Author: مخبر

حال ہی میں امریکہ بھر میں ایندھن کی ترسیل کی سب سے بڑی کمپنی پر سائبر حملہ ہوا ہے، جس نے کمپنی کے کام کاج کو مکمل طور پر روک دیا ہے۔ تاہم امریکی صدر نے ایک بیان میں بتایا کہ اس حملے میں روس کا کوئی عمل دخل نہیں، لیکن ان پر "کچھ ذمہ داری" ضرور عائد ہوتی ہے۔ جمعہ کے روز ہوئے رینسام وئیر حملے نے  امریکہ کے مشرقی ساحل کو پٹرول اور ڈیزل فراہم کرنے والی5500 میل وسیع نیٹ ورک کو بند کردیا۔ یہ لائن روزانہ کی بنیاد پر ٹیکساس سے نیویارک تک تقریباً 100 گیلن ایندھن کی ترسیل کرتی ہے۔  بائیڈن انتظامیہ ہنگامی اختیارات کا استعمال کرتے ہوئے اضافی ٹرکوں کے ذریعے ایندھن کی ترسیل کو جاری رکھنے کی کوششوں میں  مصروف ہے۔ پیر کے روز حملے سے متعلق ذرائع ابلاغ سے بات کرتے ہوئے انہوں نے جاسوس اداروں کا حوالہ دیتے ہوئے کہا کہ اگرچہ انہیں اس سائبر حملے میں روس کے ملوث ہونے کے ثبوت نہیں ملے لیکن اس ...

عالمی ادارہ صحت (ڈبلیو ایچ او) کو پیش کی جانے والی تازہ ترین صورتحال کی رپورٹ کے مطابق، شمالی کوریا کے سرکاری عہدیداروں نے ایک سال کے دوران کوئی بھی کورونا کا مریض موجود نہ ہونے کا دعویٰ کیا ہے۔ شمالی کوریا دنیا کے ان چند ممالک میں سے ایک ہے جنہوں نے اب تک کووڈ 19 کا ایک بھی واقعہ درج نہیں کیا ہے، حالانکہ اس وبائی مرض کے آغاز سے اب تک دنیا بھر میں 15 کروڑ 90 لاکھ سے زائد افراد متاثر ہوئے ہیں۔ عالمی ادارہ صحت کی تازہ ترین رپورٹ سے پتہ چلتا ہے کہ الگ تھلگ رہنے والے ملک کی صورتحال، جو کرونا بحران کے دوران اور بھی الگ تھلگ ہوا، بالکل بھی متاثر نہیں ہوا۔ اپریل کے آخری ہفتے میں شمالی کوریا میں 751 افراد کا ٹیسٹ کیا گیا، ان میں سے 139 میں کورونا وائرس جیسی علامات ظاہر ہوئیں، لیکن یہ خوفناک وائرس کی بجائے انفلوئنزا جیسی بیماری یا تنفس کی شدید بیماری ثابت ہوئی۔ مغربی ممالک اور خطے میں امریکی&...

بائیپارٹیزن پالیسی مرکز (بی پی سی) کی ایک رپورٹ میں سامنے آیا ہے کہ امریکی وفاقی حکومت یکم اکتوبر 2021 تک قرض لینے کی ملکی حد پار کرے گی، یعنی اسکے قرضے ملکی خزانے سے بڑھ جائیں گے اور حکومت اپنی ادائیگیاں طے کردہ وقت پر پوری طرح ادا نہیں کر پائے گی۔ واشنگٹن ڈی سی میں قائم تحقیقاتی ادارے کے اقتصادی پالیسی کے ڈائریکٹر، شائی اکاباس کے مطابق امریکی خزانہ ممکنہ طور پر مالی سال 2022 کے آغاز تک ایکس ڈیٹ میں آجائے گا، یعنی امریکی وفاقی حکومت اپنے معمولات کی ادائیگی وعدے کے مطابق نہیں کر سکے گی۔ انہوں نے کہا کہ فوری مسئلے کے حل کے لیے ممکنہ طور پر کانگریس آئندہ قرضوں کی ادائیگی کے لیے مختص رقم کو استعمال کرے یا پھر زیر گردش قرضوں کے بوجھ سے نمٹنے کے لیے قانون میں طویل مدتی اصلاحات پیش کرے۔  انہوں نے خبردار کیا کہ کورونا وباء رواں مالی سال کے قرض کی ادائیگی میں شدید غیر یقینیت پیدا کرد...

