پاکستان

پارلیمانِ پاکستان نے ایک بار پھر فرانسیسی سفیر کو ملک بدر کرنے کی قرارداد پر رائے دہی مؤخر کر دی ہے، بروز جمعہ پیش ہونے والی قرارداد کو دوسری بار مؤخر کیا گیا ہے، اسمبلی کے سربراہ نے قرارداد پر رائے دہی مؤخر کرنے کی وجہ اسمبلی ہال میں نعرے بازی اور ہنگامہ آرائی کو قرار دیا ہے۔ یاد رہے کہ قرارداد کو رواں ہفتے کے آغاز میں بھی اسمبلی میں پیش کیا گیا تھا۔ قرارداد کو دوبارہ کب پارلیمان میں پیش کیا جائے گا، ابھی اس حوالے سے کوئی اعلان سامنے نہیں آیا۔ قرارداد شدید عوامی احتجاج کے نتیجے میں طے پانے والے حکومتی اور لبیک یا رسول اللہ تحریک کے قائدین کے مابین معاہدے کے نتیجے میں پیش کی جانا تھی، جس کی وجہ فرانسیسی صدر ایمینیؤل میخرون کے محمدﷺ کی گستاخی میں بنے کاٹونوں کی حمایت کرنا تھا۔ وزیر داخلہ شیخ رشید احمد کا کہنا ہے کہ حکومت اور تحریک لبیک کے مابین اعتماد سازی ہو گئی ہے جبکہ سیاسی ح...

وزیر اعظم عمران خان نے ایک بار پھر مغربی ممالک سے مطالبہ کیا ہے کہ مسلمانوں کے خلاف نفرت پر بھی ایسے ہی پابندی لگائی جائے جیسے ہولوکاسٹ کے انکار پر عائد ہے۔ وزیراعظم پاکستان کا مطالبہ شدید عوامی مظاہروں کے پیش نظر سامنے آیا ہے، اگرچہ حالیہ مظاہرے حکومت کی وعدہ خلافی پر کیے جا رہے ہیں، جو چند ماہ قبل حکومت نے فرانس کی جانب سے گستاخی رسولﷺ پر مظاہرین سے جلد قانون سازی کر کے فرانس کے سفیر کو ملک بدر کر دینے اور اسکی اشیاء کی درآمد پر بھی پابندی لگانے کے حواے سے کیا تھا، تاہم حکومت نے وعدہ وفا نہ کیا جس پر مظاہرین دوبارہ سڑکوں پر نکل آئے ہیں۔ مغرب کے لیے پیغام میں وزیراعظم عمران خان کا مزید کہنا تھا کہ آزادی اظہار کے نام پر مغربی ممالک میں کچھ سیاستدان مسلمانوں کے خلاف بھرپور نفرت کا پرچار کرتے ہیں، اسے روکنا ہو گا۔ https://twitter.com/ImranKhanPTI/status/1383312105374322695?s=20 h...

پاکستان راہداری میں دلچسپی رکھتا ہے یا اسلحے میں یا اس کے علاوہ بھی کسی قسم کا تعاون چاہیے؟ روس تیار ہے: روسی وزیر خارجہ سرگئی لاوروو کا دورہ پاکستان میں اعلیٰ حکام کو صدر پوتن کا پیغام گزشتہ ہفتے نو سال بعد پاکستان کے دورے پر آئے روسی وزیر خارجہ سرگئی لاوروو نے پاکستانی حکام اعلیٰ کو صدر ولادیمیر پوتن کا خصوصی پیغام پہنچایا ہے۔ روسی وزیر خارجہ کا کہنا تھا کہ روس پاکستان کے ساتھ ہر طرح کے تعاون کے لیے تیار ہے، پاکستان کو کسی بھی چیز کی ضرورت ہے، روس اس کے لیے تیار ہے۔ پاکستانی میڈیا میں ان خبروں کا دعویٰ ان اشخاص کے حوالے سے کیا جا رہا ہے جو اعلیٰ سطحی ملاقاتوں میں شریک تھے۔ خبر دینے والے صحافی نے پاکستانی انتظامیہ کے حوالے سے نام عیاں نہ کرنے کی شرط پر مزید کہا ہے کہ پاکستان پیشکش کو دستخط شدہ کورے چیک کے طور پر دیکھ رہا ہے۔ ذرائع کے مطابق روسی وزیر خارجہ نے گیس پائپ لائن، راہدا...

روسی وزیر خارجہ سرگئی لاوروودو روزہ دورے پر پاکستان آئے ہیں۔ اسلام آباد ہوائی اڈے پر پاکستانی وزیر خارجہ شاہ محمود قریشی نے مہمان وزیر کا استقبال کیا۔ دورے میں روسی وزیر خارجہ وزیراعظم عمران خان، سپہ سالار قمر جاوید باجوہ سے بھی ملاقاتیں کریں گے۔ سرگئی لاوروو کے ساتھ افغان امن عمل کے لیے نامزد روسی وفد بھی پاکستان آیا ہے۔ https://twitter.com/ForeignOfficePk/status/1379423782482288645 https://twitter.com/OfficialDGISPR/status/1379776292422213636?s=20 واضح رہے کہ روسی وزیر خارجہ دہلی سے اسلام آباد پہنچے ہیں، جس پر ماہرین کا کہنا ہے کہ روس نے ہندوستان کے امریکہ کے ساتھ بڑھتے تعلقات کا جواب دیا ہے اور تاثر دیا ہے کہ جنوبی ایشیا میں اب ہندوستان اکیلا روس کا اتحادی نہیں ہے۔ دوسری طرف امریکہ کی بھی روسی عہدے دار کے دورے پر کڑی نظر ہے، امریکی میڈیا میں یہ تاثر دینے کی کوشش کی جا رہ...

