Author: مخبر

فیس بک نے برما کی فوج کا مصدقہ نشریاتی صفحہ بند کر دیا ہے۔ فیس بک کا الزام ہے کہ صفحے سے تشدد پر اکسایا جا رہا تھا۔ یاد رہے کہ رواں ماہ کے آغاز میں برمی فوج نے منتخب حکومت کا تحتہ الٹتے ہوئے اقتدار پر قبضہ کر لیا تھا، جس کے خلاف شہریوں کا ایک حلقہ مسلسل احتجاج کر رہا ہے۔ اطلاعات کے مطابق مظاہرین کے خلاف طاقت کے استعمال میں اب تک دو شہریوں کی ہلاکت بھی ہو چکی ہے۔ فیس بک نے اپنے اقدام میں انہی ہلاکتوں اور صفحے پر شہریوں کو مظاہرے سے روکنے کا جواز بنا کر سرکاری فوج کے مصدقہ صفحے کو بند کیا ہے۔ فیس بک کا کہنا ہے کہ فوج کی ابلاغ عامہ کی ٹیم مسلسل فیس بک کی ہدایات کی خلاف ورزی کر رہی تھی، اسے تشدد پر اکسانے اور شہریوں کو نقصان میں معاونت پر بند کیا گیا ہے۔ یاد رہے کہ برما کی فوج عمومی طور پر تات مادو کے نام سے جانی جاتی ہے، جس نے یکم فروری کو آںگ سان سوچی کی حکومت کا تحتہ الٹتے ہوئے اق...

ہسپانوی پولیس نے کورونا تالہ بندی کی خلاف ورزی کرتے ہوئے دعوت اڑانے پر ایک گھر سے درجن سے زائد نوجوان گرفتار کر لیے ہیں، جنہیں انفرادی سطح پر 600 یورو کا جرمانہ کیا جائے گا۔ پولیس کے مطابق انہیں اطلاع ملی تھی کہ کچھ نوجوان لڑکے لڑکیاں تالہ بندی کی خلاف ورزی کرتے ہوئے دعوت اڑا رہے ہیں۔ پولیس موقع پر پہنچی تو منظر مزاح میں بدل گیا۔ کیونکہ دعوت اڑاتے نوجوان پولیس سے بچنے کے لیے ہر ممکن جگہ پہ چھپ گئے، کسی نے بستر میں پناہ لی تو کوئی الماری میں گھس گیا۔ https://youtu.be/9wG2lluiOkg ویڈیو مقامی سماجی میڈیا پر خوب نشر ہو رہی ہے اور صارفین اسے دعوت نہیں چھپن چھپائی کا کھیل قرار دے رہے ہیں۔ واضح رہے کہ ہسپانوی پولیس نے گزشتہ 5 ماہ میں 5600 سے زائد دعوتوں کا مزہ کرکرا کیا ہے...

امریکی صدر جوبائیڈن نے کورونا ویکسین کو لے کر افواہوں سے نمٹنے کے لیے سیلیکان ویلی کے ساتھ براہ راست خود کام کرنا شروع کر دیا ہے، جس کے باعث روایت پسند حلقے کی طرف سے لبرل سماجی میڈیا کمپنیوں کی جانب سے مزید سختی اور آواز بندی کے واقعات بڑھنے کے خدشے کا اظہار کیا جا رہا ہے۔ برطانوی نشریاتی ادارے سے گفتگو میں امریکی انتظامی اہلکار نے کہا ہے کہ غلط معلومات کے باعث تمام شہریوں کو ویکسین لگانے کا منصوبہ متاثر ہونے کا خدشہ ہے اس لیے اسکا رستہ روکنا ضروری ہے۔ ہم شہریوں کی غلط رہنمائی اور جھوٹی معلومات کے حوالے سے رہنمائی کرنا چاہتے ہیں۔ واضح رہے کہ سرائے ابیض اس سے قبل بھی ابلاغی ٹیکنالوجی کمپنیوں خصوصاً فیس بک اور ٹویٹر کے ساتھ مختلف معاملات میں کام کر چکا ہے تاہم صدر کی سطح پر براہ راست کام کی یہ پہلی مثال ہے۔ انتظامیہ کا کہنا ہے کہ وہ ابلاغی ٹیکنالوجی کمپنیوں کے ذریعے ویکسین کے خلاف مہم...

چین نے گزشتہ سال جون میں ہندوستان کے ساتھ سرحد پر ہوئی جھڑپ کی ویڈیو نشر کر دی ہے۔ چین کے قومی ذرائع ابلاغی ادارے پر نشر ویڈیو میں ہندوستانی سپاہیوں کو چینی چوکیوں کی طرف بڑھتے ہوئے دیکھا جا سکتا ہے۔ یاد رہے کہ ہمالیہ کی وادی گیلوان میں ہوئی جھڑپ میں 20 ہندوستانی فوجی مارے گئے تھے جبکہ چین نے اس حوالے سے اس وقت تفصیلی معلومات جاری نہیں کیں تھیں، البتہ اب ویڈیو نشر کرنے کے بعد چین نے 4 فوجیوں کی ہلاکت کی تصدیق کی ہے۔ https://youtu.be/KlrY0LmL2Ps

