معیشت

ترکی میں کرپٹو کرنسی/سکے میں خریدوفروخت پر عائد کر دی گئی ہے، صدارتی حکمنامے کے تحت متعارف کروائے گئے قانون پر فوری عملداری بھی شروع ہو چکا ہے۔ نئے قانون کے تحت کرپٹو سکے کے ذریعے کاروبار کرنے والے افراد اور کمپنیوں پر دہشت گردی کی مالی اعانت اور غیر قانونی طریقے سے پیسہ باہر بھیجنے کے قوانین کے تحت مقدمہ قائم کیا جا سکے گا۔ اطلاعات کے مطابق صدارتی حکمنامے کے تحت فوری عملداری کا قانون کچھ عرصے سے ڈیجیٹل کرنسی کے ذریعے غیر قانونی طور پر پیسہ باہر بھیجنے کی سرگرمیوں کے سامنے آنے، اور معاملے پر کڑی نظر رکھنے کے باعث اپریل میں اچانک دو کمپنیوں کے بند ہو جانے کے بعد متعارف کروایا گیا ہے۔ قانون کے تحت اب کرپٹو سکے میں کاروبار کرنے والی کمپنیوں کی مالیاتی ادارے چھان بین کر سکیں گے۔ ترکی کے مرکزی بینک کے مطابق غیر قانونی مالیاتی سرگرمیوں سے ملکی معیشت کو شدید نقصان پہنچایا گیا ہے، اس ...

چینی معیشت کورونا کی تباہ کاریوں سے نکلنے لگی، قومی ادارہ برائے شماریات کے مطابق گزشتہ سال کی نسبت رواں سال کے مارچ میں صنعتوں کے منافعے میں اضافہ ہوا ہے، اور فیکٹریاں اب خام مال کی خریدوفروخت بھرپور اعتماد کے ساتھ کر رہی ہیں۔ اعدادوشمار کے مطابق مجموعی طور پر مارچ کے ماہ میں صنعتوں کے منافع میں 711 ارب 18 کروڑ یوعان کا اضافہ ہوا، جو گزشتہ سال کی نسبت 92 اعشاریہ 3 فیصد زیادہ تھا۔ محکمہ شماریات کے ایک اہم عہدے کے مطابق خصوصی طور پر خام مال تیار کرنے والی فیکٹریوں کے منافعے میں اضافہ دیکھنے میں آیا ہے، جن میں کیمیائی مواد، دھاتیں اور پیٹرلیم مصنوعات زیادہ نمایاں ہیں۔ اس کے علاوہ چین کی مجموعی ملکی پیداوار میں بھی رواں سال کے پہلے تین ماہ میں اضافہ دیکھنے میں آیا ہے، شماریات کے مطابق اب تک چین کی ملکی پیداوار 18 اعشاریہ 3٪ رہی۔ گزشتہ ماہ میں چین کی برآمدات اور درآمدات کی طلب میں بھی ...

برطانوی نشریاتی ادارے رائٹرز کی ایک رپورٹ کے مطابق معاشی پابندیوں کے باوجود ایران یومیہ 5 لاکھ بیرل سے زیادہ تیل برآمد کر رہا ہے۔ رپورٹ کے مطابق مقدار کا اندازہ ٹینکر کمپنی کے اعدادوشمار سے لگایا گیا ہے۔ رپورٹ میں مزید کہا گیا ہے کہ اگرچہ یہ مقدار گزشتہ ماہ سے کم ہے لیکن گزشتہ سال اپریل سے کئی گناء زیادہ ہے۔ ایرانی تیل کی ترسیل کے لیے کام کرنے والی سوئس کمپنی کے مالک کا کہنا ہے کہ اگرچہ کم مقدار کی برآمد ہمارے اندازے سے زیادہ دیر تک برقرار رہی لیکن ویانا میں جاری ایران و امریکہ جوہری معاہدے پر مذاکرات کے باعث ہم یقین سے کہہ سکتے ہیں کہ اب یہ 2020 کی سطح پر کبھی نہیں جائے گی۔ واضح رہے کہ ایرانی تیل کی برآمد کا درست اندازہ لگانا مشکل ہے، جس کی وجہ ایران کا تیل کی ترسیل کے لیے مختلف مقامات پر کنٹینر بدلنا، چھوٹے جہازوں کا استعمال اور دیگر ایسے طریقے استعمال کرنا ہے۔ لیکن امریکہ میں حک...

