سیاست

امریکی تحقیقاتی ایجنسی ایف بی آئی نے ایک خفیہ کارروائی میں جوہری آبدوز میں کام کرنے والے انجینیئر اور اسکی بیوی کو گرفتار کیا ہے جو مبینہ طور پر جوہری آبدوز کی ٹیکنالوجی کسی غیر ملکی حکومت کو بیچ رہے تھے۔ جوناتھن اور ڈیانا توئیبی کو مغربی ورجینیا سے گرفتار کیا گیا ہے۔ جوڑے ہر الزام ہے کہ وہ جوہری ہتھیاروں سے لیس آبدوز کی انتہائی حساس ٹیکنالوجی کی ساخت اور دیگر معلومات کسی غیر ملکی ایجنٹ کو بیچ رہے تھے، اور یہ سلسلہ گزشتہ ایک سال سے جاری تھا۔ واضح رہے کہ ایف بی آئی کی یہ ایک خفیہ کارروائی تھی جس میں سب کچھ ایک جال تھا۔ اس میں ملکی تحقیقاتی ایجنسی نے اہلکاروں کی سنجیدگی اور ایمانداری کو جانچنے کے لیے اپنے ہی ایک خفیہ نمائندے کو ان سے رابطہ کرنے اور حساس معلومات بیچنے کے لیے بھیجا۔ ایف بی آئی کے مطابق جوڑے نے اپریل 2020 میں حساس معلومات کے دستاویزات ارسال کرتے ہوئے لکھا کہ یہ معلومات ...

افغانستان پر امریکی قبضے کے دوران قائم کٹھ پتلی انتظامیہ کے وزیر دفاع کے بیٹے نے امریکی ریاست لاس اینجلس میں 2 کروڑ ڈالر کا بنگلہ خریدا ہے۔ امریکی میڈیا میں اس معاملے پر خوب تنقید ہو رہی ہے اور کہا جا رہا ہے کہ یہ اسی وزیردفاع کا بیٹا ہے جس کی فوج پر امریکی ٹیکس سے 85 ارب ڈالر خرچ کیے گئے اور وقت آنے پر وہ فوج لڑے بغیر ہتھیار ڈال کر بیٹھ گئی۔ https://twitter.com/RealSamRogers/status/1446357369391362060?s=20 داؤد وارداک 1977 میں سابق وزیر دفاع عبدالرحیم وارداک کے ہاں پیدا ہوا اور اس وقت وہ فلوریڈا میں اے ڈی کیپیٹل نامی کمپنی کا مالک بھی ہے۔ لاس اینجلس میں خریدی نئی جائیداد کے علاوہ وارداک میامی میں 52 لاکھ ڈالر مالیت کے ایک گھر کا مالک بھی ہے۔ امریکی میڈیا میں مزید کہا جا رہا ہے کہ عبدالرحیم وارداک امریکی کٹھ پتلی انتطامیہ کے ان افراد میں شامل تھے جنہیں عسکری ذمہ داریاں دی گئی ...

امریکہ میں رواں برس کووڈ-19 سے مرنے والوں کی تعداد 2020 سے بڑھ گئی ہے۔ امریکی جامعہ جانز ہاپکنز کے جمع کیے اعدادوشمار کے مطابق 2021 میں اب تک مرنے والوں کی تعداد 3 لاکھ 53 ہزار سے بڑھ چکی ہے، جبکہ 2020 میں مجموعی طور پر 3 لاکھ 52 ہزار افراد کی موت ہوئی تھی۔ اعدادوشمار کے سامنے آنے پر خصوصی طور پر ریپبلک جماعت کے رہنماؤں اور حامیوں کی جانب سے سخت ردعمل سامنے آرہا ہے، انکا کہنا ہے کہ میڈیا کا وہ سارا طوفان کہاں گیا جو اموات کا ذمہ دار صدر ٹرمپ کو ٹھہراتا تھا اور اب 4 ماہ قبل ہی اموات بڑھ جانے کے باوجود بالکل خاموشی طاری ہے۔ سماجی میڈیا پر شہری اپنے ردعمل میں کہہ رہے ہیں کہ صدر ٹرمپ کو لبرل امریکی میڈیا نے دہشت گرد کے طور پر دکھایا، ا وقت کورونا سے اموات کو امریکہ کا دوسرا 9/11 قرار دیا، بلکہ ایک وباء سے اموات کا موازنہ ویتنام جنگ سے کر کے ایک منتخب صدر سےاستعفے کا مطالبہ کیا گیا۔ د...

