سیاست

جرمنی کے بڑے تحقیقاتی ادارے سٹیٹسکا نے یوکرین تنازعے کے حوالے سے اہم انکشاف کرتے ہوئے ایک تحقیقاتی رپورٹ جاری کی ہے جس کے مطابق امریکہ یوکرین کی جنگ پر افغانستان کی نسبت زیادہ ڈالر خرچ کر رہا ہے۔ امریکہ نے 11 ماہ میں یوکرین کو مجموعی طور پر 46 اعشاریہ 6 ارب ڈالر کی عسکری امداد دی ہے۔ اس رقم میں 5 ارب ڈالر کے ہتھیاروں کی قیمت شامل نہیں ہے اور نہ ہی ساڈھے 4 ارب ڈالر کی وہ امداد شامل ہے جو کہ امریکہ نے تنخواہوں اور پینشن کی ادائیگی کی مد میں یوکرین کو دیے۔ رپورٹ میں مختلف ذرائع سے دعویٰ کیا گیا ہے کہ امریکہ نے مجموعی طور پر یوکرین جنگ کے لیے 113 ارب ڈالر وقف کیے ہیں، اور اعلیٰ سیاسی قیادت کا ماننا ہے کہ امریکہ اس جنگ میں یوکرین کا بھرپور ساتھ دینا چاہیے، چاہے یہ جب تک بھی جاری رہے۔ یاد رہے کہ امریکہ افغانستان پر سالانہ 43 ارب ڈالر خرچتا رہا ہے۔ صورتحال پر تبصرہ کرتے ہوئے حکوم...

یورپ اپنی ضرورت کی 40٪ گیس روس سے خریدتا ہے۔ برطانیہ سمیت بیشتر یورپی ممالک نے اعلان کیا ہے کہ وہ اپنی گیس اور تیل کی ضروریات کے لیے روس سے درآمدات جاری رکھیں گے۔ برطانوی محکمہ ذرائع آمدورفت نے وضاحت دیتے ہوئے کہا کہ اگرچہ روسی جہازوں پر ملکی حدود میں داخل ہونے پر پابندی عائد کر دی گئی ہے لیکن برطانیہ اپنی ضرورت کے لئے روس سے توانائی کی درآمد جاری رکھے گا۔ یاد رہے کہ برطانیہ نے یوکرین تنازعہ شروع ہونے پر روس سے تعلق رکھنے والی تمام آمدورفت کی کمپنیوں، جس میں بری، بحری یا فضائی تمام ذرائع شامل ہیں پر پابندی عائد کر دی ہے۔ یہ پابندی نہ صرف روسی کمپنیوں بلکہ ماسکو سے کام کرنے والی کمپنیوں پر بھی لگائی گئی ہے۔ ملک میں توانائی کا بحران پیدا ہوتے دیکھ حکومت کو اعلان کرنا پڑا کہ روس پر تجارتی پابندیاں ضرور لگائی گئی ہیں لیکن برطانیہ اپنی ضرورت کی توانائی اس سے خریدنا جاری رکھے گا، البتہ...

برطانوی پارلیمنٹ کے اسپیکر نے ارکان اسمبلی کی جانب سے ایوان میں منشیات کے استعمال پر سخت برہمی کا اظہار کرتے ہوئے عمارت میں سونگھنے والے کتے تعینات کرنے کا عندیا دیا ہے۔ اطلاعات کے مطابق اقدام برطانوی ایوان نمائندگان کی جانب سے کوکین سمیت مختلف منشیات کے بڑھتے استعمال کے پیش نظر اٹھایا جائے گا۔ مقامی میڈیا کے مطابق اسپیکر لنڈسے ہوئیلے نے گزشتہ ہفتے ایوان میں کوکین دریافت ہونے پر پولیس کو بھی طلب کیا تھا اور معاملے کو سنجیدگی سے لینے کا مطالبہ کیا ہے۔ رواں ہفتے معاملے پر ایوان میں بات چیت ہونے کا بھی امکان ہے۔ برطانوی ایوان میں منشیات کی تلاشی اور تحقیقات کے لیے پولیس طلب کرنے پر میڈیا سے گفتگو میں اسپیکر کا کہنا تھا کہ معاملے کو اب سنجیدہ لیا جائے گا اور تحقیقات کا دائرہ کار وسیع کیا جائے گا، انہوں نے ایوان میں سونگھنے والے کتے لانے پر انتظامیہ سے مشاورت طلب کر لی ہے۔ اس پر قدامت پس...

