Urdu

غیر ملکی خبر رساں ایجنسی روٹر کے مطابق یورپ ترکی پر پابندیاں لگانے جا رہا ہے ترکی جزیرہ سائپرس میں غیر قانونی ڈرلنگ کر کے تیل اور گیس نکال رہا ہے-لہٰذا یورپ انقرہ سے ہر قسم کے تعلقات اور فنڈنگ ختم کر دے گا- ترکی کی حکمران پارٹی کے ترجمان کا کہنا ہے کہ اگر یورپ ترکی پر پابندیاں لگاتا ہے تو یہ اس کی بہت بڑی غلطی ہو گی

روس امریکہ کے درمیانی مار کے میزائلوں کی تنصیب کے توڑ کے لئے تیار ہے-روسی نائب وزیر خارجہ سرگی ریبکوونے جمعرات کو لوئر چیمبر آف پارلیمینٹ سے خطاب کرتے ہوئے اس عزم کا اظہار کیا اور کہا کہ انٹرمیڈیٹ رینج نیوکلیئر فورسز (آئی این ایف) کے معاہدے کو برقرار رکھنے کے لئے ہم نے جو کچھ ممکن تھا سب کیا ہے. تا ہم اسٹریٹجک استحکام کو یقینی بنانے کے سلسلے میں دونوں طرف کے خدشات کوشفاف طریقے سے حل کرنے کے لئے ہماری کوششیں ناکام ہو گئی ہیں

امریکی جنگ سے تھک چکے ہیں-ایران کبھی بھی ہمارے لئے خطرہ نہیں رہا- دہشت گردی کے خلاف جنگ میں امریکہ گذشتہ دو عشروں میں چھے ٹریلین ڈالر جھونک چکا ہےاور 2019 کے اختتام تک ایسے فوجیوں کو بھی جنگ کے لئے منتخب کر لیا جائے گا جو افغانستان میں جنگ کے وقت پیدا بھی نہیں ہوئے تھے-ورجینیا سٹیٹ سینیٹر رچرڈ بلیک نے صدر ٹرمپ کو خبردار کرتے ہوئے کہا کہ وہ اور جان بولٹن  جنگی جنون میں مبتلا ہیں اور امریکہ کو ایران کے خلاف جنگ میں دھکیل رہے ہیں

ایک عوامی سروے کے مطابق لوگوں نے امریکی فوجیوں کے متعلق رائے دیتے ہوئے کہا کہ عام لوگوں کی طرح وہ بھی جنگی حقائق سے ناآشنا ہوتے ہیں اس لئے جنگ نہیں چاہتے- سروے میں عراق میں لڑی جانے والی جنگ کو لوگوں کی اکثریت نے غیر ضروری قرار دیتے ہوئے افغانستان  اور شام کی جنگ کو بھی بلا وجہ قرار دیا

اگر یورپ نے نیوکلیر ڈیل کے تحت کئے گئے اپنے وعدے پورے نہ کئے توتہران بھی اس سلسلے میں مضبوط اقدامات کرتے ہوئےجوہری وعدے توڑ دے گا ایران کےپارلیمینٹ برائے قومی سلامتی اور خارجہ پالیسی کمیشن کے چئیر مین مجتبیٰ ذوالنورنے مزید کہا کہ یورپی ممالک نے ساٹھ دن کے وقفے میں اپنے وعدے پورے نہیں کئے- نتیجتاً اب ایران اگلا مضبوط قدم اٹھائے گا-جبکہ ایران کے وزیر خارجہ جاوید ظریف نےجمعرات کے روز بات کرتے ہوئے کہا کہ امریکہ کی طرف سے عائد کردہ پابندیوں کے ہوتے ہوئے کسی بات چیت کی توقع نہیں  ...

صدر ڈونلڈ ٹرمپ کی طرف سے نامزد اہم مللٹری افسر جنرل ملی کا کہنا ہے کہ افغانستان میں جنگ کے خاتمے کے لئے ضروری ہے کہ طالبان سے بات چیت کے بعد بتدریج انخلا کی طرف بڑھا جائے-بغیر اس حکمت عملی کےافغانستان سے انخلا قبل از وقت ہو گا اورایک حربی غلطی بھی

ذرائع کے مطابق جبرالٹر پولیس نے ایرانی آئل ٹینکر ''گریس-1"کے کپتان اور چیف آفیسرکو گرفتار کر لیا- اس آئل ٹینکر کو برطانوی آبدوزوں اور مقامی پولیس نے پہلے سے گھیر رکھا تھا- جمعرات کے روزگرفتار شدہ دونوں افسران سے تفتیش بھی کی گئی-جبرالٹر پولیس نے جہاز کے اندر سے اہم دستاویزات اور الیکٹرونک آلات اپنے قبضے میں لے لئے

روسی چیف آف جنرل سٹاف ویلری گیراسیموونے بدھ کے روز نیٹو کے سپریم الائیڈ کمانڈر برائے یورپ ٹوڈ والٹر سے ملاقات کی-اس دوران انھوں نے یورپی اور عالمی سلامتی اور نیٹو اور روس کے درمیان ہونے والے تنازعات پر بات کی

برطانوی حکومت نے دعویٰ کیا ہے کہ ایران کے انقلابی محافظوں نے آبنائے ہرمز میں برطانوی آئل ٹینکر کا راستہ روکا-جبکہ ایران نے اس الزام کو مسترد کرتے ہعئے کہا ہے کہ ایرانی جنگی بحری جہاز اور کسی غیر ملکی جہاز کے درمیان کوئی حادثہ رونما نہیں ہوا-

ماسکو ہر سال اقوام متحدہ میں نازی ازم کے خلاف ایک قرارداد جمع کرواتا ہے اور ہر سال امریکہ اور یوکرین اس قرارداد کے خلاف حق رائے دہی استعمال کرتے ہیں- امریکہ کوچاہئے کہ وہ نازی شان وشوکت کے خلاف ماسکو کا ساتھ دے –روسی سفیر نے ان خیالات کا اظہارنیشنل انٹرسٹ میگزین کے لئے لکھے گئے ایک مضمون میں کیا-اناطولی انٹونوو نے مزید لکھا کہ'' ہم انسانی تاریخ کی اس خونی جنگ کا لقمہ بننے والوں کو کیسے بھول سکتے ہیں-اس جنگ میں صرف سوویت یونین کے ہی ستائیس ملین لوگ اپنی جانوں سے ہاتھ دھو بیٹھے تھے...