برطانیہ میں خواتین کے ساتھ جنسی زیادتی کے بڑھتے واقعات کے پیش نظر وزیراعظم بورس جانسن نے مقامی نظام انصاف پر سوال اٹھا دیا ہے۔ لندن پولیس کے افسر وائین کوزنز کے ہاتھوں سارہ ایوراڈز کے اغواء، جنسی زیادتی اور قتل پر سماجی حلقوں کی جانب سے حکومت پر سخت تنقید سامنے آئی ہے۔ صورتحال پر اپنے ردعمل میں وزیراعظم بورس جانسن نے بھی تحفظات کا اظہار کرتے ہوئے کہا ہے کہ برطانوی نظام انصاف جنسی حیوانوں کو قرار واقعی سزا دینے میں ناکام نظر آرہا ہے، جس سے برائی میں اضافہ ہوا ہے۔ برطانوی نشریاتی ادارے بی بی سی سے گفتگو میں وزیراعظم کا کہنا تھا کہ سارہ ایوراڈز کے واقع نے عوام کے پولیس پر اعتماد کو بری طرح ٹھیس پہنچائی ہے۔ ایک حاضر سروس پولیس افسر کی جانب سے ایسا جرم سامنے آنا ہمارے اداروں اور نظام پر بڑ اسوال ہے۔ انکا کہنا تھا کہ میں محکمہ پولیس میں ایسے ہزاروں افراد کو دیکھتا ہوں جو اس واقعے سے شدید اضط...

افغان دارالحکومت کابل میں ایک مسجد کے باہر ہوئے بم دھماکے میں کم از کم 2 افراد جاں بحق اور 3 زخمی ہو گئے ہیں۔ شہری مسجد میں ترجمان امارات اسلامیہ افغانستان کے ترجمان ذبیح اللہ مجاہد کی والدہ کے انتقال کے بعد تعزیت کے لیے اکٹھے ہوئے تھے۔ اطلاعات کے مطابق انتظامیہ نے حملے میں مبینہ ملوث ہونے کے الزام میں 3 افراد کو گرفتار کر لیا ہے اور معاملے کی تحقیقات شروع کر دی گئی ہیں۔ ابتدائی اطلاعات کے مطابق بم دھماکے سے پہلے فائرنگ کی گئی تھی، جس کا مبینہ مقصد دھکم پیل پیدا کرنا تھا۔ تاہم طالبان کی سکیورٹی نے فوری صورتحال سنبھال کی اور حملہ آور کو بھاگنے پر مجبور کر دیا، تاہم اس کے فوری بعد دھماکہ ہوا جس میں 2 افراد جاں بحق ہو گئے۔ مقامی میڈیا کے مطابق حملے میں مارے یا زخمی ہونے والے سب افراد عام شہری تھے، اور عید گاہ نامی مسجد شہر کی دوسری سب سے بڑی مسجد ہے۔ مسجد 16ویں صدی کی ایک تاریخی مسجد ہ...

امریکی عدالت نے شام سے گرفتار داعش کے کینیڈی نژاد رکن محمد خلیفہ پر فرد جرم عائد کر دی ہے۔ محمد خلیفہ پر الزام ہے کہ اس نے داعش کو پراپیگنڈے اور دیگر ابلاغی معاملات میں تکنیکی مدد فراہم کی تھی، جن میں مغوی مغربی شہریوں کے گلے کاٹنے کی ویڈیو بھی شامل ہیں۔ محمد خلیفہ کو 2019 میں امریکی حمایت یافتہ کرد ملیشیا نے گرفتار کیا تھا۔ محمد خلیفہ نے 2019 میں کینیڈی نشریاتی ادارے کو دیے ایک انٹرویو میں اعتراف کیا تھا کہ اس نے 2013 میں کینیڈا چھوڑ دیا تھا اور داعش میں شمولیت اختیار کر لی تھی، گرفتاری کے بعد محمد خلیفہ امریکہ میں زیر قید تھا اور حال ہی میں اسے مزید تحقیقات کے لیے ایف بی آئی کے حوالے کیا گیا تھا۔ مغربی ذرائع ابلاغ کے مطابق محمد خلیفہ جلد ہی داعش میں اہم مقام حاصل کرنے میں کامیاب ہو گیا تھا اور وہ ابوبکر البغدادی کے بھی قریب تھا۔ اس کے پاس ابلاغی کام کی اہم ذمہ داری تھی، جن میں تر...

برطانوی تحقیقاتی ادارے سکاٹ لینڈ یارڈ نے مصنوعی ذہانت کو استعمال کرتے ہوئے شہریوں پر نظر رکھنے کے متنازعہ نظام کے دائرے کو مزید پھیلانے کا فیصلہ کیا ہے، منصوبے پر 30 لاکھ پاؤنڈ کی خطیر رقم خرچ ہو گی اور اس سے شہریوں کی پرانی سی سی ٹی وی فوٹیج اور سماجی میڈیا پر شائع تصاویر کے ذریعے انکی شناخت کی جا سکے گی۔ شہریوں کی اپنی معلومات سے انکی جاسوسی کی جدید ٹیکنالوجی کے استعمال پر سماجی حلقوں میں شدید تحفظات پائے جاتے تھے اور برطانیہ سمیت مغربی دنیا اس ٹیکنالوجی کے چین میں استعمال پر بھی ہمیشہ تنقید کرتا رہا ہے۔ برطانوی نشریاتی اداروں کے مطابق لندن کے میئر صادق خان نے گزشتہ ماہ انتہائی خاموشی سے مصنوعی ذہانت سے لیس اس نظام کو خریدنے کی منظوری دی اور لندن میں اس کے استعمال کو مزید بڑھانے کی اجازت دی۔ برطانیہ آر ایف آر نامی متنازعہ نظام جاپان سے خریدے گا جس سے ترجمان اسکاٹ لینڈ یارڈ کے مطابق ...