امریکہ میں ایک تازہ سروے رپورٹ میں انکشاف ہوا ہے کہ گزشتہ سال امریکی نوجوانوں میں اسلحہ خریدنے کے رحجان میں 35 فیصد کا حد درجہ اضافہ ہوا ہے۔ شہریوں کا کہنا ہے کہ وہ ایسا ملک میں بگڑتے حالات اور بڑھتے دھنگے فساد کے پیش نظر کر رہے ہیں۔ راسموسن کی جائزہ رپورٹ ملک میں بڑھتے فائرنگ کے واقعات کے پیش نظر مرتب کی گئی ہے جسے امریکہ میں بندوق مخالف لابی کے ڈیموکریٹ ارکان کانگریس نے صدر جوبائیڈن کو اسلحے پر پابندی لگانے کے لیے جواز کے طور پر پیش کیا ہے۔ راسموسن کا کہنا ہے کہ انکی رپورٹ میں شامل اعدادوشمار ایف بی آئی کے ڈیٹا پر مبنی ہے۔ گذشتہ سال امریکہ میں 3 کروڑ 97 لاکھ نئی بندوقیں خریدی گئیں، جو 2019 کے مقابلے میں 40 فیصد زیادہ ہیں۔ رپورٹ میں مزید کہا گیا ہے کہ اس وقت ملک میں اسلحہ خریدنے کا رحجان اس قدر زیادہ ہے کہ گولیوں کی قلت پیدا ہوگئی ہے، عوامی سروے کے مطابق تقریباً نصف آبادی کو شکای...

اسکاٹ لینڈ کی وزیراعلیٰ نیکولا اسٹرجن نے ایک بار پھر خودمختاری کے لیے استصواب رائے کروانے کے ارادے کا اظہار کیا ہے۔ بروز اتوار بی بی سی سے گفتگو میں سٹرجن کا کہنا تھا کہ چاہے لندن کچھ بھی کہے لیکن وہ اسکاٹ لینڈ کی آزادی و خود مختاری کے لیے سنجیدہ ہیں اور اب اکثریتی حکومت بنانے کے بعد وہ اس قدام کو ضرور اٹھائیں گی۔ واضح رہے کہ اسٹرجن کی اسکاٹش نیشنل پارٹی مقامی انتخابات میں سادہ اکثریت حاصل کرنے میں تقریباً کامیاب ہو گئی ہیں، انہیں 129 کے ایوان میں 65 نشستیں درکار تھیں اور وہ 64 نشستیں حاصل کرنے میں کامیاب رہے ہیں، جبکہ انکی اتحادی جماعت اسکاٹش گرین پارٹی کو 8 نشستوں پہ کامیابی حاصل ہوئی ہے۔ بی بی سی سے گفتگو میں اسٹرجن کا مزید کہنا تھا کہ وہ اسکاٹ لینڈ کی آزادی کے لیے پرامید ہیں، یہ عوامی مطالبہ ہے لہٰذا برطانوی سامراج کا اسے روکنے کے لیے عدالت جانا انتہائی بے ہودہ اور اشتعال انگیز...

امریکہ کے دنیا بھر میں امدادی کاروائیوں کے نام پر اپنی تنظیموں کے ذریعے غیر پسندیدہ حکومتوں کو متاثر کرنے حتیٰ کہ گرانے کے اعتراف کی ایک رپورٹ منظر عام پر آئی ہے۔ یو ایس ایڈ (یو ایس اے آئی ڈی) نامی بین الاقوامی امریکی امدادی تنظیم کی جانب سے ویزوویلا میں تنظیمی کارکردگی پر مرتب رپورٹ میں باقائدہ اعتراف سامنے آیا ہے کہ تنظیم امدادی کاروائی کے نام پر حکومتی عمل میں رخنہ اندازی کرتی رہی ہے۔ تنظیم کے اعلیٰ عہدے دار نے متذکرہ رپورٹ میں واضح لکھا ہے کہ وہ امریکی محکمہ خارجہ اور قومی سلامتی کونسل کے احکامات کی تعمیل کرتے رہے ہیں، جس کا براہ راست اثر تنظیم کی امدادی کاروائیوں پر بھی پڑتا رہا ہے۔ دوسرے الفاظ میں تنظیم اعتراف کر رہی ہے کہ وہ دراصل سی آئی اے کا ہی ایک حصہ ہے، جو بظاہر اچھے کاموں کے نام ہر سیاسی مقاصد حاصل کرنے میں امریکہ کی مدد کرتی ہے۔ رپورٹ میں اعتراف کیا گیا ہے کہ جنوری 2...

