world عالمی خبریں

سعودی عرب کے ابہا ایئرپورٹ پر حوثی باغیوں کا راکٹ حملہ، 26 افراد زخمی ہوگئے۔ ترجمان سعودی اتحاد ترکی المالکی نے جاری بیان میں کہا ہے کہ حوثی باغیوں نے سعودی ایئرپورٹ ابہا کو راکٹ حملے سے نشانہ بنایا جس میں 26 افراد زخمی ہوگئے۔ ذرائع کے مطابق زخمیوں میں خواتین اور بچے شامل ہیں،8 زخمی اسپتال میں داخل ہیں ،جبکہ 18 زخمیوں کو طبی امداد کےبعد اسپتال سے رخصت کر دیا گیا ہے۔

ایران کے ساتھ کشیدگی کے تناظر میں امریکی صدر ٹرمپ نے سعودی عرب کو 8 ارب ڈالر کے ہتھیاروں کی فروخت کا فیصلہ کیا ہے۔ امریکی وزیر خارجہ مائیک پومپیو نے اس فروخت کے فیصلے کے متعلق کانگریس کی انتظامیہ کو مطلع کردیاہے،ان کا کہنا ہے کہ ایران کی اندرونی سرگرمیوں کے لیے ہتھیاروں کی فوری فروخت ضروری ہے۔ انہوں نے کہا کہ ایران کی سرگرمیاں مشرق وسطیٰ کے استحکام اور امریکی دفاع کے لیے خطرہ ہیں اور ایران کے مشرق وسطیٰ سمیت خلیج میں مزید رجحانات کو روکنے کے لیے جلد از جلد ہتھیاروں کی منتقلی کرنی ہوگی۔...

پینٹا گون کے خلیج میں تین جنگی جہاز بھیجنے کے بعد تہران کے فوجی اہلکار نے بیان دیا ھے کہ ایران امریکی جنگی جہازوں کے خلاف خفیہ ہتھیار استعمال کرنے کے لیے تیار ہے ایران کے فوجی کمانڈر کے مشیر جنرل مرتضیٰ قربانی نے خبردار کیا کہ واشنگٹن نے اگر تھوڑی سی حماقت کا ارتکاب کیا تو دو خفیہ ہتھیاروں کے ذریعے اسکے ان بحری جہازوں کو تیاروں اور عملے سمیت سمندر کے نچلے حصے میں غرق کر دیں گے

ایران کے صدر حسن روہانی نے واشنگٹن کے ساتھ جاری کشیدہ صورتِحال پر دو ٹوک مؤقف دے دیا۔ انکا کہنا ہے کہ ایران کسی بھی صورت امریکی دباؤ کے سامنے اپنی ملکی خودمختاری اور وقار پر سمجھوتہ نہیں کرے گا چاہے ایران پر بمباری ہی کیوں نہ کر دی جاۓ۔ روہانی نے 1980 کی دہائی میں ایرانی عراق جنگ کی یاد میں ایک تقریب کے دوران کہا کہ ایران کو اس وقت جس حملے کا خطرہ درپیش ہے وہ ماضی کے مقابلے میں کہیں زیادہ سنگین اور پیچیدہ ہے۔ تہران کے خلاف امریکی دباؤ مہم ایرانی عوام کی فلاح و بہبود اور زندگی کے معمولات پر حملہ ہے روہانی نے تقریب کے شرکاء سے کہا کہ ہمیں مزاحمت کی ضرورت ہے، تاکہ ہمارے دشمنوں کو معلوم ہو جاۓ کہ اگر وہ ہماری زمین پر بمباری کرتے ہیں، اور اگر ہمارے بچوں کو شدید زخمی، گرفتار یا شہید بھی کر دیں تو ہم اپنے ملک کی آزادی کے مقاصد اور اپنی آن بان پر حرف نہیں آنے دینگے روہانی نے کہا کہ خو...

انڈونیشیا میں صدارتی انتخابات کے نتائج کے اعلان کے بعد حالات بدستور کشیدہ ہیں، دارالحکومت جکارتہ کی سیکیورٹی کیلئے سڑکوں پر مزید فوجی نفری تعینات کردی گئی ہے، جھڑپوں میں 6 افراد ہلاک، 300 سے زائد گرفتاریاں ہوئی ہیں۔

جمعرات کے روز تہران میں موجود ایک سینئر سفارتکار نے ایران پہ زور دیا کہ وہ امریکہ کی یکطرفہ دستبرداری کے باوجود ایٹمی معاہدے کی پاسداری کرے۔ جرمن وزارتِ خارجہ کا کہنا ہے کہ سیاسی ڈائریکٹر جینس پلوٹنر نے ایران کے نائب وزیر خارجہ عباس ارغچی سے ملاقات کی ہے۔ یہ دورہ ایران کے ماہِ رواں کے آغاز میں کیے گئے اس اعلان کے بعد کیا گیا جس میں ایٹمی معاہدے کے باقی دستخط کنندگان ـ جرمنی،فرانس، برطانیہ، چین، اور روس ـ پر زور دیا گیا کہ ان کے پاس ایران کو امریکہ کی پابندیوں سے تحفظ فراہم کرنے کا منصوبہ بنانے کے لیے دو ماہ ہیں۔ برلن کی وزارت کا کہنا ہے کہ سفارتخانے کے پاس ایران کو معاہدے کی تعمیل جاری رکھنے پر مائل کرنے کا امکان روشن ہے۔ تاہم، جرمن سفارتکار نے یہ بھی خبردار کیا کہ کیسی بھی واقعہ یا غلط فہمی کی بنا پر صورتِحال میں خرابی پیدا ہو سکتی ہے۔...

عالمی ماہرین نے خبردار کیا ہے کہ اس صدی کے اختتام تک عالمی سمندر کی سطح دو میٹر تک بلند ہوسکتی ہے اور 180 ملین افراد بے گھر ہوسکتے ہیں۔ موسمی ماہرین نے نئی تحقیق میں سمندری سطح کی صورتحال پر اپنا جائزہ پیش کیا ہے جس کے مطابق گرین لینڈ اور انٹارکٹیکا میں موجود برف کے بڑے بڑے تودے سمندر کی سطح میں درجنوں میٹر تک اضافے کرنے کیلئے کافی ہیں۔ تحقیق کے مطابق بڑھتی ہوئی حدت کے باعث سمندر میں اضافے سے بھی پانی کی سطح بلند ہوسکتی ہے جس سے فرانس ،جرمنی ،اسپین ،برطانیہ کے رقبے جتنی زمین سمندر میں شامل ہو جائے گی...

عالمی ادارے کی ڈائریکٹر برائےتحقیقِ عدم ہتھیار ریناٹاڈان نے انتباہی بیان دیتے ہوئے کہا ہے کہ دوسری عالمی جنگ سے اب تک کےمقابلے میں اب جوہری جنگ کا خطرہ بڑھ گیا ہے۔ ریناٹاڈان نے مزید کہا کہ جوہری ہتھیار رکھنے والے تمام ممالک میں نیوکلیئر جدت کا پروگرام جاری ہے ہتھیاروں پر پابندی سے متعلق منظر نامہ تبدیل ہونے اور امریکہ چین کے مابین مسابقتی حکمتِ عملی جیسے عوامل اس خطرے کے پیچھے کارفرما ہیں۔