Author: مخبر

امریکی صدر ڈونلڈ ٹرمپ کی انتخابی مہم کی انتطامیہ نے ریاست جارجیا میں ووٹوں کی تیسری بار گنتی کی درخواست جمع کروا دی ہے۔ درخواست میں ڈاک کے ذریعے آنے والے ووٹوں پہ دستخط کی تصدیق کی التجا کی گئی ہے۔ درخواست میں مؤقف اختیار کیا گیا ہے کہ انتخابی قوانین اور آئین کی مکمل پاسداری کی جائے، اور صرف قانونی ووٹوں کو ہی درست مانا جائے، ڈاک کے ذریعے آنے والے ووٹوں پر ووٹ ڈالنے والے کے دستخط کی تصدیق کے بغیر اسے جعلی تصور کیا جائے۔ ریاست کے سیکرٹری نے درخواست قبول کرتے ہوئے تمام سیاسی جماعتوں کے نمائندگان کو دوبارہ گنتی کے عمل کے شاہد بننے کے لیے خطوط لکھ دیے ہیں۔ سیکرٹری کے مطابق درخواست پر ووٹوں کی گنتی تو کی جائے گی لیکن دستخط کی تصدیق کا عمل نہیں ہو گا۔ ٹرمپ انتظامیہ اس پر کیا حکمت عملی اپنائے گی، ابھی سامنے آنا باقی ہے۔ ٹرمپ کی انتخابی ٹیم کا جارجیا میں دوسری بات گنتی کی درخواست د...

پاکستان کی وزیر برائے انسانی حقوق شیریں مزاری نے اپنے سماجی میڈیا کھاتے پر خصوصی پیغام میں فرانسیسی صدرایمینیوئل میخرون پر ملک کی مسلم آبادی سے ناروا سلوک پر احتجاج کیا ہے۔ شیریں مزاری کہنا تھا کہ میخرون فرانس میں مسلمانوں کے ساتھ ویسا ہی سلوک کر رہا ہے جیسا جرمنی میں نازی پارٹی نے یہودیوں کے ساتھ کیا۔ فرانس میں مسلمان بچوں کو خصوصی شناختی کارڈ دیے جانے کا منصوبہ بنایا گیا ہے، جیسے جرمنی میں یہودیوں کو خصوصی پیلا ستارہ پہننے کا حکم تھا، تاکہ انکی پہچان ہو سکے۔ https://twitter.com/ShireenMazari1/status/1330116822079856640 شیریں مزاری کی ٹویٹ کے ردعمل میں فرانسیسی سفارت خانے نے یورپی یونین کے دفتر خارجہ کے ترجمان کا ایک اشتعال انگیز جواب شائع کیا ہے۔ جواب میں عہدے دار نے پاکستانی وزیر کا نام لیے بغیر لکھا ہے کہ پاکستانی وزیر نے فرانس اور اسکے صدر کی توہین کی ہے، وزیر کا الزام جھوٹ ...

سابق برطانوی رکن پارلیمنٹ جارج گیلؤوے کا کہنا ہے کہ فوری ہنگامی اقدامات نہ کیے گئے توعالمی مالیاتی نظام عنقریب بُری طرح سے گِر سکتا ہے۔ رشیا ٹوڈے کے مالیاتی امور کے پروگرام قیئصر رپورٹ میں گفتگو کرتے ہوئے جارج گیلؤوے کا کہنا تھا کیونکہ دنیا میں اس وقت کرنسیوں کے پیچھے کسی قسم کے ٹھوس وسائل (سونا وغیرہ) موجود نہیں ہیں، یعنی موجودہ نوٹ ایک کاغذ کے ٹکرے کے سوا کچھ نہیں ہے، لہٰذا ایسے میں مرکزی بینکوں کا ان نوٹوں سے مارکیٹ میں سرمایہ کاری کرنا کسی بھی طرح عقلمندی نہیں ہے؟ ہم کاغذ کے ٹکروں کے بدلے باقائدہ خریدوفروخت کر رہے ہیں۔ جارج گیلؤوے کا مزید کہنا تھا کہ شدید مالیاتی دباؤ کے باعث ایران، وینزویلا اور دیگر ایسے ممالک جنہیں عالمی پابندیوں کی وجہ سے شدید مالیاتی بحران کا سامنا ہے، وہ جلد بٹ کوئن جیسی کرپٹو کرنسیوں کی طرف چلے جائیں گے۔ بٹ کوئن ان میں سے سب سے مؤثر لگتا ہے، کیونکہ کاغذ کے بی...

امریکی صدر ڈونلڈ ٹرمپ نے صحت کے شعبے میں نئی عوام دوست قانون سازی متعارف کی ہے۔ قانون سازی سے ادویات ساز کمپنیوں اور میڈیکل اسٹورمافیا کو بڑا دھچکا لگے گا۔نئے قانون کے تحت مفت حکومتی علاج کی سہولت کے تحت ادویات ساز کمپنیوں کو منہ مانگی قیمت کے بجائے اس دوائی کی مارکیٹ میں کم از کم قیمت کے تحت ادائیگی کی جائے گی۔ اس حوالے سے صدر ٹرمپ نے میڈیا سے گفتگو میں کہا کہ اب تک دوائیاں بنانے والی کمپنیوں کو منہ مانگی قیمت دی جاتی رہی ہے، جس کا بلاواسطہ بوجھ عوام پر مزید ٹیکسوں کی صورت میں پڑتا ہے۔ اس کے علاوہ دوائیوں کی خریداری میں کسی قسم کی بچت کے متعارف ہونے کی صورت میں بھی اسکا فائدہ ایجنٹوں یا میڈیکل اسٹوروں کے بجائے براہ راست عوام کو پہنچایا جائے گا۔ صدر ٹرمپ کا کہنا ہے کہ قانون سازی سے دوا خانوں کے ڈاکٹروں کو رشوت/کمیشن دینے اور خاص میڈیکل اسٹور سے خاص کمپنیوں کی ادویات خریدنے کی سف...