دنیا کے سب سے بڑے سونے کے صارف چین نے ملک میں موجود تمام مقامی و بین الاقوامی بینکوں کو سونا درآمد کرنے کی اجازت دے دی ہے۔ چینی مالیاتی امور کے ماہرین کا کہنا ہے کہ چین کا مرکزی بینک اس چیز منظم طریقے سے کنٹرول کرتا ہے کہ ملک میں کتنا سونا آ رہا ہے، بینک نے تمام کاروباری بینکوں کا حصہ مختص کر رکھا ہے اور بینک اسی کوٹے کے تحت سونا درآمد کر سکتے ہیں۔ ماہرین کا کہنا ہے کہ اگرچہ بینک ضرورت کے تحت سونا لانے کی اجازت دیتا ہے لیکن بسا اوقات اس کے بازار میں استعمال کو روکتا بھی ہے۔ ماہرین کا کہنا ہے کہ چین میں گزشتہ کچھ ہفتوں میں سونے کی بڑی مقدار درآمد کی گئی ہے، جسکا مطلب ہے کہ بینک نے اسکی اجازت دی۔ تاہم مغربی میڈیا سے گفتگو میں ایک چینی کاروباری بینک کے عہدے دار کا کہنا ہے کہ انہیں 2019 سے اجازت نہیں دی گئی، لیکن اب دی جائے گی۔ برطانوی نشریاتی ادارے نے ذرائع کے حوالے سے کہا ہے کہ چین م...

چین کی معاشی ترقی کے ساتھ ساتھ امریکہ پر اب چینی ٹیکنالوجی اور سائبر سکیورٹی کا خوف بھی سر چڑھ کر بول رہا ہے۔ امریکی حکام آج کل ڈیجیٹل یوآن کو لے کر انتہائی پریشان ہیں اور اسے ڈالر کے مقابلے میں بڑا خطرے کے طور پر دیکھ رہے ہیں۔ امریکی ماہرین کا ماننا ہے کہ اگر چینی ڈیجیٹل یوآن ڈالر سے قبل مقبولیت حاصل کرنے میں کامیاب رہا تو ڈالر عالمی پیسے کی حیثیت کھو دے گا۔ امریکی میڈیا کے مطابق امریکی محکمہ مالیاتی، پینٹاگون، دفتر خارجہ اور قومی سلامتی کونسل آج کل ڈیجیٹل یوآن کے متبادل عالمی پیسہ بننے کی صلاحیت اور دیگر معاملات پر بحث کر رہی ہے۔ خبر کے مطابق ماہرین کا ماننا ہے کہ اگرچہ چینی مالیاتی نظام فوری طور پر امریکی اجارہ داری کے لیے بڑا خطرہ نہیں ہے البتہ خود مختار ڈیجیٹل یوآن امریکی پابندیوں سے بچنے کے لیے متبادل ادائیگی کے نظام کے طور پر استعمال ہو سکتا ہے اس لیے امریکی حکام ڈیجیٹل یوآن کے ...

دنیا میں تیل کے کاروبار سے وابستہ افراد کی دولت میں 2021 میں 51 ارب ڈالر کا اضافہ ہوا ہے۔ امریکی نشریاتی ادارے بلومبرگ کے مطابق امریکی تیل کی صنعت سے وابستہ ارب پتی ہارولڈ ہمم کی دولت 3 اعشاریہ 3 ارب ڈالر سے بڑھ کر 8 اعشاریہ 4 ارب ڈالر ہوگئی ہے اور یوں انکے اثاثہ جات میں 59٪ کا اضافہ ہوا ہے۔ ہندوستانی ارب پتی گوتم ادانی کی دولت 23 اعشاریہ 3 ارب سے بڑھ کر 57 اعشاریہ 1 ارب ڈالر ہو گئی ہے، اور یوں گوتم رواں سال میں اب تک دنیا میں سب سے زیادہ دولت کمانے والے شخص بن گئے ہیں۔ رپورٹ کے مطابق توانائی کے شعبے سے وابستہ افراد کی دولت میں رواں سال میں اب تک 10٪ کا حد درجہ اضافہ ہوا ہے۔ صورتحال کو بھانپتے ہوئے دنیا بھر میں سرمایہ کار توانائی کےشعبے میں سرمایہ کاری کر رہے ہیں، جس میں خصوصی طور پر تیل اور گیس کے ذخائر بنانے پر توجہ دی جارہی ہے۔ سرمایہ کار سستے داموں تیل خرید کر اسے محفوظ کرنے اور...