جنوب امریکی ملک ایکواڈور کی ایک جیل میں مختلف گینگ کے مابین جھڑپ کے نتیجے میں کم از کم 68 قیدی ہلاک ہو گئے ہیں۔ انتظامیہ کے مطابق جمعے کی شب گوآیاکوئل نامی شہر کی مرکزی جیل میں اچانک گینگوں کے مابین جھڑپ شروع ہو گئی۔ جیل کو لاس کانیروس نامی گینگ کا اہم مرکز مانا جاتا ہے، جسے مبینہ طور پر میکسیکو کے سینالاؤ کارٹل کی حمایت حاصل ہے۔ اطلاعات کے مطابق جھڑپ جیل کے بلاک نمبر 2 میں ہوئی جہاں مختلف مقامی گینگوں کے مابین شروع ہونے والی جھڑپ جلد خونی کھیل میں بدل گئی۔ جھڑپ کے وقت جیل کے اس حصے میں 700 افراد قید تھے، جن میں سے 68 ہلاک اور سینکڑوں زخمی ہیں۔ انٹرنیٹ پر کئی انسانیت سوز مناظر کی ویڈیو نشر کی گئی ہیں، جن میں کچھ میں مارنے کے بعد کراہتے قیدیوں کو جلانے کے مناظر بھی شامل ہیں۔ مقامی میڈیا کے مطابق پولیس نے اس دوران بیچ بچاؤ کی کوئی کوشش نہیں کی، اور اگلے دن صبح جب سب تھک ہار کر بیٹ...

برطانوی نشریاتی ادارے بی بی سی کے سابق صحافی رابن آئیتکن نے رشیا ٹوڈے سے گفتگو میں مغربی نشریاتی اداروں کے حوالے سے اہم انکشافات کیے ہیں۔ رابن کا کہنا تھا کہ مغربی ذرائع ابلاغ اور اسکے زیر اثر دنیا بھر میں نشریاتی ادارے بڑے واقعات کے بارے میں رائے کو انتہائی چالاکی سے اپنے مطابق ڈھالتے ہیں۔ رابن کا کہنا تھا کہ لبرل مغربی نشریاتی اداروں پر قابض ہیں اور یہ نہ صرف اہم اور بڑے واقعات کو انتہائی نرم اور قابل قبول انداز میں نشر کرتے ہیں بلکہ معمولی خبروں میں بھی انکا کوئی نہ کوئی خفیہ ایجنڈا پوشیدہ ہوتا ہے۔ برطانوی صحافی کا کہنا تھا کہ لوگوں کو کسی بھی قسم کی خبر کو پڑھتے یا سنتے ہوئے اس میں پوشیدہ ایجنڈے کو سمجھنے کی کوشش کرنی چاہیے۔ رابن آئیتکن نے خصوصی طور پر مغربی ناظرین کو مخاطب ہوتے ہوئے کہا کہ صارفین کو کبھی بھی صحیح خبر اور تناظر پیش نہیں کیا جاتا، کیونکہ اس سے لبرل ایجنڈا متاثر ہو س...

عراقی وزیر اعظم مصطفیٰ القدیمی کی بغداد میں رہائش پر حملہ ہوا ہے۔ اطلاعات کے مطابق حملے کے لیے 3 ڈرون استعمال کیے گئے، اور حملے کا مقصد وزیراعظم کو قتل کرنا تھا۔ https://twitter.com/leloveluck/status/1457236189438779393?s=20 مقامی ذرائع ابلاغ کے مطابق حملہ آور ڈرون طیاروں میں سے دو کو حملے سے پہلے ہی گرا دیا گیا تھا جبکہ 1 میزائل داغنے میں کامیاب رہا، جس سے وزیراعظم کی رہائش گاہ پر تعینات متعدد سکیورٹی اہلکار زخمی ہوئے ہیں جبکہ عمارت کو بھی نقصان پہنچا ہے۔ حکومت نے حادثے کی تصاویر شائع کی ہیں اور معاملے کی تحقیقات شروع کر دی گئی ہیں۔ وزارت داخلہ کی جانب سے جاری بیان میں کہا گیا ہے کہ حکومت معاملے کی مکمل تحقیقات کرے گی اور ذمہ داران کو قرار واقعہ سزا دی جائے گی۔ حملے کے فوری بعد وزیراعظم نے ایک مختصر عوامی خطاب کیا اور بروقت کارروائی پر سکیورٹی اہلکاروں کی تعریف کی۔ ...

