سیاست

متحدہ عرب امارات نے اسلامی قوانین میں اہم تبدیلیاں کرتے ہوئے شراب نوشی اور مرد و خواتین کے شادی کے بغیر ساتھ رہنے کے قوانین ختم کر دیے ہیں، جبکہ غیرت کے نام پر قتل میں نرم سزا کو ختم کرتے ہوئے اسے قتل کے برابر جرم کے طور پر دیکھنے اور سزا دینے کے قانون کی منظوری بھی دے دی ہے۔ اماراتی حکومت نے نئے قوانین کا اعلان کرتے ہوئے کہا ہے کہ تبدیلی کا مقصد متحدہ امارات کی برداشت کی پالیسی کو آگے بڑھانا ہے اور اس سے ریاست کو سماجی و معاشی ترقی بھی ملے گی۔ نئے قانون کے تحت غیرت کے نام پر قتل میں قاتل کو کم سزا کے قانون کو ختم کر دیا گیا ہے اور اب اسے قتل کے برابرسزا دی جائے گی۔ شراب اور زناء کے قوانین میں نرمی کرتے ہوئے 21 سال سے زائد عمر کے افراد کو شراب رکھنے، بیچنے اور پینے  کی اجازت ہو گی، جبکہ مرد و خواتین شادی کے بغیر بھی ایک دوسرے کے ساتھ رہ سکیں گے۔ ماہرین کے مطابق بظاہر اقدا...

فرانس میں کیے جانے والے ایک نئے عوامی سروے کے مطابق فرانسیسی پالیسیوں کی وجہ سے مسلمانوں اور دیگر فرانسیسی شہریوں میں فکری تفریق بڑھتی جا رہی ہے۔ سروے کے مطابق ملک کی 57 فیصد مسلم آبادی فرانسیسی قوانین کو شریعت سے کم تر سمجھتی ہے۔ آئی ایف او پی کی سروے رپورٹ کے مطابق 25 سال سے کم عمر 57 فیصد مسلمان نوجوان شریعت کو فرانسیسی قانون سے اہم اور بالاتر مانتے ہیں اور اس تناسب میں 2016 کی نسبت 10 فیصد کا اضافہ ہوا ہے۔ جبکہ عمر کی تفریق کے بغیر 38 فیصد مسلمان شریعت کے بارے میں نواجوانوں جیسی رائے رکھتے ہیں۔ دوسری طرف کیتھولک عیسائیوں میں صرف 15 فیصد کے مطابق مذہبی قوانین ریاستی قوانین سے بالاتر ہیں۔ فرانسیسی تحقیقاتی ادارے کی رپورٹ سے عیاں ہوتا ہے کہ سروے کے متعدد سوالات فرانس میں سیموئل پیٹی نامی استاد کے سر قلم کرنے کے واقع سے متعلق تھے۔ جس میں استاد نے آزادی اظہار کا درس دیتے ہوئے طلباء ...

امریکی صدارتی انتخابات میں جوبائیڈن نے میڈیا رپورٹنگ کی بنیاد پر فتح کا دعویٰ کر دیا ہے جبکہ صدر ڈونلڈ ٹرمپ نے دعوے کو مسترد کرتے ہوئے قانونی چارہ جوئی کا اعلان کیا ہے۔ صدر ٹرمپ کا کہنا ہے کہ وہ حقیقی فاتح کو ہی امریکہ کا صدر بننے کی اجازت دیں گے۔ https://twitter.com/JoeBiden/status/1325118992785223682?s=20 ایسوسیئیٹڈ پریس نے پنسلوینیا سے مبینہ فتح کی خبر دیتے ہوئے جوبائیڈن کو مطلوبہ 270 الیکٹورل ووٹ حاصل کرنے میں کامیاب قرار دیا تھا جس پر حزب اختلاف کے امیدوار جو بائیڈن نے بھی فوری فتح کا اعلان کرتے ہوئے ٹویٹ میں کہا کہ وہ سب امریکیوں کے صدر ہوں گے، انکے بھی جنہوں نے انہیں ووٹ نہیں دیا۔ صورتحال پر اپنے ردعمل میں صدر ٹرمپ کا کہنا ہے کہ جو بائیڈن اپنے میڈیا اتحادیوں کی مدد سے فتح کا جھوٹا اعلان کر رہے ہیں۔ غیر قانونی ووٹوں اور میڈیا میں حاصل کی گئی اس فتح کو انکی قانونی ٹیم...

امریکی سپریم کورٹ نے صدر ٹرمپ کی استدعا قبول کرتے ہوئے ریاست پنسلوینیا میں مقررہ وقت سے بعد میں آنے والے ووٹوں کو الگ سے گننے کا حکم دیا ہے۔ جسٹس سیموئل آلیتو نے حکم میں کہا ہے کہ تمام حلقے اکتوبر 28 سے یکم نومبر کے درمیان دی جانے والی ہدایات کے مطابق صرف انتخابات کے دن کی شام 8 بجے تک آنے والے ووٹوں کو ووٹ تصور کریں اور اس کے بعد ڈالے جانے والے ووٹوں کو الگ سے گنا اور محفوظ رکھا جائے۔ تاہم عدالت نے حزب اختلاف کو ہفتے کی شام تک اعتراض جمع کروانے کی اجازت بھی دی ہے۔ https://twitter.com/michellemalkin/status/1324882612087746561?s=20 صدر ٹرمپ نے انتخابات میں ڈاک کے ذریعے ڈالے جانے ووٹوں پر متعدد اعتراضات کیے ہیں، جن میں سے تاخیر سے ڈالے جانے والے ووٹوں کے شامل ہونے اور انکے پولنگ ایجنٹوں کے بغیر ووٹوں کی گنتی کے الزامات زیادہ نمایاں ہیں۔ اب تک عدالت نے ایک ریاست میں انکی د...