روسی نشریاتی ادارے رشیا ٹوڈے کے پروگرام بوم بسٹ نے امریکی صدر جوبائیڈن کے نئے ترقیاتی منصوبے کا جائزہ پیش کیا ہے۔ منصوبہ چین کے نئے تجارتی راہداری اور سرمایہ کاری منصوبے او بی او آر کے جواب میں متعارف کروانے کا اعلان کیا گیا ہے۔ پروگرام میں مارکیٹ گیج ڈاٹ کام کے مالک مشعل شنائڈر سے گفتگو کی گئی جنہوں نے منصوبے کو ایک وسیع پیکج قرار دیا۔ شنائڈر کا کہنا تھا کہ اس میں کسی کو شک نہیں ہے کہ امریکہ کو اپنا بنیادی ڈھانچہ بہتر کرنے کی ضرورت ہے، اور ایسا نہ صرف معیشت کو چلانے اور نئی ملازمتوں کے لیے ضروری ہے بلکہ شہریوں کے ملک پر اعتماد کو بحال کرنے کے لیے بھی ناگزیر ہو چکا ہے، امریکہ متعدد ایشیائی ریاستوں کی نسبت بنیادی ڈھانچے میں بہت پیچھے رہ گیا ہے۔ شنائڈر کا مزید کہنا تھا کہ ٹیکس، لاگت اور اخراجات وہ معاملات ہیں جن پہ ہمیں اصلاحات کی ضرورت ہے، اگر ان پر عوام اور حکومت میں کوئی سمجھوتہ ہ...

مصر کی نہر سوویز 6 روز کی بندش کے بعد کھل گئی ہے، 6 دنوں تک نہر ایک بڑے تجارتی بحری جہاز کے پھنس جانے کے باعث بند ہو گئی تھی، جسے بالآخر کھول دیا گیا ہے۔ https://twitter.com/steve_hanke/status/1376386325490847746?s=20 ایور گون نامی جہاز تیز صحرائی ہوا کے باعث مڑ گیا تھا اور نہر کے دونوں کناروں میں پھنس گیا تھا۔ https://twitter.com/ASB_Breaking/status/1376381520022274048?s=20 انتظامیہ کے مطابق نہر کے کنارے کی مرمت اور راہداری کھولنے کے لیے 2 سے 3 دن یا اس سے زیادہ وقت بھی لگ سکتا ہے۔ ایور گون جہاز کے پھنسی جگہ سے نکلنے پر انتظار میں کھڑے جہازوں نے ہارن بجا کر خوشی کا اظہار کیا جبکہ مصری انتظامیہ نے نعرہ تکبیر اور شکرانے سے خوشی منائی، ملکی انتظامیہ نے عملے کو مبارکباد دی ہے۔ https://twitter.com/IbrahemFthelbab/status/1376387247264698369?s=20 اطلاعات کے مطابق راہد...

روسی وزیر خارجہ سرگئی لاوروو نے چینی ذرائع ابلاغ سے گفتگو میں کہا ہے کہ روس اور چین مل کر مغرب کی متعصب پالیسیوں اور مالیاتی پابندیوں کا شکار ہونے کے بجائے متبادل معاشی نظام کھڑا کر سکتے ہیں، سرگئی لاوروو کا مزید کہنا تھا کہ امریکہ، روس اور چین کی ٹیکنالوجی کے شعبے میں ترقی کو ہضم نہیں کر پا رہا اور مسلسل اسکی راہ میں روڑے اٹکا رہا ہے، ایسے میں دونوں مشرقی ممالک کو مل کر اس کے خلاف کام کرنا چاہیے۔ امریکی معاشی و تجارتی پابندیوں کے نقصان سے بچنے کے لیے روسی وزیر خارجہ نے مقامی پیسے میں تجارت کرنے کی ضرورت پر زور دیا، انکا کہنا تھا کہ دنیا کے لیے مغربی مالی نظام سے آزادی حاصل کرنا ناگزیر ہو چکا ہے، جہاں سب کچھ امریکی یا اسکے چند اتحادیوں کے مفاد میں ہے۔ سرگئی لاوروو کا مزید کہنا تھا کہ مغربی ممالک اپنے خاص نظریے کو ترویج دے رہے ہیں، تاکہ اعلیٰ سطح پر اپنی بالادستی کو برقرار رکھ سکیں ا...