world عالمی خبریں

ایران نے ڈونلڈ ٹرامپ کی حالیہ دھمکیوں کا کرارا جواب دیتے ہوئے کہا ہے کہ امریکہ کی اقتصادی دہشت گردی اور ایرانی نسل کشی کی گیدڈ بھبکیاں ایران کا کچھ نہیں بگاڑ سکتیں کیوںکہ ایران نے ہمیشہ غیرملکی حملوں کا ڈٹ کر مقابلہ کیا ہے وزیر خارجہ محمد جاوید ظریف نے ٹویٹر پر بیان دیا کہ مریکی صدر کو وہ حاصل کرنے کی امید ہے جو سکندرِاعظم، چنگیز خان اور دیگر جارحیت پسند حاصل کرنے میں ناکام رہے۔ حال ہی میں ٹرمپ نے جلتی پر مزید تیل چھڑکتے ہوئے ٹویٹر پر لکھا کہ اگر ایران لڑنا چاہتا ہے تو یہ ایران کا سرکاری خاتمہ ہوگا...

رپورٹ کے مطابق امریکی ریاست اوکلاہوما سمیت نبراسکا، کینساس و دیگر مختلف ریاستوں میں بھی طوفانی بگولے دیکھے گئے جس کی وجہ سے کئی گاڑیاں اُلٹ گئیں، درجنوں درخت اکھڑ گئے، عمارتوں کو نقصان پہنچا ۔ مختلف حادثات میں درجنوں زخمی ہوئے جبکہ انتظامیہ نے شہر میں ایمرجنسی نافذ کردی ہے۔

مقامی ذرائع ابلاغ کی خبروں کے مطابق اہرامِ مصر کے قریب زیرِ تعمیر عجائب گھر کے نواح میں سیاحوں کی ایک بس کو دھماکے کا نشانہ بنایا گیا ہے۔ اندیشہ ظاہر کیا گیا ہے کہ کم از کم 12 افراد زخمی ہو گئے ہیں

ایرانی انقلابی گارڈز کے سربراہ نے دعوی کیا ہے کہ ایران امریکہ کے ساتھ جنگ نہیں کرنا چاہتا ہے۔ انہوں نے دعوی کیا ہے کہ واشنگٹن میں "تہران" سے مقابلہ کرنے کی قوت ارادی کم ہے فارس خبر ایجنسی کے مطابق، میجر جنرل حسین سلامی کا کہنا ہے کہ ہمارے اور ان کے درمیان فرق یہ ہے کہ وہ جنگ سے خوفزدہ ہیں اور اس کے لئے خواہش نہیں رکھتے ہیں ایرانی خلیج میں فوجی دستے بھیجنے کے واشنگٹن کے اعلامیے کے بعد جنرل سلامی نے امریکہ کے ساتھ بڑھتی کشیدگی کے بارے میں کئی بیانات بھی دیے ہیں۔ جنرل نے اس اقدام کو نفسیاتی جنگ قرار دیتے ہوئے کہا ہے کہ ایران خطے میں امریکی فوج کی موجودگی کا عادی ہو چکا ہے...

شامی فضائیہ نے اسرائیل کی جانب سے دمشق کے قریبی علاقوں کو نشانہ کے لیے فائر کیے گئے کئی میزائل مار گرانے کا دعویٰ کیا ہے۔ غیر ملکی خبر ایجنسی کے مطابق اسرائیل سے آنے والے کئی میزائلوں کے حملے ناکام بنا دیئے گئے ہیں جن میں کئی میزائلوں کو مار گرایا گیا ہے۔ شامی ذرائع کا کہنا ہے کہ جنوب مغرب میں کئی دھماکے ہوئے ہیں، اسرائیل کی جانب سے اکثر حزب الله کے ٹھکانوں کو نشانہ بنایا جاتا ہے۔