سعودی عرب کے جاسوس ادارے کے سابق اہلکار سعد الجبری نے امریکی نشریاتی ادارے سی بی ایس کو خصوصی انٹرویو میں ولی عہد محمد بن سلمان کو کڑی تنقید کا نشانہ بنایا ہے۔ الجبری نے محمد بن سلمان کے بارے میں بے رحم نفسیاتی مریض کے الفاظ استعمال کیے ہیں۔ الجبری کو سابق ولی عہد اور جاسوس ادارے کے سربراہ محمد بن نائف کا قریبی مانا جاتا ہے، جو محمد بن نائف کی 2017 میں مبینہ برطرفی کے فوری بعد ملک سے فرار ہو کر کینیڈا منتقل ہو گئے تھے۔ الجبری نے انٹریو میں کہا ہے کہ محمد بن سلمان انکی جان کا دشمن ہے اور انہیں قتل کرنے کے منصوبے بنا رہا ہے۔ انہوں نے انٹرویو کا آغاز؛ "میں یہاں ایک نفیساتی مریض کے بارے میں بات کرنے آیا ہوں، جو مشرق وسطیٰ میں بڑے وسائل کا مالک ہے اور نہ صرف اپنے لوگوں بلکہ امریکیوں اور پوری دنیا کے لیے بڑا خطرہ ہے۔" کے الفاظ سے کیا۔ الجبری کا مزید کہنا تھا کہ محمد بن سلمان کے پاس جذبا...

نائجیریا میں جیل پر بھاری اسلحے سے ہوئے حملے کے نتیجے میں 800 سے زائد قیدی فرار ہو گئے ہیں۔ انتظامیہ کے مطابق حملہ رات گئے ملک کے مغربی علاقے اویو میں ہوا جہاں اچانک حملہ آوروں نے جیل کی دیواروں میں بارود سے بڑے سوراخ کر دیے اور اندر گھس گئے۔ انتظامیہ کے مطابق جیل سکیورٹی نے دفاع کی بھرپور کوشش کی لیکن بھاری اسلحے کے سامنے دفاع میں ناکام رہے، اور حملہ آور قیدیوں کو فرار کرانے میں کامیاب ہو گئے۔ انتظامیہ کے مطابق 262 قیدیوں کو واپس گرفتار کر لیا گیا ہے جبکہ 575 تاحال لاپتہ ہیں۔ حملے میں کونسا گروہ یا افراد شامل تھے تاحال اس حوالے سے کوئی اطلاع نہیں ہے۔ نہ کسی گروہ نے حملے کی ذمہ داری قبول کی ہے۔ انتظامیہ کے مطابق حملہ آوروں نے صرف ان قیدیوں کو فرار کروایا ہے جن کے مقدمات ابھی زیر سماعت تھے جبکہ سزا یافتہ 62 قیدی اور خواتین قیدی تاحال زیر حراست ہیں۔ یاد رہے کہ رواں سال اپریل میں ...

بنگلہ دیش کی پولیس نے مندروں اور ہندو آبادی کی املاک پر حملوں کے الزام میں 450 سے زائد مسلم شہریوں کو گرفتار کر لیا ہے۔ مسلم اکثریتی ملک میں مذہبی بنیادوں پر دنگوں کی یہ ایک بدترین مثال ہے۔ اس سے قبل 2017 میں گستاخی رسول کے الزام میں بھی ایک شہری کو ہجوم نے قتل کر دیا تھا، تاہم حالیہ واقعے کے بعد حالات انتہائی کشیدگی کا شکار ہیں۔ کچھ روز قبل ہندوؤں کے تہوار درگا پوجا کے جلوس میں دیوی کی مورتی کے قدموں کے نیچے سے مسلمانوں کی مقدس کتاب قرآن پاک کی جلد برآمد ہوئی تھی۔ جس پر مسلمان شدید برہم ہو گئے اور حکومت سے فوری واقعے میں ملوث افراد کو سزا دینے کا مطالبہ کیا۔ ابھی واقعے کی تحقیقات جاری تھیں کہ ملک بھر میں احتجاج اور مظاہرے شروع ہو گئے اور لوگوں نے جتھوں کی صورت میں ہندوؤں پر حملے شروع کر دیے۔ انتظامیہ حالات کو سنبھالنے کی پوری کوشش کر رہی ہے لیکن انہیں شبہہ ہے کہ کیونکہ ابھی تحقیقا...