ایتھوپیا کے ارکان پارلیمنٹ نے وزیراعظم عابی احمد کے ملک کے شمالی علاقے تِغڑے میں ریاستی عملداری بحال کرنے کے لیے فوج بھیجنے کی حمایت کر دی ہے۔ ریاستی اسمبلی نے وزیراعظم کے حکم کی توثیق کرتے ہوئے 6 ماہ کے لیے شمالی علاقے میں فوج تعینات کرنے کی حمایت کی ہے۔ وزیراعظم عابی احمد کا کہنا ہے کہ ملک کو توڑنے کی سازش کرنے والوں کے فوج پر حملے کو قطعاً برداشت نہیں کیا جا سکتا۔ حکومت کا الزام ہے کہ تِغرے کی مقامی پارٹی کے عسکری گروہ نے چند روز قبل ایک عسکری چھاؤنی پر حملے کے دوران دسیوں فوجیوں کو ہلاک کر دیا تھا، تاہم فرانسیسی ذرائع ابلاغ کے مطابق پارٹی نے حملے سے انکار کیا ہے۔ مقامی جماعت نے یہ دعویٰ بھی کیا ہے کہ تِغرے میں مقیم فوج ان کے ساتھ ہے اور رضاکارانہ طور پر ان کے ساتھ تعاون بھی کرتی ہے، جس کا مقصد ملک کو خانہ جنگی سے بچانا ہے۔ تاہم وزیر اعظم کا کہنا ہے کہ پوری فوج ریاست اور صرف من...

ویانا میں نسل پرست گروہ نے 2 نومبر کو ہوئے دہشت گرد حملے کے نام پر مسلمانوں اور مہاجرین کے خلاف مظاہرہ کرتے ہوئے انہیں ملک سے نکالنے کا مطالبہ کیا ہے۔ گروہ کے کارکنان نے نسلی تعصب کی علامات، جھنڈے اور مشعال اٹھا رکھی تھیں، جبکہ انہوں نے مسلمانوں کے خلاف نعرے بازی کی اور مسلم ممالک کے ساتھ آبادی کے تبادلے کا مطالبہ بھی کیا۔ https://www.youtube.com/watch?v=iqlEFLGKgmg روسی میڈیا کے مطابق گروہ کو مظاہرے کے دوران سوشلسٹ نظریات کے حامل ایک گروہ کا سامنا کرنا پڑا جس نے نسل پرست گروہ کو متعصب، نازی اور فسادی کہا۔ ...

امریکی انتخابات میں تنازعے کے بڑھنے کا سلسلہ جاری ہے۔ ریاست مشی گن میں ایک معروف ڈاک کمپنی میں کام کرنے والے ملازم نے دعویٰ کیا ہے کہ اسکے سربراہ نے اسے اور عملے کے دیگر افراد کو تاخیر سے پہنچنے والے ووٹوں پر پچھلی تاریخ ڈالنے کا حکم دیا۔ ملازم کے دعوے پر کمپنی نے تحقیقات کا حکم دے دیا ہے۔ میڈیا پر انکشاف کو ویریٹاس منصوبے کے سامنے آجانے کا نام دیا گیا ہے۔ ویریٹاس سافٹ ویئر کے شعبے میں ایسے شخص کو کہا جاتا ہے جو کمپنیوں کی خاص ضروریات کے تحت انکی معلومات اور سافٹ ویئر میں حساس اور خفیہ تبدیلیاں کرنے کی سہولت فراہم کرتے ہیں۔ ملازم نے یہ دعویٰ بھی کیا ہے کہ اسے اور اسکے دیگر ساتھیوں کو حکم دیا گیا تھا کہ بدھ تک ڈاک کے ذریعے آنے والے تمام ووٹوں کو الگ رکھیں، اور شام کو ان سب پر پچھلی تاریخوں کی مہر لگا دیں۔ https://twitter.com/JamesOKeefeIII/status/1324174186366074880?s=20 ...

امریکی صدر ڈونلڈ ٹرمپ کی انتخابی مہم کی ٹیم نے ریاست جارجیا میں غیر موجود افراد اور تاخیر سے ڈاک کے ذریعے آنے والے ووٹوں کو شامل نہ کرنے کی عدالت میں استدعا کر دی ہے۔ یوں ریپبلکن کی جانب سے انتخابی عمل میں دھاندلی کو لے کر اب تک یہ تیسری درخواست ہے۔ https://twitter.com/TocRadio/status/1324149551570296832?s=20 واضح رہے کہ جارجیا میں 2 لاکھ سے زائد غیر حاضر اور ڈاک سے آنے والے ووٹ ہیں جنہیں اب تک گنا نہیں گیا، جبکہ مزید ووٹوں کے آنے کا سلسلہ بھی جاری ہے۔ اس کے علاوہ ریپبلکن کارکنان نے مقامی سطح پردھاندلی کی کوشش کو پکڑنے کا دعویٰ بھی کیا ہے۔ مقامی میڈیا کے مطابق درخواست میں فوری ووٹوں کی گنتی رکوانے کا کہا گیا جبکہ اس کے ساتھ ساتھ انتخابات کے دن 7 بجے کے بعد ڈاک کے ذریعے آںے والے ووٹوں کو الگ کرنے کی استدعا کی ہے۔ https://twitter.com/JDiamond1/status/1324142698081755142?s=...