے پچھلے چار ماہ میں حسینہ واجد سے ملنے کے لیے درجنوں درخواستیں دی ہیں تاہم انہیں وزیراعظم کے دفتر سے منظوری نہیں ملی۔ بنگالی اخبار لکھتا ہے کہ مودی ...

آج کل پاکستانی سماجی ذرائع ابلاغ خصوصاً ٹویٹر پر ریاستی عسکری ادارے خصوصاً اعلیٰ افسران کے خلاف دوبارہ ایک مہم جاری ہے۔ جس میں ادارے کے افسران کو دوران ملازمت اور بعد ازملازمت ملنے والی مراعات اور ان کا پرتعش رہن سہن زیر بحث ہے۔ بظاہر اس کے پیچھے وہ گروہ یا فکر کارفرما ہے جو عسکری ادارے کی جانب سے ملک کی سیاسی اور سماجی پالیسی سازی میں فوج کے کردار کی شدید ناقد ہے، اور اسے بظاہر مغربی جمہوری نظریے کی طرز پر ایک ادارہ دیکھنا چاہتی ہے۔ حالیہ مہم کا آغاز وزیر اعظم کے معاون خصوصی برائے اطلاعات عاصم باجوہ کے اثاثوں میں کراچی، لاہور اور اسلام آباد کے ڈی ایچ اور ملک میں دیگر مقامات پر کمرشل پلاٹوں، کئی ایکڑ زرعی زمین، گھر اور گاڑی جیسی تفصیلات سامنے آنے کے بعد شروع ہوئی۔ جس میں لوگوں کا کہنا ہے کہ پاک فوج کے افسران کو ملنے والی مراعات کا جائزہ لیا جائے۔ جس میں گفتگو کا بیانیہ یہ ہے کہ فوجی ...