Author: خبری

شام میں اسرائیل کے میزائل حملے میں تین شہری جاں بحق ہو گئے۔غیر ملکی خبر ایجنسی کے مطابق صہیونی فورسز نے دمشق کے مٖضافات میں دو قصبوں پر میزائل داغے، جہاں دو منزلہ عمارت منہدم ہوگئی، جس کے نتیجے میں 3 شہری جاں بحق متعدد زخمی ہوگئے۔شامی افواج کا کہنا ہے کہ فضائی دفاعی نظام نے متعدد صیہونی میزائل تباہ کردئے گئے ہیں۔ تفصیلات کے مطابق شام کی سرکاری نیوز ایجنسی سانا نے رپورٹ کیا کہ شامی فضائیہ کے جنگی طیاروں نے دمشق کے فضائی حدود کے اطراف میں اسرائیلی لڑاکا طیاروں کا مقابلہ کرتے ہوئے دشمن کے کئی میزائلوں کو زمین پر پہنچنے سے پہلے ہی ناکام بنا دیا۔شام کے سرکاری ٹی وی کے اعلان کے مطابق صیہونی ٹولے کے جنگی طیاروں نے دمشق پر میزائل فائر کرنے کے لئے لبنان کی فضائی حدود کو استعمال کیا تھا۔ صیہونی طیاروں نے دمشق کے مضافات میں رہائشی علاقوں پر میزائل فائر کئے جن میں تین عام شہری جاں بحق اور چ...

امریکی صدر ڈونلڈ ٹرمپ نے منگل کے روز اعلان کیا ہے کہ وہ چین پر کرونا کی وبا پھیلانے کے جرم میں ہرجانہ عاید کرنے پرغور کر رہےہیں۔ وائٹ ہائوس میں ایک پریس کانفرنس سے خطاب میں صدر ٹرمپ کا کہنا تھا کہ ہم 'کوویڈ ۔19' کے شکار ہونےوالے افراد کے علاج کے ساتھ ساتھ بہ تدریج معاشی سرگرمیوں کی اجازت دینے کے پروگرام پرعمل پیرا ہیں۔ انہوں نے چین کی طرف اشارہ کرتے ہوئے کہا کہ کسی ایک فریق کی خراب کار کردگی کے نتیجے میں پوری دنیا کو خمیازہ بھگتنا پڑ رہا ہے۔ العریبیہ ڈاٹ نیٹ کی ایک رپورٹ کے مطابق کرونا کے مریضوں کی تشخیص کے لیےکی جانے والی کوششوں کے بارے میں بات کرتے ہوئے صدر ٹرمپ نے کہا کہ امریکہ میں کسی بھی دوسرے ملک کی نسبت کئی گنا زیادہ ٹیسٹ لیے جا رہے ہیں۔ان کا کہنا تھا کہ بعض ممالک نے امریکہ میں اقتصادی سرگرمیوں کی بحالی کے پروگرام کے طریقہ کار کی جان کاری کے لیے رابطے کیے ہیں۔ انہوں نے مزید ک...

امریکی حزب اختلاف کی ڈیموکریٹک پارٹی کے چار سینیٹرز نے سات اپریل کوڈؤئچے بینک کے چیف ایگزیکیٹو آفیسر کو خط لکھ کر صدر ٹرمپ کے کاروباری لین دین سے متعلق تفصیلات مانگی تھیں۔امریکی سینیٹرز کے مطابق اس خط کا مقصد یہ جاننا تھا کہ بینک سے صدر ٹرمپ کو کون سے ذاتی فائدے ملتے رہے ہیں اور جواب میں ٹرمپ حکومت بینک کو کس قسم کی سہولیات دیتی رہی ہے۔ ڈی ڈبلیو کی ایک رپورٹ کے مطابق ان ڈیموکریٹک سینیٹرز میں رچرڈ بلومنتھال، شیروڈ براؤن، کرس فان ہولن اور ایلزبتھ وارن شامل ہیں۔ صدر ٹرمپ کے کاروبار اور پراپرٹی میں ڈوئچے بینک کو مرکزی حیثیت حاصل ہے۔ ان کے مخالفین کو خدشہ ہے کہ کورونا کے بحران کے دوران بینک نے صدر ٹرمپ کو قرضوں کی ادائیگی کے حوالے سے ترجیحی سہولیات دی ہیں۔ لیکن اطلاعات کے مطابق ڈوئچے بینک نے قانونی مجبوریوں کا جواز دے کر ان کی درخواست مسترد کر دی ہے۔ خبر رساں ادوارں روئٹرز اور بلومبرگ ...

