عالمی

برطانیہ کی جانب سے ہانگ کانگ کے ساتھ مجرموں کی حوالگی سے متعلق معاہدے کی برطرفی کا اعلان سامنے آیا ہے، جس پر چین نے انگلش حکومت کو خبردار کیا ہے کہ ہانگ کانگ کے ساتھ مجرموں کی حوالگی کے معاہدے کو منسوخ کرنے پر اسے سخت نتائج برداشت کرنا پڑیں گے۔ دیگر عالمی ذرائع ابلاغ کے مطابق برطانیہ میں چین کے سفیر نے برطانیہ کی جانب سے ہانگ کانگ کے ساتھ ملزمان کی حوالگی کے معاہدے سے دستبردار ہونے کے اقدام کی شدید الفاظ میں مذمت کرتے ہوئے کہا ہے کہ معاہدے کی معطلی بین الاقوامی قوانین کی خلاف ورزی ہے جس کے برطانیہ کو سخت نتائج بھگتنا پڑیں گے۔ چین کی مزاحمت کی وجہ برطانیہ کی جانب سے قانون کو ہانگ کانگ میں جرائم کے بعد برطانیہ میں پناہ ڈھونڈنے کی آڑ میں استعمال کرنے کی ممکنہ کوشش ہے۔ جبکہ برطانیہ ہانگ کانگ سے تین ملین یعنی تیس لاکھ افراد کو برطانیہ کی شہریت دینے کا عندیا بھی دے چکا ہے، اور چند د...

 لیبیا میں 2011 میں نیٹو کی فوجی مداخلت نے ملک کے معروف حکمران معمر قذافی کا تحتہ تو الٹ دیا تاہم 9 سال گزرنے کے باوجود ملک کی سیاسی و دفاعی صورتحال دگرگوں ہے۔ لیبیا میں اس وقت دو متوازی حکومتیں قائم ہیں۔ بڑے قومی اتحاد (جی این او) کو ترکی، اٹلی اور قطر کے ساتھ ساتھ غیر اعلانیہ طور پر کسی حد تک روس کے علاوہ دیگرعالمی طاقتوں اور اداروں کی حمایت حاصل ہے جبکہ خلیفہ حفتر کی قیادت میں لیبیا کی قومی فوج (ایل این اے) کو بڑی عالمی طاقتوں کی حمایت تو حاصل نہیں تاہم روس، متحدہ عرب امارات اور دیگر عرب ممالک اس گروہ کی سرپرستی کر رہے ہیں۔ چند ماہ قبل ترکی، قطر اور اٹلی کے حمایت یافتہ گروہ نے ترک فوج کی براہ راست مداخلت سے خانہ جنگی کا پانسہ پلٹا تو مخالف گروہ کی جانب سے تشویش کا اظہار سامنے آیا۔ تاہم کسی قسم کی سنوائی نہ ہونے پر بالآخر مصر نے میدان میں کودنے کا فیصلہ کر لیا ہے اور قومی پارلیمان م...

چینی حکام نے انسانی آبادی نقصان سے بچانے کے لیے مشرقی صوبے انہوئی میں سیلاب کا دباؤ کم کرنے کے لیے قیمتی ڈیم کا ایک حصہ دھماکے سے اُڑا دیا۔ چینی میڈیا کے مطابق مقامی آبادی کو بچانے کے لیے انہوئی میں دریائے چو پر قائم  ڈیم کا ایک حصہ پانی کی سطح تاریخ کی بلند ترین سطح پر پہنچنے پر اسے دھماکے سے اُڑا دیا گیا۔ اقدام بروز اتوار کیا گیا جس کے بعد مقامی آبادی کو محفوظ ہونے کی خوشنید سنا دی گئی ہے۔ چینی اقدام سے پانی کی سطح میں تقریباً سوا دو فٹ یعنی 28 انچ کمی آنے کی توقع ہے، جبکہ ڈیم سے نکلنے والے پانی کا رخ علاقے میں موجود دو بڑے تالابوں کی جانب کردیا گیا ہے۔ چین کی وزارت برائے ہنگامی حالات کے مطابق ہفتے کے روز سے انہوئی صوبے میں 35 دریا اور جھیلوں میں پانی خطرناک سطح سے بلند ہوچکا ہے۔ جب کہ گزشتہ ایک ہفتے میں پانی کی سطح سیلابی خطرے کے نشان سے 49 فٹ بلند ہونے کے بعد چین کے سب سے بڑے ت...

نامعلوم ہیکر نے سماجی رابطے کی معروف ویب سائٹ ٹویٹر پر امریکہ کی معروف سیاسی و سماجی شخصیات بل گیٹس، اوباما، جو بائیڈن اور ایلن مسک سمیت ایپل کمپنی کے ٹویٹر کھاتے ہیک کرکے دنیا بھر سے بھولی مگر لالچی عوام سے لاکھوں ڈالر لوٹ لیے۔ ٹویٹر پر اس وقت افراتفری  پھیل گئی جب امریکا کے نامور سیاست دانوں، ارب پتی اداکاروں اور ٹیکنالوجی کے بڑے ناموں کے ٹویٹر کھاتے ہیک کر لیے گئے اور بٹکوئن کے ذریعے لاکھوں ڈالر لوٹ لیے گئے۔ ہیکر نے ہیک کیے گئے کھاتوں سے پیغام جاری کیا کہ جو کوئی اسے اس کے دیے گئے بٹکوئن کے پتے پر رقم بھیجے گا، جواب میں اسے اسکی رقم کا دوگنا واپس کیا جائے گا۔ ہیکر نے بٹکوئن کے پتے کریپٹو فار لائف نامی کھاتے کے ذریعے رقم کا مطالبہ کیا تھا، اور جتنی دیر یہ کھاتہ آن لائن رہا، اس پر ایک لاکھ ڈالر سے زیادہ کی رقم منتقل ہو چکی تھی، لوگ اس وجہ سے بھی اسے حقیقی سمجھتے رہے کیونکہ...