یورپی یونین نے صدر بشارالاسد کی شام کی حکومت کے خلاف پابندیاں ایک سال کے لیے برقرار رکھی ہیں یورپی یونین کے ہیڈکوارٹر نے جمعہ کو کہا ہے کہ اٹھائیس ملکوں نے شامی شہریوں پر جبری سلوک قائم رکھنے کی وجہ سے شامی حکومت اور اس کے حامیوں کے خلاف اپنے اقدامات کو برقرار رکھنے کا فیصلہ کیا ہے اس کا مطلب یہ ہے کہ 270 افراد اور 70 اداروں (کمپنیوں یا تنظیموں) پر سفری پابندیاں عائد ہوںگی اور انکے اثاثہ جات 20 جون، 2020 تک منجمد رہیںگے

بین الاقوامی خبر رساں ایجنسی کے مطابق الجزائر کے حالیہ متوقع صدارتی انتخاب ملتوی ہوسکتے ہیں. مظاہرین نے مسلسل تیرہویں جمعہ بھی سڑکوں پر آ کر اپنا احتجاج جاری رکھا۔ مسلسل دو دہائیوں تک اقتدار میں رہنے والے صدر عبدالعزیز بوتفلیکا گزشتہ مہینے اپنے عہدے سے دست بردار ہو گئے۔ لیکن سیاسی اصلاحات اور سابق صدر کے تمام اہلکاروں کو ہٹانے کے لۓ مظاہرے ابھی بھی جاری ہیں صدارتی انتخاب 4 جولائی کو شیڈول کیا گیا ہے ،تاہم، اس معاملے سے وابستہ ذرائع کا کہنا ہے کہ نقل وحرکت کو منظم رکھنے میں دشواری اورسڑکون پر سیاسی حریفوں کے مظاہروں کی وجہ سے ووٹ میں تاخیر ہو گی...

سعودی عرب کے وزیرِ تیل خالد بن عبدالعزیز الفلیح کے مطابق منگل کو صبح چھ سے آٹھ بجے کے درمیان ملک میں تیل نکالنے والے دو مراکز پر ڈرونز کے ذریعے حملے کیے گئے ہیں اور اس کے نتیجے میں ایک سٹیشن میں آگ بھی لگی ہے۔ تاہم آگ پر قابو پالیاگیا ہے۔ وزیر نے مزید بتایا کہ دھماکہ خیز مواد سے لیس ڈرونز سے ملک کے مشرقی علاقے سے مغربی علاقوں کو جانے والی پائپ لائنوں کو نشانہ بنایا گیا سعودی پریس ایجنسی کے مطابق سعودی کمپنی آرامکو نے اس واقعے کے بعد پائپ لائن میں تیل کی فراہمی بند کر دی ہے اور نقصانات کا جائزہ لیا جا رہا ہے تاہم وزیرِ تیل کا کہنا ہے کہ تیل کی پیداوار اور برآمد کا عمل متاثر نہیں ہوا ہے...

ٹرمپ انتظامیہ کے تحت بجٹ میں اضافے کے بعد ناسا نے اعلان کیا کہ 2024 میں اب تک کی پہلی امریکی خاتون اور پچھلی پانچ دہائیوں میں پہلے شخص کو چاند تک "آرٹیمس" نامی مشن پر بھیج دیا جائے گا اس مشن سے پچاس سال قبل اپالو مشن چاند پر بھیجا گیا تھا۔ اب تک چاند کی سطح پر اترنے والے بارہ افراد مرد تھے۔

غیر ملکی میڈیا کے مطابق مشرقی لندن کے علاقے سیون کنگز میں نماز تراویح کے وقت مسلح شخص نے مسجد میں گھس کر فائرنگ کی تاہم نمازیوں کے پیچھا کرنے پر حملہ آور فرار ہوگیا۔ واقعے کے بعد پولیس نے علاقے کو گھیرے میں لیکر حملہ آور کی تلاش شروع کردی جب کہ مسجد کے باہر پولیس کی بھاری نفری کو تعینات کردیا گیا ہے۔اسکاٹ لینڈ یارڈ کے مطابق واقعے کی جگہ سے شواہد اکھٹے کیے جارہے ہیں اور عینی شاہد کے بیانات بھی قلمبند کیے جارہے ہیں۔ واقعے کی مزید تحقیقات جاری ہیں۔...