افغانستان کے دارالحکومت کابل میں اسکول پر حملے میں جاں بحق ہونے والوں کی تعداد 70 سے بڑھ گئی ہے جبکہ 165 زخمی ہیں، کچھ زخمیوں کی حالت تشویشناک بتائی جا رہی ہے جس کے باعث ہلاکتوں میں مزید اضافے کا خدشہ ہے۔ انتظامیہ کو بری طرح متاثر لاشوں کی شناخت میں دشواری کا سامنا ہے۔ پہلے پہل راکٹ حملے سے بتائے گئے دھماکے دراصل کار بم دھماکہ تھا، جس نے دارالحکومت کے مغربی حصے میں واقع سید الشہداء اسکول کو ہلا کر رکھ دیا، حملہ ہفتے کے روز چھٹی کے وقت کیا گیا جب طلبہ و طالبات دروس ختم کر کے گھروں کو جا رہے تھے۔ انتظامیہ کے مطابق پہلے بڑے دھماکے کے بعد دو چھوٹے دھماکے بھی ہوئے، جس سے وقوعہ سے بھاگنے والے بچے اور انکے لواحقین اور امداد کرنے والے افراد بھی متاثر ہوئے۔ اشرف غنی انتظامیہ کے کئی ارکان نے حملے کے لیے طالبان کو ذمہ دار ٹھہرایا ہے، تاہم طالبان نے اس حملے میں ملوث ہونے کی سختی سے تردید کی ہے ...

رمضان کی انتیسویں شب مسجد اقصیٰ کے باہر مسلمانوں سے جھڑپ کے دوران قابض صیہونی جتھوں نے ایک درخت کو آگ لگا دی ہے، آگ کے شعلے اور اس کے نتیجے میں اٹھنے والا دھواں دور دور تک دیکھا گیا جس پر مزید مسلمان فوری مسجد کی طرف لپکے اور فوری آگ بجھانے میں مصروف ہو گئے۔ https://twitter.com/LocalFocus1/status/1391806233116651527?s=20 دنیا بھر سے مسلمانوں کی جانب سے ممکنہ شدید ردعمل کے پیش نظر قابض صیہونی انتطامیہ نے فوری میڈیا کو مدعو کر کے مسجد کے محفوظ ہونے کی خبر دی ہے۔ تاہم اطلاعات کے مطابق مسجد میں تاحال جھڑپیں جاری ہیں۔ https://twitter.com/AlQastalps/status/1391806529687412736?s=20 گزشتہ چند روز سے جاری جھڑپوں کے دوران اب تک 350 سے زائد فلسطینیوں کے زخمی ہونے کی اطلاعات ہیں جبکہ 20 سے زائد کی حالت تشویشناک بتائی جا رہی ہے۔ دوسری جانب غزہ سے حماس نے صیہونی انتظامیہ پر راکٹ داغ...

مقبوضہ فلسطین میں صیہونی مظالم کا سلسلہ جاری ہے، رمضان کی باسعادت گھڑیوں میں ایک بار پھر صیہونی انتظامیہ نے مسجد اقصیٰ میں نمازیوں کو تشدد کا نشانہ بنایا ہے جس میں اب تک 14 بچوں اور نوعمر سمیت 350 سے زائد افراد کے زخمی ہونے کی اطلاعات ہیں۔ زخمی افراد میں سے 16 کی حالت تشویشناک بتائی جا رہی ہے۔ جھڑپوں میں دو درجن صیہونی مسلح جتھوں کے زخمی ہونے کی بھی اطلاعات ہیں۔ https://twitter.com/adham922/status/1391629850998411265?s=20 واضح رہے کہ حالیہ جھڑپیں قابض صیہونی انتظامیہ کی جانب سے مشرقی بیت المقدس میں عرب مسلمانوں سے گھر خالی کروانے کے لیے دباؤ ڈالنے کی کوشش میں شروع ہوئی ہیں۔ مسجد اقصیٰ اور اس کے اردگرد کے علاقوں میں گزشتہ جمعہ سے صیہونی مسلح جتھے، شدت پسند صیہونی تنظیموں کے ارکان کے ساتھ مل کر نہتے فلسطینیوں پر حملے کر رہے ہیں اور انہیں علاقہ چھوڑ کر بھاگنے پر مجبور کیا جا رہا ہے۔ ...