یورپی وزرائے دفاع کی آن لائن حساس مشترکہ ملاقات میں نیدرلینڈ کے صحافی کے اچانک داخلے نے حاضرین کو حیرانگی میں مبتلا کر دیا۔ رشیا ٹوڈے کے مطابق ویڈیو کانفرنس کا داخلی کوڈ/منتر غلطی سے نیدرلینڈ کے وزیر دفاع کے ٹویٹر کھاتے پر شائع ہو گیا، جسے دیکھ کر صحافی ڈینیئل ورلان وزراء کی بیٹھک میں گھس گئے۔ صورتحال پر پہلے تو سب حیران ہوئے پر صحافی کے انتہائی غیر رسمی رویے نے اکثر وزراء کو قہقے لگانے پر مجبور کر دیا، اور صورتحال سنجیدہ ہونے کے بجائے ایک تفریح بن گئی۔ https://twitter.com/mvanhulten/status/1329885925862760450?s=20 کانفرنس میں شریک تمام وزراء صورتحال سے خوش نہ تھےاور انہوں نے صحافی کو دھمکانے کی کوشش بھی کی۔...

فرانس کے دارالحکومت پیرس میں مظاہروں، ہنگاموں اور جلاؤ گھیراؤ کا سلسلہ جاری ہے۔ اب کی بار مظاہرین نے حکومت کے سکیورٹی کے نام پر شہریوں اور صحافیوں کی آزادی سلب کرنے کے نئے قانون کے خلاف احتجاج کیا ہے جس پر حسب معمول پولیس کے تشدد نے صورتحال کو مزید بگاڑ دیا ہے۔ https://twitter.com/CharlesBaudry/status/1330195905220407305 https://youtu.be/cZ2blZgo4ZY

لبنان کے مغربی شہر بابدا کی جیل سے 69 قیدی جیل توڑ کر فرار ہو گئے ہیں۔ پولیس کے مطابق انہوں نے 15 قیدیوں کو واپس پکڑ لیا گیا ہے جبکہ 2 نے خود حوالگی دے دی ہے۔ فرار ہونے کی کوشش میں پانچ قیدیوں کے ہلاک ہونے کی بھی اطلاعات ہے۔ پولیس کے مطابق ہلاک ہونے والے قیدی ایک چوری کی گاڑی میں بھاگ رہے تھے، اور پیچھے آتی پولیس کے خوف میں مبتلا ڈرائیور نے گاڑی ایک درخت سے جا ماری، جس سے سوار پانچ قیدی ہلاک اور ایک زخمی ہو گیا۔ پولیس کے مطابق حادثہ انتہائی ڈرامائی تھا، فرار قیدیوں کے ایک گروہ نے ایک راہ گیر سے گاڑی چھینی اور تیزی سے شہر کے باہر نکلنے کی کوشش کی، تاہم کچھ ہی فاصلے پر ڈرائیور نے گاڑی کا کنٹرول کھو دیا اور گاڑی سڑک کنارے درخت سے جا ٹکرائی، جس سے کار میں سوار پانچ قیدی ہلاک اور ایک زخمی ہو گیا۔ پولیس کے مطابق اب بھی 46 قیدی فرار ہیں، جن کی تفصیلات جیل حکام نے عوام کو دے دی ہیں اور کسی ...

محققین ویکسین بنانے کے نئے طریقے کے ذریعے ایچ آئی وی کے خلاف مصنوعی قوت مدافعت پیدا کرنے میں کامیاب ہو گئے ہیں۔ سائنسدانوں نے ایچ آئی وی سے متاثرہ مریضوں کے جسم سے بیمار خلیوں میں جنیاتی تبدیلی کر کے نئی دوا تیار کی ہے، جسے ایچ آئی وی کے خلاف زیادہ مؤثر اور دیر پا پایا گیا ہے۔ چوہوں پر کیے گئے تجربے میں مثبت نتائج برآمد ہوئے ہیں، جس سے محققین پرامید ہیں کہ وہ جلد نہ صرف پہلے سے بہتر ویکسین بلکہ بیماری کے خلاف مؤثر دوا تیار کرنے میں بھی کامیاب ہو جائیں گے۔ محققین کا کہنا ہے کہ انہوں نے یہ کامیابی مدافعاتی نظام کے بی خلیے کے جین کو نئے سرے سے ترتیب دے کر حاصل کی ہے۔ سی آر آئی ایس پی آر نامی تکنیک کے ذریعے مریضوں میں ایچ آئی وی کے خلاف اینٹی باڈی پیدا کی گئی ہے جو چند نایاب مریضوں میں پائی گئی تھی۔ تحقیق میں سامنے آیا ہے کہ جینیاتی ترتیب بدلنے سے نہ صرف ویکسین کی صلاحیت بڑھی ہے، ب...