بھارت میں مودی سرکار کی جانب سے مسلمانوں پرروا رکھے جانے والے ظلم و ستم پر عرب ملک کویت بھی بول اٹھا ہے۔ کویتی کابینہ نے اپنے جاری کردہ اعلامیے میں مسلمانوں پر ہونے والے تشدد کی شدید الفاظ میں مذمت کرتے ہوئے بھارتی مسلمانوں کے تحفظ کے لئے او آئی سی سے فوری مداخلت کی اپیل کر دی ہے۔ خیال رہے کہ بھارت میں ہر گزرتے دن کے ساتھ مسلمانوں کے خلاف مظالم میں مزید سے مزید تراضافہ ہو رہا ہے۔ مسلمانوں کو کبھی گاؤ ماتا کے نام پر قربان کیا جاتا ہے ،کبھی کورونا کے پھیلاؤ کا باعث قرار دے کر مارا جاتا ہے، تو کبھی ہندو عوام کو مسلم تاجروں سے خریداری سے روکا جاتا ہے۔ انتہا پسند ہندوؤں وں کی جانب سے ایسی ویڈیوز جاری کی جاتی ہیں جن میں شہریوں کو صرف ہندوؤں سے سبزی خریدنے کی ترغیب دی جاتی ہے۔ آگرہ میں مسلمان سبزی فروش کو انتہا پسندوں نے بد ترین تشدد کا نشانہ بنایا۔ ہندو انتہا پسند تنظیم آر ایس ایس غریب ...

کرونا کے بعد جلد ہی ایک اور مرض بھی تباہی مچانے والا ہے .عالمی ادارہ صحت (ڈبلیو ایچ او) کے سربراہ ڈاکٹرٹیڈروس نے خبردار کیا ہےنے خبردار کیا ہے کہ کورونا وائرس کے دوران افریقہ میں ملیریا سے دگنی اموات کا خدشہ ہے۔ تفصیلات کے مطابق ڈبلیو ایچ او کا کہنا ہے کہ رواں سال کیڑے مار ادویات کی فراہمی میں رکاوٹوں کی وجہ سے مچھروں کے کاٹنے سے ملیریا پھیل سکتا ہے۔اس سلسلے میں فوری اقدامات نہ کیے گئے تو براعظم افریقہ میں ملیریا سے پچھلے سال کی نسبت دگنی اموات واقع ہو سکتی ہیں۔ ڈبلیو ایچ او افریقہ کے ڈائریکٹر نے خدشہ ظاہر کیا ہے کہ رواں سال ‘سب صحارا’ افریقہ میں ملیریا سے ساڑھے 7 لاکھ سے زیادہ اموات ہو سکتی ہیں۔انہوں نے مزید کہا کہ یہ 2000 ء کے بعد ہونے والی سب سے زیادہ اموات ہوں گی۔ عالمی ادارۂ صحت کے سربراہ ٹیڈروس نے خبردار کیا ہے کہ اگرخسرہ اور پولیوکی ویکسین نہ لگائی گئیں تو یہ بیماریاں پھر ...

ايرانی پاسداران انقلاب کے سربراہ میجرجنرل حسین سلامی نےامریکہ کودھمکی دیتے ہوئے کہا کہ ایران اپنے بحری جہازوں کےلئے خطرہ بننے والے امريکی جہاز تباہ کردےگا۔ اطلاعات کےمطابق ایرانی کشتیوں کو تباہ کرنے کی امریکی صدرکی دھمکی پر ایران کا کہنا ہے کہ وہ بھی اپنے بحری جہازوں کے لیے خطرہ بننے والے امريکی جہاز تباہ کردے گا۔خیال رہے کہ گذشتہ روز امریکی صدر ڈونلڈ ٹرمپ نے ایک ٹوئٹ میں کہا تھا کہ انہوں نے امریکی بحریہ کو ہدایت کی ہےکہ اگر ایرانی جنگی کشتیاں امریکی جہازوں کو خوفزدہ کریں تو انہیں تباہ کردیا جائے۔ ايرانی پاسداران انقلاب کے سربراہ میجرجنرل حسین سلامی نے امریکی صدر ڈونلڈ ٹرمپ کے ٹؤیٹ پراپنے ردعمل میں کہا ہے کہ ہم امریکیوں پر واضح کردینا چاہتے ہیں کہ ہم پرعزم اورسنجیدہ ہیں، دشمن کی جانب سے کسی بھی ایکشن کا فوری ردعمل دیا جائے گا۔میجرجنرل حسین سلامی کا کہنا ہے کہ انہوں نے ایرانی کشتیوں کو ن...

امریکی وزیر خارجہ مائیک پومپیو نے چین سے مطالبہ کیا ہے کہ امریکہ کوحساس چینی حیاتیاتی تجربہ گاہوں تک رسائی دی جائے۔ مائیک پومپیو کے اس مطالبے کے بعد صورت حال کشیدہ ہو گئی ہے ۔ عالمی خبر رساں ادارے کے مطابق مائیک پومپو نے میڈیا سے بات کرتے ہوئے کہا کہ اس بات کا امکان مسترد نہیں کیا جاسکتا کہ کورونا وائرس چین کے شہر ووہان کی کسی لیبارٹری سے لیک ہوا ہو۔ یاد رہنا چاہیے کہ ووہان انسٹی ٹیوٹ آف وائرولوجی کے علاوہ بھی چین کی ایسی تجربہ گاہیں ہیں جو ابھی بھی فعال ہیں اور جہاں پیچیدہ جرثوموں پر تحقیق ہورہی ہے۔ مائیک پومپیو کا کہنا تھا کہ کورونا وائرس کے پھیلاؤ کے بعد دنیا کی سلامتی سے متعلق کئی تحفظات پیدا ہوگئے ہیں۔ اس لیے جس طرح جوہری تحقیق کے اداروں کی جانچ پڑتال کی جاتی ہے انہی بنیادوں پر حیاتیاتی تجربہ گاہوں میں احتیاطی اور حفظاتی اقدامات کو یقینی بنانے کے لیے ایسے معائنے ہونے چاہییں۔ ...