ہندوستان نے دنیا کے بلند ترین ریلوے پل چناب ریلوے پل کا بنیادی سٹیل ڈھانچہ مکمل کر لیا ہے۔ وزارت ریلوے کے مطابق پل 2022 تک مکمل کر کے استعمال کے لیے کھول دیا جائے گا۔ وزارت ریلوے نے سرکاری بیان میں کہا ہے کہ دریائے چناب پر سٹیل ڈھانچہ کھڑا کرنا سب سے زیادہ مشکل کام تھا، آئندہ سال تک پل مکمل ہو کر کترا سے بنیہال کا 111 کلومیٹر لمبا سفر انتہائی مختصر رہ جائے گا۔ واضح رہے کہ ابھی دونوں شہروں کے درمیان سفر کے لیے 12 گھنٹے سے زیادہ وقت درکار ہوتا ہے، جو اس پل کے مکمل ہونے سے 6 گھنٹے تک سکڑ جائے گا۔ یاد رہے کہ منصوبے کی تکمیل سے ہندوستان کی مقبوضہ کشمیر میں رسد کی رفتار مزید بڑھ جائے گی۔ انجینئروں نے سٹیل کا آخری 5 اعشاریہ 6 میٹر لمبا ٹکرا کل نصب کیا تھا، جس سے چناب کے دونوں کناروں کو آپس میں ملا دیا گیا۔ پل کی دریا سے اونچائی 359 میٹر بتائی جا رہی ہے، جبکہ اسکی لمبائی سوا کلومیٹر سے کچ...

وزیراعظم پاکستان عمران خان اور انکی اہلیہ بشریٰ بی بی میں کووڈ-19 کا ٹیسٹ مثبت آیا ہے۔ یاد رہے کہ عمران خان میں کووڈ-19 کے شکار ہونے کا اعلان انہیں ویکسین لگانے کے دو دن بعد سامنے آیا ہے۔ ملک کے وزیر برائے صحت فیصل سلطان نے وزیراعظم کے کووڈ-19 سے متاثر اور قرنطینہ میں جانے کی اطلاع دی۔ https://twitter.com/fslsltn/status/1373204642734223361?s=20 تاہم اطلاعات کے مطابق وزیراعظم میں علامات شدید نہیں ہیں اور وہ گھر سے دفتری کاموں کو جاری رکھیں گے۔

گزشتہ ماہ لاہور چڑیا گھر میں ہلاک ہونے والے دو سفید شیروں کی موت کی وجہ سامنے آگئی ہے۔ تحقیق میں پتہ چلا ہے کہ دونوں بچوں کے پھیپھرے تباہ ہو چکے تھے اور ممکنہ طور پر وہ کورونا سے متاثر ہوئے تھے۔ ابتدائی طور پر کہا جا رہا ہے کہ کورونا ان تک انکی دیکھ بھال کرنے والے افراد کے ذریعے پہنچا۔ تحقیق سے پہلے اندازہ لگایا جا رہا تھا کہ ممکنہ طور پر انکی موت فیلائن پینلیوکوپینیا کے باعث ہوئی، جو کہ بلیوں کے کاندان سے تعلق رکھنے والے جانوروں میں مدافعتی نظام کو نشانہ بناتی ہے۔ تاہم طبی معائنے میں سامنے آیا ہے کہ دونوں شیر خوار شیروں کے پھیپھرے بری طرح تباہ ہو چکے تھے۔ جس سے محققین نے اندازہ لگایا کہ یہ کورونا وائرس سے متاثر تھے۔ چڑیا گھر کے طبی عملے نے باقی جانوروں کا ابھی معائنہ نہیں کیا تاہم عملے میں کورونا کی تصدیق ہوئی ہے۔ طبی عملے میں شامل ڈاکٹر کرن سلیم کا کہنا ہے کہ پورے عملے میں سے ...

پاکستان انٹرنیشنل ایئرلائن کے دو پائلٹوں نے پاکستان کی فضاؤں میں اڑن طشتری دیکھنے کا دعویٰ کیا ہے۔ 23 جنوری 2021 کو شام 4 بجے کراچی سے لاہور کی پرواز کی اڑان کے دوران پائلٹوں نے آسمان پر تیز چمکتی شے دیکھی اور اسکی فوری ویڈیو بنالی۔ اطلاعات کے مطابق پاکستان ایئر لائن کا طیارہ اس وقت 35 ہزار فٹ کی بلندی پر پنجاب کے شہر رحیم یار خان کے اوپر سے اڑ رہا تھا، مطلع بالکل صاف تھا اور تیز روشنی کے باوجود اڑن طشتری کو واضح طور پر دیکھا جا سکتا تھا۔ https://youtu.be/V6okTYZVGFY عملے نے فوری طور پر اڑن طشتری کی اطلاع لاہور میں ایوی ایشن کو دی۔ پاکستان فضائی تحقیق کا ادارہ معاملے کی جانچ کر رہا ہے کہ چمکتی شے کسی دوسری مخلوق کی اڑن طشتری تھی یا کچھ اور؟...