نیدرلینڈ کے وزیراعظم مارک رتے کے اغواء کی مبینہ سازش کے شبہے میں انکی سکیورٹی بڑھا دی گئی ہے۔ ملکی حساس اداروں نے وزیراعظم کی رہائش گاہ کے پاس کچھ مشکوک افراد کو دیکھا ہے جن کا تعلق یورپ میں مقیم مراکشی مافیا سے بتایا جا رہا ہے۔ نیدرلینڈ کے بڑے اخبار نے بھی ان خبروں کی تصدیق کرتے ہوئے لکھا ہے کہ حساس اداروں کو جو علامات ملی ہیں وہ مراکشی مافیا کے اغواء یا کسی اہم شخصیت کو قتل کرنے سے پہلے کے خصوصی متحرکات ہیں۔ اخبار نے مزید دعویٰ کیا ہے کہ ایسی ہی حرکات 2019 میں ایڈووکیٹ ڈیرک ویئرسیم کی رہائش کے باہر بھی دیکھی گئی تھیں، جو مراکشی مافیا کے سربراہ کے خلافگواہ کی عدالت میں وکالت کر رہا تھا، جبکہ 2021 میں جرائم کے معروف مخبر پیٹر ڈی ویرائس کے قتل سے قبل بھی ایسی ہی خصوصی جاسوسی اور نشاندہی کی علامات کو دیکھا گیا تھا۔ ملکی قیادت کے تحفظ کو یقینی بنانے کے لیے نیدرلینڈ کے وزیراعظم کی سکیو...

فرانسیسی صدر ایمینؤل میخرون نے افریقی ریکستان صحارا میں داعش کے اہم کمانڈو کو مارنے کا دعویٰ کیا ہے۔ اپنے بیان میں فرانسیسی صدر کا کہنا تھا کہ داعش سے وابستہ ایک گروہ مالی اور نائیجیر کی سرحد پر متحرک تھا، جس کے سربراہ عدنان ابو والد الصحراوی کو علاقے میں موجود فرانسیسی افواج نے خصوصی آپریشن میں مار دیا ہے۔ یورپی ملک کے صدر کا کہنا تھا کہ دہشت گردی کے خلاف جنگ میں یہ ایک بڑی کامیابی ہے۔ مغربی ذرائع ابلاغ کے مطابق الصحراوی نے 2015 میں داعش سے تعلق جوڑا اور یہ ساحل کے علاقے میں مغربی افواج پر متعدد حملوں میں ملوث رہا ہے، جس میں 2017 میں ٹونگو ٹونگو کے علاقے میں امریکی افواج پر ہونے والا بڑا حملہ بھی شامل تھا، حملے میں 4 امریکی اور 5 نائیجیری فوجی مارے گئے تھے۔ گروہ نے کئی ماہ بعد حملے کی ذمہ داری قبول کی تھی اور غیر ملکی افواج کو وہاں سے نکل جانے کی تنبیہ کی تھی۔ امریکہ نے الصحراوی کو ما...

برطانوی نائب وزیر دفاع جیمز ہیئپی نے برطانوی فوجیوں کی خودکشی کا بیان واپس لیتے ہوئے عوام سے معافی مانگی ہے۔ افغانستان میں شکست پر گفتگو کرتے ہوئے برطانوی عہدے دار کا کہنا تھا کہ انہیں اطلاع ملی ہے کہ افغانستان سے تضحیک آمیز انخلاء پر برطانوی فوجی بہت شکستہ دل ہیں اور کچھ نے خودکشی کر لی ہے۔ معاملہ اٹھنے پر نائب وزیر دفاع پر کڑی تنقید ہوئی کہ انہوں نے کیوں ایک غیر مصدقہ خبر کو میڈیا پر بیان کیا۔ سکائی نیوز سے گفتگو میں جیمز ہیئپی نے فوجی جوانوں کی نفسیاتی حالت پر گہرے دکھ کا اظہار کیا تھا اور کہا تھا کہ انہیں فوری نفسیاتی مشاورت کی ضرورت ہے۔ انہوں نے اس حوالے سے منصوبہ لانے کی پیشکش بھی کی تھی تاہم عوامی سطح پر تحقیقات کے بغیر بات کرنے پر تنقید کے باعث انہوں نے بیان واپس لے لیا ہے اور کہا ہے کہ حکومت معاملے کی تحقیقات کر رہی ہے کہ گزشتہ کچھ ہفتوں میں فوج میں خود کشی کے واقعات کی تعداد ...