معروف سافٹ ویئر کمپنی مائیکروسافٹ کے بانی بل گیٹس کا کہنا ہے کہ سابق امریکی صدر ڈونلڈ ٹرمپ پر ٹویٹر کی مستقل پابندی درست نہیں اور انہیں سماجی میڈیا پر واپسی کی سہولت دے دینی چاہیے۔ امریکی میڈیا سے ہونے والی گفتگو میں بل گیٹس کا کہنا تھا کہ انہیں لگتا ہے کہ سابق صدر ٹرمپ کو جلد نہیں تو بدیر سماجی میڈیا پر واپسی کی اجازت مل جائے گی، لیکن انکی مقبولیت اور باتوں میں لوگوں کی دلچسپی پہلے جیسی نہیں رہے گی۔ واضح رہے کہ سافٹ ویئر کمپنی کے مالک اور ماضی میں دنیا کے امیر ترین شخص بل گیٹس اکثر صحت، زراعت، بیماریوں کی روک تھام کے اہم موضوعات پر بھی گفتگو کرتے رہتے ہیں، اگرچہ ان کے پاس ان میں سے کسی بھی شعبے میں سند نہیں تاہم انکی امارت اور مغربی لبرل میڈیا میں انکے اثرورسوخ کے باعث انکے تبصروں کو نمایاں جگہ دی جاتی ہے۔ گزشتہ کچھ عرصے سے بل گیٹس کا سیاسی موضوعات پر تبصروں کا سلسلہ بھی چل نکلا ہے...

روسی محکمہ صحت کے اہلکاروں نے دعویٰ کیا ہے کہ روسی کورونا ویکسین سپوتنک-5 اور ایپی ویک کورونا ویکسین، وائرس کی نئی برطانوی قسم کے خلاف بھی مؤثر ہے۔ اہلکاروں کا کہنا ہے کہ انہوں نے روسی ویکسین لگوانے والے شہریوں کے خون پر وائرس کی نئی قسم کے حملے کا معائنہ کیا ہے اور پایا ہے کہ ویکسین نئی قسم کے خلاف بھی مؤثر ہے اور مریضوں میں اس کے خلاف بھی اینٹی باڈی پیدا ہو رہی ہیں۔ یاد رہے کہ کورونا کی نئی برطانوی قسم کے بارے میں طبی ماہرین کا ماننا ہے کہ نئی برطانوی قسم پہلی قسم سے 8 گنا زیادہ خطرناک ہے۔ روس پوٹربنازور ایجنسی کا کہنا ہے کہ سپوتنک-5 اور ایپی ویک کورونا ویکسین برطانوی کورونا وائرس کے خلاف بھی اتنا ہی مؤثر ہے جتنا عمومی سارس-کوو-2 کے خلاف مؤثر تھا۔ یاد رہے کہ روسی صدر ولادیمیر پوتن نے مغربی یورپ میں کورونا کی نئی قسم کی وجہ سے بدتر صورتحال کے باعث محققین کو وائرس کی نئی قسم پر...

ہسپانیہ کے صوبے کاتالونیا میں گلوکار پیبلو حاصل کی گرفتاری کے خلاف شہریوں کی بڑی تعداد احتجاج کرنے سڑکوں پر نکل آئی ہے۔ https://twitter.com/Tonicanto1/status/1361762574514143239?s=20 مظاہرین کو منتشر کرنے کے لیے پولیس نے ربڑ کی گولیاں اور آنسو گیس کا استعمال کیا جس پر مظاہرین مشتعل ہو گئے اور ہنگامہ آرائی شروع ہو گئی۔ https://twitter.com/catalannews/status/1361772901540777985?s=20 https://twitter.com/davidmelero__/status/1361767881080508416?s=20 https://twitter.com/GeekIndignado/status/1361766587154526208?s=20 انتظامیہ نے گلوکار پیبلو حاصل کو ہسپانوی بادشاہ جوآن کارلوس اول اور شاہی خاندان کو چور کہنے پر گرفتار کر رکھا ہے۔ جس پر گلوکار کو نو ماہ قید کی سزا سنائی گئی تھی۔ پیبلو پر مزید الزام ہے کہ اس نے ماؤ گروہ کی ستائش کی اور ریاستی اداروں پر ملامت کی۔ پیبلو ک...

فرانسیسی پارلیمنٹ کے ایوان زیریں نے ملک میں اسلام کی تبلیغ روکنے کے قانون کی منظوری دے دی ہے۔ بروز منگل منظور کیے قانون میں مؤقف اختیار کیا گیا ہے کہ ملک کی لبرل اقدار کو بچانے کے لیے شدت پسند مذاہب کا رستہ روکنا ناگزیر تھا۔ قانونی مسودہ اب 30 مارچ کو سینٹ اجلاس میں پیش کیا جائے گا، اور امید کی جا رہی ہے کہ وہاں بھی اسے بلا مزاحمت منظوری مل جائے گی۔ فرانسیسی لبرل میڈیا نے مؤقف اختیار کیا ہے کہ قانون شدت پسند اسلام کے خلاف لایا گیا۔ تاہم یاد رہے کہ مسودے میں ایسی کوئی تفریق نہیں ہے۔ ملک میں موجود اسلامی حلقوں کا کہنا ہے کہ حکومت ملک میں مسلمانوں میں نئی تفریق کا پودا بو رہی ہے اور اسلام کو اپنے پسندیدہ رنگ میں ڈھالنے کی کوشش میں ہے۔ جو کوئی حکومتی اسلام سے متفق ہو گا صرف اسے سہولت دی جائے گی جبکہ باقی کو ہراساں کیا جائے گا۔ یاد رہے کہ فرانسیسی صدر میخرون اور انکی حکومت مسلسل اس...