کورونا وائرس کی وبا کے باعث عالمی بینک نے بین الاقوامی سطح پر ترسیلات زر میں 20فصد کمی کا خدشہ ظاہر کرتے ہوئے جنوبی ایشیائی ممالک میں شرح 22 فی صد تک رہنے کی پیش گوئی کر دی ہے۔ عالمی بینک کا کہنا ہے کہ تیل کی قیمتوں میں کمی کے باعث خلیجی ممالک سے ترسیلات میں واضح کمی ہوگی جبکہ لاک ڈاون کی وجہ سے امریکہ، برطانیہ اور یورپی ممالک سے ترسیلات میں کمی کے خدشات ہیں۔ عالمی بینک کے مطابق عالمی سطح پر ترسیلات 20 فیصد کمی سے 445ارب ڈالر جبکہ جنوبی ایشیائی میں ترسیلات زر 22 فیصد کمی سے 109ارب ڈالر رہنے کا امکان ہے۔ عالمی بینک کا کہنا ہے کہ اینٹی منی لانڈرنگ قوانین میں سختی کے باعث ترسیلات کی خدمات میں اضافہ ہوگا۔ ساتھ ہی ان قوانین کی تبدیلی سے ترسیلات بھیجنے کی لاگت بڑھے گی ۔...

غیر ملکی خبر رساں ادارے ’اے ایف پی‘ کے مطابق طالبان کے سیاسی دفتر کے ترجمان سہیل شاہین نے افغان صدر اشرف غنی کی جنگ بندی کے حوالے سے اپیل کو مسترد کرتے ہوئے کہا ہے کہ امن معاہدے پر عمل درآمد اورطالبان قیدیوں کی رہائی میں تاخیر کی وجہ سے رمضان المبارک میں بھی حملے جاری رہیں گے واضح رہے کہ صدر اشرف غنی نے طالبان سے اپیل کی تھی کہ وہ رمضان کے مہینے میں ہتھیار ڈال دیں اور حملے کرنا بند کر دیں۔افغان طالبان کے ترجمان سہیل شاہین نے سماجی رابطے کی ویب سائٹ ٹویٹر پر ٹویٹ میں صدر غنی کی تجویز کو غیر معقول اور ناقابل قبول قرار دیتے ہوئے مسترد کر دیا ۔ سہیل شاہین کا مزید کہنا تھا کہ حکومت قیدیوں کی رہائی میں تاخیر سے ان کی جانیں خطرے میں ڈال رہی ہے، خاص طور پر جب کورونا وائرس کی وبا پھیلی ہوئی ہے۔ واضح رہے کہ امریکہ اور طالبان کے درمیان ہونے والے امن معاہدے کے مطابق قیدیوں کی رہائی کا عمل اب تک ...

دنیا بھر میں کورونا وائرس کے مریضوں کی تعداد 27 لاکھ سے بڑھ گئی ہے جبکہ ایک لاکھ 91 ہزارسے زائد اموات ہو چکی ہیں۔ ترکی ایک لاکھ کیسز والا ساتواں ملک بن گیا جبکہ جرمنی ایک لاکھ صحت یاب شہریوں والا پہلا ملک ہے۔ واضح رہے کہ پوری دنیا خطرناک وائرس کورونا کی لپیٹ میں ہے ۔ امریکہ کے بعد کورونا وائرس کے مریضوں کی سب سے بڑی تعداد اسپین میں ہے جہاں 2 لاکھ 13 ہزار سے زائد مریض سامنے آ چکے ہیں۔ اٹلی میں مریضوں کی تعداد ایک لاکھ 89 ہزار 973، فرانس میں ایک لاکھ 58 ہزار 183، جرمنی میں ایک لاکھ 53 ہزار 129، برطانیہ میں ایک لاکھ 38 ہزار 78 اور ترکی میں ایک لاکھ ایک ہزار 790 کورونا مریضوں کی تصدیق ہو چکی ہے۔ جاپان میں اٹلی کے کروز شپ سے 91 افراد میں کورونا وائرس کی تشخیص ہو گئی۔ چین میں گذشتہ ایک ہفتے سے کورونا سے کوئی ہلاکت نہیں ہوئی ہے۔انڈونیشیا نے آج سے جون تک فضائی اور بحری سفر پر پابندی عائد کر ...